Policija (06.03.25)
Namakane šmóratko wotedał
Kulow. Přiwšěm póstniskim hołku a tołku spočatk tydźenja w Kulowje je so tam wosomlětny hólc runjewon přikładnje zadźeržał. Wutoru wokoło 11 hodź. namaka wón blisko dwórnišća šmóratko, kotrež bě po wšěm zdaću něchtó zhubił, a woteda namakanku policiji. Kaž w policajskej rozprawje rěka, jedna so wo Samsung Galaxy M30s. Wone bě w přewidnej škitnej wobalce. Štóž tajke šmóratko pyta, móže sej je w Kulowskim běrowje za namakanki wotewzać, hdyž dopokaz předpołoži, zo je wobsedźer.
Dróhotwar ludźi zaběra
Z krajnym radu aktualne prašenja Bukečanskeho regiona rozjimali
Bukecy (SN/MiR). Budyski krajny rada Udo Witschas (CDU) je so njedawno z Bukecami zaběrał. Na wobydlerskej rozmołwje pod hesłom „Na jedne słowo“ je so dwanaće zajimcow wobdźěliło. Nimo krajneho rady a decernentow su tež wjesnjanosća regiona wo aktualnych temach diskutowali. Mjez druhim rěčachu wo strukturnej změnje a hospodarskej perspektiwje. Jedyn Bukečan žadaše sej dokładniše informacije wo zasadźenju srědkow za naprawy strukturneje změny. Wšako nimaja wšitke projekty kaž busowe zastanišćo abo městnosće za přebywanje we wólnym času žanežkuli direktne tworjenje hódnotow. Wićaz rozjasnjowaše, zo so tele srědki zaměrnje za atraktiwitu regiona zasadźuja, dokelž njemóže Zwjazk w tymle zwisku předewzaća spěchować. Zaměr je z „mjechkimi faktorami za stejnišća“ region atraktiwniši sčinić a předewzaća kaž tež dźěłowe mocy přićahować. Zdobom so wokrjes wo připóznaće jako wosebita cona w zmysle „Net-Zero-Valley“ zasadźuje, zo by hospodarske lěpšiny měł. Přirjadnica dr.
Potrjebu hladanja wobeńć
Wot lońšeho oktobra so w Budyskich Hornjołužiskich klinikach fachowa klinika za lěkowanje starych ludźi (geriatrija) etablěruje. To je dalši krok rozšěrjenja medicinisko-hladanski poskitkow jako ćežišćowy zastaraćel.
Jägermeister: Kedźbliwa bilanca
Kamjenc/Wolfenbüttel (SN). W lěće 2023 měješe Kamjenske předewzaće Jägermeister porno lětu 2022 lochki spad wotbytka. Přiwšěm je połoženje dobre. Rozprawa wo połoženju rysuje powšitkowne hospodarske połoženje po cyłym swěće. Dale napadnje, zo kupcy mjenje kupuja. přiwšěm je předewzaće z Wolfenbüttela w Kamjencu inwestowało. Nětko móža na ležownosći w nowym składźe na wšěch 225 dalšich sudow z duboweho drjewa składować. Při tym je swójbnemu předewzaću naslědnosć wažna, wšako je nowotwar CO2-neutralny. Nowy skład ma po wšej Němskej najpozitiwnišu ekobilancu. Twarske kóšty wučinja něhdźe 17,6 milionow eurow. Po njedawnej zběhance chcedźa projekt w prěnim połlěće 2025 zakónčić.
Chróšćanski wjesnjanosta Marko Kliman (CDU) a farar Měrćin ...
Krótkopowěsće (06.03.25)
Wjace turistow w Błótach
Baršć. Wokrjes Sprjewja-Nysa ma turistisku sezonu 2024 za přewšo poradźenu. Po dotalnej bilancy Zarjada za statistiku Berlin-Braniborska zličichu loni dohromady něhdźe 834 000 přenocowanjow, štož woznamjenja w pjećlětnym přerězku plus wo nimale 6 procentow. Jako najwjetši turistiski magnet wokrjesa wopokazachu so Bórkowy z wjace hač dwěmaj třećinomaj cyłkownych hosći.
Solidarita z Hentschke Bau
Budyšin. Marko Šiman, zapósłanc CDU w krajnym sejmje, sej žada po dźesatym zapalerskim nadpadźe lěwicarskich ekstremistow na twarnišća Hentschke Bau konsekwentne chłostanske přepytowanje, wšako dotal žanych wuslědkow njeje. Aktualna škoda w Lipsku wučinja po zdźělence předewzaća poł miliona eurow. Budyski wyši měšćanosta Karsten Vogt rěči wo „nadpadźe na přichod našeho města“.
Dom hižo trěbny njeje
Wobkedźbowar wjedra pytany
Praksu nětko rozšěrja
Dróhu bórze dotwarja
Bóšicy hotuja so znowa na motorsportowe zarjadowanje
Bóšicy (SN/MiR). Wubědźowanje „Bóšičanski třiróžk“ je mjeztym tak woblubowane, zo telefon za přizjewjenja wobstajnje klinka. To zdźěli Njeswačanska komornica Liane Wetzko na wčerawšim posedźenju Bóšičanskeje gmejnskeje rady. Lětsa wotměje so tele zarjadowanje 26. a 27. apryla. „Mjez fanami historiskich kaž tež nowočasnych motorskich a jězdźidłow z přisydnikom liči tute zarjadowanje mjeztym k najwoblubowanišim w blišej a dalšej wokolinje“, wona doda. Šoferojo, kotřiž budu we Wětrowje přebywać, maja za přizjewjenje jednotliweho jězdźidła startowy pjenjez we wysokosći 135 do 230 eurow zapłaćić, wotpowědnje motorowej klasy. Pozitiwny wothłós zajimcow žnějetej tež zastaranje wobdźělnikow a móžnosć, w běhu zarjadowanja blisko čary bydlić. Bóšičanski wjesnjanosta Stanij Ryćer (rjemjesło Bóšicy) informowaše, zo je za to mjeztym wjace hač 5 800 eurow sponsorowych pjenjez na konto gmejny dóšło. „Wjeselimy so nad dalšimi pjenježnymi darami a darićelemi, na přikład ze stron předewzaćelow.
