500. dźěćo Budyšina so narodźiło
Wyši popłatk njewobeńdźomny
Njebjelčanscy starši maja wot klětušeho wjace za žłobik a pěstowarnju płaćić
Njebjelčicy (JK/SN). Wědźo, zo steji jim woda hač k šiji, mějachu gmejnscy radźićeljo w Njebjelčicach na wčerawšim posedźenju wo njelubych zwyšenjach wšelakich popłatkow wuradźować. Někotre su samo wobzamknyli. Wosebje ćežki běše rozsud nastupajo staršiski podźěl za wudźeržowanje Njebjelčanskeho žłobika a pěstowarnje. Wotličenje zawodnych kóštow nošerja pokazuje, zo su wudawki gmejny znowa eksorbitantnje stupali a zo dyrbi gmejna tohodla podźěl popłatka staršich zwyšić. Swobodny stat Sakska podawa za tutón pad wěste měrika za wobličenje tutoho podźěla a postaji samo maksimalnu wysokosć. Komornica gmejny bě hladajo na dezolatny financny staw namjetowała, staršiski podźěl hač do maksimuma zwyšić. To pak wjesnjanosta André Bulank (njestronjan) wotpokaza, dokelž nochcyše staršim enormne zwyšenje popłatka přicpěwać. Wón namjetowaše gmejnskej radźe łahodnje postupować a popłatk w znjesliwej měrje zwyšić. Tomu rada přihłosowaše a wobzamkny, klětu wot 1.
Lěkarnju wjacekróć wobskoržili
Budyšin (CS/SN). Staroměšćanske towarstwo Budyšin je předwčerawšim přednošk wo Małowjelkowskej sotrowni wuhotowało. Na žurli měšćanskeje biblioteki předstaji Ulrike Riecke stawizny apoteki, kotraž bu pod dohladom lěkarja wot sotrow wobhospodarjena. Lěkarnja bě Budyskim apotekarjam ćerń we wóčku. W 19. lětstotku konkurowaštej w sprjewinym měsće apotekarjej, kotrajž pak wobaj Małowjelkowsku apoteku wotpokazaštaj. Hinak hač sotry běštaj wonaj wjacelětny studij absolwowałoj. Wot lěta 1825 běštaj tohodla wjacekróć přećiwo nim skoržiłoj, tola Małowjelkowčanki dopokazachu stajnje, zo „pola nich wšo po dobrym běži. Radosć nad procesami pak ma za nas porodźenych něšto dobre: Eksistuje mjenujcy tójšto aktow, kotrež wo dźěławosći apoteki sotrownje swědča, kotraž bu na zakładźe spěchowanja załožby Henrietty Sophie hrabinki von Hohenthal załožena.“ Institucija zmóžni „tež njezamóžnym zastaranje z trěbnymi medikamentami“. Apoteku natwarichu w lěće 1800 w běhu dwanaće měsacow. Mjenowanaj Budyšanaj skoržeštaj 1830 a 1831 přećiwo Małowjelkowskej lěkarni.
Pozdźišo hač w druhich łužiskich hatarstwach su Škodźicy z ...
Krótkopowěsće (28.11.24)
Šěsć linkow za serbski lud
Podstupim. Mjez 2 463 linkami koaliciskeho zrěčenja SPD a BSW w Braniborskej je tež šěsć linkow serbskemu ludu wěnowanych. Renate Harcke, rěčnica AG etniskich mjeńšin Lěwicy, kritizuje, zo chcedźa „sorabistiku na BTU Choćebuz-Zły Komorow zesylnić“. Tam pak žana njeje a Serbja sej sorabistiku nježadaja, ale přeja sej wukubłanje wučerjow w předmjeće serbšćina za zakładnu šulu.
Saněruja Körse-termu
Korzym. Ministerski prezident Michael Kretschmer přepoda wčera Körse-termje w Korzymju za saněrowanje spěchowansku zdźělenku we wysokosći 18,9 mio. eurow. Planuja ponowjenje techniki a nowy dźěćacy wobłuk. Runje tak chcedźa sawnu rozšěrić. Cyłkowne kóšty wučinjeja něhdźe 26 milionow eurow.
