Za jězbu so přizjewić
Pančicy-Kukow. Čłonojo Domowinskeje skupiny Pančicy-Kukow, kotřiž so dotal za skupinsku jězbu sobotu, 7. septembra, do pólskeho Wrócławja přizjewili njejsu, njech to prawje bórze pola čłonow skupinskeho předsydstwa nachwataja. Z přizjewjenjom ma so jězba hnydom sobu zapłaćić, nic hakle w busu, kaž bě to wjele lět z wašnjom. Za čłonow skupiny płaći jězba 34 eurow na wosobu, za hosći płaći jězba 68 eurow. W płaćiznje zapřijate su nimo jězby z busom wobjed, kołojězba po měsće, wopyt Awle Leopoldiny a domoweje kupy. Wšitcy zajimcy su wutrobnje witani!
Gmejnska rada w Njebjelčicach
Njebjelčicy. Njebjelčan gmejna přeprošuje wšitkich zajimcow wutrobnje na konstituowacu zhromadźiznu gmejnskeje rady. Wona wotměje so srjedu, dnja 7. awgusta w schadźowanskej rumnosći gmejnskeho zarjada w Njebjelčicach. Mjez druhim wola so zastupjer wjesnjanosty kaž tež zastupjerjo do zwjazkoweje zhromadźizny Zarjadniskeho zwjazka Při Klóšterskej wodźe.
Na wólbne forumy
Zahrodka talentow
Smjerdźaca. Serbske kubłanske srjedźišćo LIPA, wjesna rada, wohnjowa wobora a Smjerdźečan młodźina přeprošuja wutrobnje na Zahrodku talentow a to njedźelu, 28. julija, wot 15 hodź. do kulturneho domu w Smjerdźacej na kofej, tykanc a čerstwe napoje. Nimo toho překwapi kuzłar Alexander Čornak ze swojimi činkami.
Nětko hižo kartki kupić
Budyšin. Hač do adwenta drje je hišće chwile. Tola w Budyšinje su nětko hižo kartki za swjatočny adwentny koncert, 1. decembra, w Budyskej Krónje na předań. Kóžde lěto znowa wšak su městna na Hody Wienskich operetow jara spěšnje wuknihowane. Ansambl wuměłcow Praskeho narodneho dźiwadła wustupi tu lětsa hižo šěsty raz. Nimo moderatora skutkuja na jewišću třo solisća, šěsć baletnych rejowarjow a rejowarkow kaž tež komorny orchester z dwanaće hudźbnikami sobu. Kartki skazać móžeće telefonisce pod čisłom 03591-49505020 abo online pod www.reservix.de.
Na serbske škotowanje
Terminy rěčneje motiwatorki
Slepo. Motiwatorka za spěchowanje serbskeje rěče w Slepjanskim regionje přeprošuje wšitkich zajimcow zbliska a zdaloka na slědowace zarjadowanja: Štwórtk, 25. julija, w 20 hodź. na Serbske blido w Slepjanskim hosćencu a piwowarje „Brauwerk Schleife“; pjatk, 2. awgusta, w 15.30 hodź. do bróžnje Bogumiła Šwjele we Wochozach na přednošk wo serbskich wjedrowych a burskich kaznjach kaž tež na zhromadnu bjesadu při kofeju; sobotu, 10. awgusta, w 10 hodź. na Serbske lěćne pućowanje z Hyncom Rychtarjom. Start pućowanja je parkowanišćo před pjekarnju Dreißig w Běłej Wodźe.
Dróha dospołnje zawrjena
Módroćišć nawuknyć
Choćebuz. Pod hesłom „Direktny śišć à la módrośišć“ přeprošuje Serbski muzej w Choćebuzu wšitkich młodych a staršich zajimcow na dźěłarničku do swojich rumnosćow na Młynskej dróze 12. Ličba wobdźělnikow je wobmjezowana. Organizatorojo proša wo přizjewjenje pod čisłom: 0355-794930. Kursy dźěłarnički wotměja so 1. awgusta, wot 10 do 11 hodź. kaž tež wot 14 do 15 hodź. za dźěći a swójby a wot 15.30 do 17 hodź. za dorosćenych.
