Hižo nimale štwórć lětstotka zahorja legendarna skupina Pro Pain fanow žanra hardcore po cyłym swěće. Wot wšeho spočatka koncertuje band z New Yorka prawidłownje na jewišću Biskopičanskeho East Cluba, hdźež chce so dźensa, pjatk, wospjet wo nanajlěpšu naladu postarać. Wosebitej hosći stej kapale Bladestorm (Pólska) a Last Caress (Němska). Foto: Piotr Bieniecki

Wolejbulistki hraja domaWolejbulisća z Pančic-Kukowa hraja dźensa wječor w Słónkecach (Schlungwitz) přećiwo hosćićelej z Hnašec-Dobruše a dalšemu hóstnemu cyłkej z Wjazońcy. Dotal njeporažene Worklečanki změja jutře swój prěni domjacy hrajny dźeń přećiwo tabulkowymaj susodomaj ze Šumbacha a Zhorjelca.22.11.  18:30  ST Hnašecy-Dobruša –  ST Marijina hwězda (m)22.11.  18:30  ST Marijina hwězda –  Sokolnik Wjazońca (m)23.11.  10:00  Viktoria Worklecy II –  Šumbachski VV (ž)23.11.  10:00  Viktoria Worklecy II –  CVJM Zhorjelc II (ž)30.11.  10:00  Nysa Wolejs –  Viktoria Worklecy II (ž)30.11.  14:00  Viktoria Worklecy –  Póst Drježdźany (m)30.11.  14:00  Viktoria Worklecy –  Motor Mickten (m)Běh wokoło Brusnika28. běh wokoło Brusnika (Braunsteich) přewjedźe so jutře, 23. nowembra. Wšitkich 400 městnow je wuknihowanych.W Delanach witaja načolnikaPrěnje koparske mustwo Sokoła Ralbicy/Hórki wočakuje na Delanskej kermuši njedźelu načolnika z Němskich Pazlic. Sokoljo, kiž su naposledk dwójce 0:0 ...

Serbska rejowanska skupina Smjerdźaca w Chrósćicach swoje 60lětne wobstaće woswjećiłaHižo 60 lět Serbska rejowanska skupina Smjerdźaca wobsteji. Šěsć lětdźesatkow potajkim so rejowarjo a rejowarki mjeztym wjacorych generacijow kóždu sobotu w kulturnym domje „Lipa“ w Smjerdźacej zetkawaja a pilnje trenuja. A runje telko lět wobkružeja swět, zo njebychu jenož w domiznje přihladowarjam zarejowali, ale tež w dalokim swěće přihladowarjam wóčka zakuzłali. Hač do Chiny, Indiskeje, USA, Portugalskeje a do wjele dalšich krajow běchu sej dojěli abo dolećeli, žadyn puć jim předaloki njebě. Nic jenož na wu­stupach, ale tež na kóždym treningu skupina přeco z wjace hač 100 procentami rejuje. Tutu energiju, ­lubosć kaž tež zapal za rejowanje je kóždy přitomny 2. nowembra 2024 w Chróšćanskej „Jednoće“ do­žiwił. Tam mjenujcy běchu wšitcy – tež něhdyši ­rejowarjo a rejowarki a stari a młodźi hosćo – přeprošeni, zhromadnje ze Serbskej rejowanskej sku­pinu Smjerdźaca jeje 60lětne wobstaće woswjećić. ...

Domowina na přijeću za wulku wiziju wabiła a załožbowa rada so zešłaLubin (SN/mb). Sven Herzberger, bjezstronski krajny rada wokrjesa Dubja-Błóta, dźakowaše so Domowinje za „wulkotnu inscenaciju, kaž na mjezynarodnym filmowym festiwalu w Cannes“. Jeho a sto dalšich hosći witaše wobkuzłaca iluminacija do Lubinskeho hrodu. Tam je třěšny zwjazk prěni raz swoje přijeće za zastupjerjow politiki a towaršnosće z cyłeje Łužicy přewjedł. Přišli su nimo partnerow Serbow ze zwjazkoweho knježerstwa a parlamentow tež komunalni politikarjo kaž Antje Bobcyna, druha zastupowaca wjesnjanostka Worklec. Jim je předsyda Domowiny Dawid Statnik pod hesłom „Z wiziju do přichoda – zhromadnje za Serbstwo“ zaměr narodneje organizacije spřistupnił: w lěće 2100 zaso sto tysac serbowacych ludźi. „A za to Was jako partnerow trjebamy“, wón praji.