Čas bjez wuslědka wotběžał
Pěstuja swoju tradiciju w adwenće
Spirituelne zwuki w cyrkwi
Rakecy. Wot wčerawšeho móža zajimcy w Rakečanskej ewangelskej cyrkwi spirituelnu zwukowu instalaciju z titulom „Dobry pastyr“ dožiwić. Hač do 2. februara 2025 pokazuja pjatnaćemjeńšinsku twórbu z pjeć mjeńšinow trajacej přestawku stajnje w času mjez 9 a 20 hodź. Zastup do cyrkwje je darmotny.
Přednošk „Technologija a rěč“
Budyšin. Budyski Serbski institut (SI) přeprošuje jutře, 28. nowembra, w 19 hodź. na přednošk pod hesłom „Technologija a rěč – Předčitanska funkcija za delnjo- a hornjoserbšćinu“. Zarjadowanje budźe w Budyskim Serbskim muzeju. Fonetikarka dr. Astrid Schmiedelowa a rěčespytnikaj Lechosław Jocz ph.d. a Jan Měškank (wšitcy SI) předstaja mjez druhim wuslědki projekta SI, w kotrymž su předčitansku funkciju wuwili.
Adwentne pěsnje zaklinča
Malešecy. Chór Židźino přeprošuje sobotu, 30. nowembra, w 15.30 hodź. wutrobnje do Malešanskeje ewangelskeje cyrkwje, w kotrejž chce publikum z adwentnymi pěsnjemi zawjeselić.
Bože narodki ze wšeho swěta
Policija (27.11.24)
Pokradnjeny traktor namakał
Pěskecy. Póndźelu je swědk w lěsu pola Pěskec wotstajeny traktor nadešoł a na to policiju informował. Wukopa so, zo běchu njeznaći skućićeljo nowu ratarsku mašinu w minjenym tydźenju na ležownosći předewzaća w Pančicach-Kukowje pokradnyli. Při njeskutku pak paduši wosebje skedźbni njeběchu a něhdźe 95 000 eurow hódny traktor wobškodźichu. Cyłkowna suma wěcneje škody dotal hišće njepředleži. Policisća su slědy na městnje zawěsćili a traktor typa Massey Ferguson wobsedźerjej wróćili. Kriminalna słužba w Kamjencu nětko pad přepytuje.
Wyšu šulu w měsće powjetša
Wojerecy (AK/SN). W lěće 2020 wotewrjena nowa Wojerowska wyša šula dóstanje přitwar. To je wjetšina měšćanskeje rady wčera rozsudźiła. Po tuchwilnym trochowanju budźe projekt 3,5 milionow eurow płaćić. Swójski podźěl města wučinja 1,7 milionow eurow, tamny dźěl zapłaća ze spěchowanskimi srědkami Swobodneho stata Sakskeje. Z nowotwarom reaguje město jako nošer šule na přiběrace ličby šulerjow, na wčerawšim posedźenju měšćanskeje rady rěkaše. Wyšu šulu wopytuje tuchwilu 454 šulerjow.
Nowy dźěl šule ma z jednotliwych modulow nastać, a to direktnje napřećo awli kubłanišća. Hišće lětsa chcedźa twarnišćo spřihotować a prěnje twarske dźěła wupisać. Spočatk přichodneho lěta je rozdźěla. Prěnje module dochadźeja wot julija 2025. Dobre lěto pozdźišo budźe nowy dźěl šule nadźijomnje hotowy.
Hnujaca meditacija zahoriła
W cyrkwi Marije a Marty twórbu klasiskeje moderny předstajili
Budyšin (CRM/SN). Ewangelsko-lutherska wosada swj. Pětra běše wěriwych Smjertnu njedźelu wječor do Cyrkwje Marije a Marty na „Requiem“ Johna Ruttera a motety mištra baroka Johanna Sebastiana Bacha přeprosyła. „Z pomocu stajnje so wospjetowacymi tekstowymi a hudźbnymi wobrazami w předstajenych twórbach chcemy wo našim žiwjenju a wumrěću w Jězusu Chrystusu rozpominać“, pisachu w přiručce nyšpora. Liturgiski nawod je superintendent Tilmann Popp přewzał. Drježdźanska sopranistka Heidi Maria Taubert, wulke spěwne ćěleso Ewangelsko-lutherskeje kantornje kaž tež orchester Serbskeho ludoweho ansambla předstajichu sakralne twórby hłubokeho wobsaha. Cyłkowny hudźbny nawod je kantor Michael Vetter přewzał.