Bibliske dny za dźěći
Slepo. Wot 29. do 31. julija zarjadujetej Slepjanska ewangelska wosada a hort tamnišeje zakładneje šule „Dźěćace bibliske dny“ na bibliskim hrajkanišću farskeje ležownosće na Měrowej čo. 68. Hłowna tema dnjow je fascinowaca, napjata stawizna wo Józefje a jeho bratrach, kotraž ma zbožowny wukónc z wujednanjom. Přeprošene su wšitke dźěći w starobje wot 6 do 12 lět. Přinošk za wobdźělenje na třoch dnjach je dohromady pjeć eurow. Přizjewjenja su pod tel. čo. 035773-76211 abo z mejlku na móžne.
Na molowansku dźěłarničku
Na sławnu party
Čorny Chołmc. Na Kubicec horje w Čornym Chołmcu budźe přichodny kónc tydźenja móhłrjec „wjeršk ržeć“. 26. a 27. julija přeprošuje tamniši młodźinski klub na sławnu „Highland-party“ pod hesłom „Hora woła“. Lětsa ma zarjadowanje hižo swój 25. jubilej. Wot 21. hodź. hač do přichodneho ranja w štyrjoch chcedźa na woběmaj dnjomaj swjećić. Změja tam tři rejowanišća ze šěrokim wuběrom hudźby a DJow kaž tež specielne napoje. Cyła hora přeměni so na party-milu!
Woswjeća 650ćiny
Koslow. Hižo nětko skedźbnja Koslowske wjesne towarstwo „K Žorawej“ na planowane zarjadowanje składnostnje prěnjeho naspomnjenja swojeje wsy před 650 lětami. To chcedźa wjesnjenjo dnja 10. awgusta na ležomnosći towarstwa w Koslowje čo. 4. woswjećić. Dźěći maja wot 16 hodź. na wšelakich poskitkach, kaž na přikład: skakanskim hrodźiku a při kupanskich hrach, dobru zabawu. Nimo toho je wustajeńca wo stawiznach wsy planowana. Wot 19 hodź. zahraje kapała HOLASKI k rejam. Tež wo jědźe a piće so Koslowčenjo postaraja.
Do cirkusa w měsće
Budyšin. Ze swojim programom „Surprise“ chce Circus Probst wot dźensnišeho hač do 29. julija na Budyskim Třělnišću małych a wulkich wopytowarjow zakuzłać. Z teje přičiny je naměsto za zjawny wobchad zawrjene. Wotewrjene pak su parkowaniske móžnosće za busy a wosobowe awta při Spěchowanskim centrumje w susodstwje.
Prózdniny w młynje
Čorny Chołmc. Mały rapak přihotuje w Čornochołmčanskim Krabatowym młynje hry a paslenje za dźěći. 23. a 24. julija steji zarjadowanje pod hesłom „Magiske rapaki“. Wot 10 do 16 hodź. poskićuja tam sobudźěłaćerjo pod hołym njebjom njedaloko pjecy magiske hry. Mjenowane hry su dźěći hižo před mnohimi lětami hrali, na nje pak je so mjeztym pozabyło. Mały popłatk maja dźěći za material zapłaćić, kotryž při paslenju w domje Jurja Brězana trjebaja. Přichodny poskitk pod hesłom „Křinja pokłada“ přewjedźe so 30. a 31. julija.
Z gitaru přewodźeć
Ekskursija do přirody
Kinspork. Franziska Schubert, zapósłanča a předsydka frakcije Zwjazka 90/Zelenych w krajnym sejmje wopyta pjatk, 19. julija, wokrjes Budyšin. Wot 15 hodź. poda so na ekskursiju po přirodoškitnym pasmje Kinsporskeje hole. Zajimowani wobydlerjo su wutrobnje přeprošeni. Po tym wopyta politikarka Kinsporkske dwórnišćo, na kotrymž chce do rozmołwy wo temach železniski wobchad, saněrowanje dwórnišća a splećenje wobchada přińć. Přizjewić móžeće so z mejlku pod abo telefonisce pod 03581-8766 900.
Na prócowarjow spominać
Slepo. Domowinska župa Jakub Lorenc-Zalěski přeprošuje składnostnje jubilejow dweju wuznamneju wosobinow dźensa we 18 hodź. wutrobnje do Slepoho na Nowoměšćansku dróhu 1 před Lejnikowej wilu. Na swjedźenskim zarjadowanju z wotkryćom a přijećom pomnika z wopomnjenskimaj taflomaj spomina so na 125. narodniny Pawoła Lejnika, prěnjeho župana Domowinskeje župy Běła Woda kaž tež na 150. narodniny Jakuba Lorenca-Zalěskeho, najwuznamnišeho serbskeho spisowaćela mjezywójnskeho časa.
