Kónc a nowy započatk
Etat bjez noweho zadołženja
Swoju žiwjensku kwalitu z kubłanjom, kulturu a sportom chce sej město Wojerecy wobchować. Kaž z hospodarskeho plana 2016 wuchadźa, komuna swoje zadołženje dale pomjeńša.
Wojerecy (AK/SN). Z hospodarskim planom 2016 město Wojerecy puć konsolidowanja konsekwentnje dale kroči. „Tak pomjeńšimy swoje zadołženje pod krajnu směrnicu 850 eurow na wosobu. Perspektiwisce přińdźemy na zadołženje 800 eurow na wobydlerja“, rjekny wyši měšćanosta Stefan Skora (CDU) wčera na posedźenju měšćanskeje rady. Jeje čłonojo 58 milionow eurow wopřijacy etat jednohłósnje schwalichu.
Krótkopowěsće (01.06.16)
Na wšě 37 próstwow dóšło
Podstupim. W braniborskim ministerstwje za wědomosć a kulturu je hač do wčerawšeho 37 próstwow wo přisłušnosć k serbskemu sydlenskemu rumej dóšło. Wo tym informowaše dźensa zamołwity krajneho knježerstwa za naležnosće Serbow, statny sekretar Martin Gorholt. Próstwy zapodali běchu komuny a serbska rada Braniborskeje.
Žadaja sej „łužiski plan“
Podstupim. Opoziciska CDU w Braniborskim krajnym sejmje žada sej „łužiski plan“ za strukturnu změnu w regionje. Kraj měł zhromadnje ze zamołwitymi na městnje kaž tež ze susodnej Sakskej wuwiće we Łužicy podpěrać, rjekny frakciski předsyda CDU Ingo Senftleben wčera w Podstupimje. W etaće kraja měli so srědki za to zaplanować.
Čara zaso wužiwajomna
Schmilka. Prjedy hač wočakowane je w Sakskej Šwicy dwukolijowa železniska čara mjez Schöna a Bad Schandauwom zaso do wobeju směrow zaso wužiwajomna, po tym zo bě zwisk po wčerawšim njewjedrje zasypany. Zamołwići Němskeje železnicy dźensa rano tež druhe kolije přepodachu, rozprawja powěsćernja dpa. Wšitke ćahi jězdźa zaso po planje.
Policija (01.06.16)
Zadobywarja w šuli lepili
Wojerecy. Do šulskeho twarjenja na Wojerowskej Dróze měra je so w nocy na wutoru muž zadobył a při tym alarm zawinił. Wjacore wobsadki policajskich awtow kaž tež policajski pos šulu na to přepytachu a lepichu 20lětneho zadobywarja. Pola njeho naměrichu 1,50 promilow alkohola w kreji. Kradnył wón najskerje ničo njeje, kriminalny technikar zawostajene slědy přiwšěm zawěsći.
Kamjenje z mjezwočom pytać
Wo poslednich hodźinach Katrin T.
Na třećim jednanskim dnju před Zhorjelskim krajnym sudnistwom přećiwo 34lětnemu Budyšanej, kiž bě w oktobru 2015 wjace hač 70 razow do swojeje mandźelskeje kłół a ju tak morił, stejachu wuprajenja swědkow z bjezposrědnjeho wosobinskeho wobswěta wopora a skućićela w srjedźišću. Při tym so dalše trapjace nadrobnosće struchłeho podawka wukopachu.
Skutki lubosće njezabyte
Wjes so ze sotrami z rjadu Božeje předwidźiwosće rozžohnowała
Worklecy (aha/SN). „Wšo ma swój čas. Rjany bě čas z wami, tu w kapałce Božu mšu swjećić a zhromadnje so modlić. Swój čas we Worklecach sće so swěru starali wo chorych a wšón čas z wami bě nam wobohaćenje. Z wami so rozžohnujo wěmy, zo naš kruće zwjazowacy přećelski poćah wostanje“, praji wčera popołdnju farar dr. Daniel Dzikiewicz na mejskim nyšporje we Worklecach.
W połnje wobsadźenej kapałce rozžohnowachu so Worklečenjo na dwurěčnym nyšporje z tamnišimi sydom sotrami z rjadu Božeje předwidźiwosće. Mjeztym zo poda so pjeć z nich po sobotnym oficialnym rozžohnowanju do maćerneho domu w Münsteru, wostanjetej dwě z nich w Serbach a přesydlitej so do Domu swj. Ludmile w Chrósćicach.
Dr. Beno Wałda hódnoćeše na kóncu nyšpora woporliwe skutkowanje sotrow, při čimž njeje wotpohladnje słowa styskniwosće a tyšnoty do srjedźišća stajił, ale słowa dźaka a připóznaća.
Krótkopowěsće (31.05.16)
Wuznamjenjenje žurnalistej
Budyšin. Ukrainska akademija za literaturu a wuměłstwo je 25. meje serbskemu žurnalistej a publicistej Alfonsej Wićazej za jeho publicistiske, žurnalistiske a towaršnostne skutkowanje spožčiła wuznamjenjenje Pantelejmona Kuliša. Diplom a medalju přepodadźa jemu na lětušim Mjezynarodnym swjedźenju serbskeje poezije.
Tež Sakska na ILA pódla
Drježdźany. Wjace hač dwaceći firmow a slědźenskich institutow ze Sakskeje wobdźěli so wot jutřišeho na lětanskej a swětnišćowej wustajeńcy Berlin air show ILA. Tole zdźěla saksko-durinski kompetencny centrum za lětadłowu a swětnišćowu techniku. Hač do soboty prezentuje so w Berlinje-Schönefeldźe 1 000 wustajerjow ze 37 krajow.
Kader wubranki kompletny
Něhdy na festiwalu, bórze w muzeju
Hotuja so na 15. Krabatowy swjedźeń
Kulow (HH/SN). Něhdźe 30 ludźi dopominaše so zawčerawšim we Wulkoždźarowskim Krabatowym wudworu na swoju lońšu jězbu, jako pobychu na 14. Krabatowym swjedźenju w chorwatskim Žumberaku. Z pomocu 150 wobrazow su sej do pomjatka zwołali, kak běchu zhromadnje z chorwatskimi hosćićelemi zabawne wječory přežiwili a kotre rjane městna běchu z nimi wopytali.