Nowy program kabaretistkiKumwałd. Kabaretistka Lisa Fitz je dźensa, pjatk, z hosćom w Kumwałdskej „Módrej kuli“, hdźež prezentuje w 20 hodź. swój nowy program „Avanti Dilettanti“. Zbywace zastupne lisćiki su při wječornej kasy na předań a płaća znajmjeńša 30 eurow na wosobu.Klasikar Storma we WujezdźeBukecy. Klankarka a rejowarka Daniela Schwalbe předstaji jutře, sobotu, swoju interpretaciju bajki Theodora Storma „Die Regentrude“ we Wujezdźanskim (Breitendorf) dworowym dźiwadle „Módry ptačk“. Na „swojorazne, přewšo poetiske wašnje zwjazuje wona bjezčasnu stawiznu z prastarej wědu a wěru do mocow přirody“. Zdarma přistupne zarjadowanje započnje so w 16 hodź.Serbsku drastu digitalizować

Takle je prěni „porjadny“ sněh dźensa přez nóc Budyske stare město zaku­złał. Zymski chaos pak – hinak hač w Baworskej abo Badensko-Württembergskej – we Łužicy měli njejsmy. Po wěsćenju meteorologow změjemy dźensa a jutře dalše sněženje a zdźěla jasniše wjedro ze słóncom. Hač do njedźele pak je so zymska pycha prawdźepodobnje zaso pozhubiła, žiwe slěbro ma potom hač na 8 stopjenkow nad nulu stupać. Za prěni adwent pak meteorologojo zaso zymniše wjedro z temperaturami kołowokoło minus třoch stopjenkow wěšća. Foto: SN/Bojan Benić

Budyšin (SN/BŠe). Předewzaćel Steffen Roschek nastupi jako direktny kandidat CDU we wólbnym wokrjesu 155. Dźensa je so 52lětny oficialnje nowinarjam předstajił. Roschek pochadźacy z Kulowa, ma serbske korjenje a je wusko z regionom zwjazany. To wotbłyšćuje so tež w jeho wólbnym programje.Minjenej dwě lěće je so wón zaměrnje na wjele zarjadowanjach a zetkanjach wjesnych předsydstwow CDU wobdźělił a wo ćežach a wužadanjach kónčiny zhonił. Hladajo na Łužicu widźi wón wjele strukturnych problemow, kotrež pak maja so na zwjazkowej runinje rozrisać. Jako předewzaćel je jemu wažne, zo je zapłaćomna a stabilna energija trěbna. Tež haćacu běrokratiju chce wón wottwarić. „Hač do lěta 2026 ma so dźesać procentow regulowacych zadźěwkow wotstronić“, sej wón žada. Nimo toho ma so planowanski čas za projekty pospěšić. „Němska sej tuchwilu sama noze staja.“ Łužica měła so jako metropolowy region wuwić, hdźež hospodarstwo wuspěšnje hromadźe dźěła. Zaměry chce Steffen Roschek jako direktnje woleny kandi ...

Maximilian Gruber150. schadźowanku serbske studentki a serbscy studenća lětsa woswjeća. Rjany to jubilej. Połdra lětstotka hižo wě serbska inteligenca zjawnosći srjedźny porsćik pokazać. Za lětuši wjeršk staj sej režiseraj programa něšto cyle wosebiteho wumyslili: Kóžda a kóždy njech zwoblěka sej serbsku drastu, abo wariaciju tuteje. Aha, wariaciju potajkim. Njeje tomu hišće dołho, to smy w Sorbistanje intensiwnje wo tym diskutowali, hač – a jeli haj – na kotre wašnje směmy našu serbsku drastu modifikować. Stara diskusija bě so tehdy znowa započinała: Wójna tradicionalistow přećiwo progresiwnym bě znowa wudyriła.

Werdau. We Werdauwje njedaloko Šwikawy wotmě so minjeny tydźeń, wot srjedy do soboty centralny rěčny seminar, na kotrymž wobdźělichu so najlěpši šulerjo cyłeje Sakskeje. Lětsa bě tam dohromady pjeć ­rěčow zastupjenych: čě­šćina, rušćina, łaćonšćina, španišćina a francošćina. Z Budyskeho Serbskeho gymnazija wuzwolichu so za čěšćinu slědowacy šulerjo: ­Luisa Hančikec a Marta Handrikec (wobě 10. lětnik) kaž tež Filip Malink (9. lětnik).

Dohromady dźesać zasłužbnych Serbow je Domowina lětsa z Čestnym znamješkom mytowała. Tule chcemy Wam kóždeho z nich bliže předstajić.Judith Škodźina z Pančic-Kukowa je wusahowaca wosobina w serbskim ludźe, kotraž je wosebje aktiwna na narodno-kulturnym a -nabožnym polu. Runje tak ma wosebity talent we wobłuku hudźby. Hižo zahe pokaza zajim a talent za hudźbu. Wona je swěrna čłonka spěwneje skupiny „Přezpólni“. Wustupy ćělesa prawidłownje na huslach přewodźa. Tež z chórom Lipa je wusko zwjazana. Na hodownych nyšporach w Róžeńće hižo wjacore lěta w smyčkowym kwarteće hraje. Zdobom je tež za někotre načasne serbske šlagry sadźbu za chór napisała.Na Serbskim gymnaziju w Budyšinje podawa wona předmjetaj serbšćinu a hudźbu. Hudźbu šulerjam wuwučować njeje za nju jenož dźěło, ale wěsta žadosć. Tak nawjeduje po šulskej hudźbje z wulkim angažementom a rozpalitosću chór dorosta. Wona spěchuje młode talenty a pozbudźuje šulerjow, swoje hudźbne kmanosće wuwiwać. ...