Do Smolerjec kniharnje
Budyšin. Nakładnistwo Drava Celovec a Serbski institut přeprošujetej jutře, štwórtk, na prezentaciju knihi „Zmij Direnda, Hica mica, Zmijiček Direndaj, Zmij Ararat a powědančka wo nimi“ w Smolerjec kniharni. Milenka Rječcyna, kotraž je original Loizy Wiesera zeserbšćiła, předstaji w 19 hodź. „sep powědančkow, kotrež su před wjac hač dwaceći lětami při wječornym bajebaću za dźěći nastali“.
Mineralijowa bursa
Hórnikecy. Wobwodna skupina Towarstwa přećelow mineralogije a geologije we wuchodnej Sakskej přeprošuje wopytowarjow wutrobnje na 19. Łužisku bursu mineralijow, kotraž wotměje so lětsa 17. awgusta na ležownosći Energijoweje fabriki w Hórnikecach. Zběraćeljo mineralijow a fosilijow zbliska a zdaloka tu swoje „drohoćinki“ wustajeja. Zarjadowarjo nadźijeja so čiłeje wuměny nazhonjenjow mjez zběraćelemi kaž tež zajimowanymi. Woni su so tež wo dźěćacy program z wumywanjom złota, wudobywanjom drohotnych kamjenjow a z wobdźěłanjom mineralijow postarali.
101. Serbske blido w Choćebuzu
Kino pod hołym njebjom
Budyšin. W kinje pod hołym njebjom při Sprjewinym kolenu w Budyšinje pokaza Kamjetny dom jutře francosku tragikomediju „Es sind die kleinen Dinge“. Přistup na ležownosć na Sprjewinej hasy 10 je wot 20 hodź. Film pokazaja wot 21 abo 22 hodź. Zastupny lisćik za wosom eurow móža sej zajimcy online skazać abo při wječornej kasy kupić.
Młodźina swjeći w Sulšecach
Sulšecy. Sulšečanska Halštrowska młodźina z.t. wuhotuje wot 19. hač do 21. julija „Beat na łuce“. Pjatk budźe wubědźowanje wohnjowych wobornikow w starobje nad 40 lětami. Na to sćěhuje party z hudźbu 1990 a 2000 lět. Sobotu je turněr jědnatkow a wječor hłowny event „Beat na łuce“. Njedźelu su młodostni wotměnjawy program w swjedźenskim stanje přihotowali. Dochody swjedźenja chce towarstwo za wšelake socialne projekty wužiwać.
Někotre městna swobodne
Pod hołym njebjom šach hrać
Budyšin. Budyska bydlenjotwarska towaršnosć přeprošuje w kooperaciji z wokrjesnym šachowym zwjazkom Budyšin a SC Jednotu Budyšin na 3. mjezynarodny šachowy turněr „Bautzener Türme open“. Jutře zahaja mjezynarodne wubědźowanje, kotrež hač do njedźele traje, w Budyskej Krónje. W cyłku měrja so wobdźělnicy w dźewjeć přeběhach. Srjedu su wšitcy zajimcy wot 10 do 16 hodź. na XXL-šach na Budyskich Žitnych wikach před Měšćanskim muzejom přeprošeni. Njedźelu so zarjadowanje z mytowanjom najlěpšich hrajerjow zakónči.
Spominanje w bibliotece
Wojerecy. Wojerowska měšćanska biblioteka zarjaduje składnostnje narodninow Brigitty Reimann wot 15. hač do 21. julija filmowe předstajenje, čitanje a literarne wuchodźowanje po měsće. Tutu srjedu w 16 hodź. pokazaja DEFA-film „Naše krótke žiwjenje“. Film wopřija Reimannowu knižnu předłohu „Franziski Linkerhand“. Zastup je wot 15.30 hodź. móžny a darmotny.
Na Serbske blido
Drježdźany. Předsydstwo towarstwa Stup dale přeproša wšitkich zajimcow na Serbske blido w Drježdźanach a to srjedu, 17. julija, we 18 hodź w korčmje Am Thor na Hłownej dróze 35.
