Informuja wo spěchowanju
Budyšin. Załožba za serbski lud přewjedźe informaciske zarjadowanje, na kotrymž chcedźa najwšelakoriše móžnosće spěchowanja předstajić. Při tym póńdźe wo prašenja, kotre spěchowanja załožba poskićuje, kotre projekty so spěchuja a na čo dyrbi so při zapodaću próstwy dźiwać. Zarjadowanje wotměje so online jutře, srjedu, w 17 hodź. Link so na internetnej stronje załožby wozjewi.
Demonstrować něhdy a dźensa
Wojerecy. Sakska krajna centrala za politiske kubłanje prezentuje jutře, srjedu, w 19 hodź. program a diskusiju „Domizna, hněw a trawma“ na Wojerowskim hrodźe. Dr. Jörg Heidig, awtor knihi samsneho mjena, a dr. Christoph Meißelbach rozjimataj rozdźělnej žiwjenskej pućej młodeju Saksow, kotrajž běštaj so kónc 1980ych lět na póndźelnišich demonstracijach we Wojerecach wobdźěliłoj a po politiskim přewróće z wočow zhubiłoj. Něhdźe 30 lět pozdźišo so znowa zetkataj, zwěsćujo, zo jedyn z njeju znowa póndźelu protestuje, z čimž tamneho chětro zamyla.
Porěči wo Židach
Zahudźa trojorěčnje
Slepo. Projekt „Serbsko-waliziske přećelstwo“ předstaji so srjedu, 7. septembra, w Slepom. Zaklinča title nalěto w Choćebuzu produkowaneho albuma ze samsnym mjenom walizisce, delnjoserbsce a hornjoserbsce w měšeńcy z folka, punka a elektro. Koncert započnje so w 19 hodź. na farskej ležownosći w Slepom. Tamniši wustup je zazběh za mału turneju, kotraž powjedźe přichodne dny do Kumšic, Nuknicy, Choćebuza a Berlina.
Na serbski wječor
Rakecy. Na prěni serbski wječor po lětnjej přestawce přeprošuje Rakečanska Bjesada zhromadnje z Domowinskej skupinu Komorow-Trupin-Rakecy srjedu, 7. septembra, w 19 hodź., do farskeje bróžnje. Trudla Malinkowa čita ze swojeje knihi „Ufer der Hoffnung“ wo serbskich wupućowarjach do Ameriki a Awstralskeje w 19. lětstotku. Někotre eksemplary knihi změja tež na předań. Přednošk budźe w němskej rěči, slědowaca rozmołwa dwurěčna. Zajimcy su wutrobnje witani.
Na křižowanišću dźěłaja
Poskićuja dźěćom rejwanje
Smjerdźaca. Serbske šulske towarstwo poskića dźěćom stajnje póndźelu kursaj za rejwanje w Smjerdźečanskim kubłanskim srjedźišću LIPA. Nawod změje rejwanski pedagoga Kornel Kolembus. Kurs za dźěći w starobje sydom do dźesać lět je stajnje wot 15.30 do 16.15 hodź., kurs za starobu jědnaće do dwanaće lět wot 16.30 do 17.15 hodź. Prěnjej kursaj budźetej póndźelu, 5. septembra. Popłatk na měsac wučinja dwanaće eurow. Přizjewjenja přijimuja pod abo pod telefonowym čisłom 0172 / 78 119 59.
Pućowanje a serbski swjedźeń
Na filmowu premjeru
Pančicy-Kukow. Na filmowy wječor přeprošuja župa „Michał Hórnik“, młodźinski klub Pančicy-Kukow a tamniši kružk młodych swójbow farskeje wikarije zajutřišim, pjatk, wot 19 hodź. na teren něhdyšeho hosćenca w Pančicach-Kukowje napřećo klóštrej. Tam pokazaja jako premjeru dźěćacy film „Mała wjera“ w serbskej synchronizaciji, štož bě zhromadny projekt Rěčneho centruma WITAJ, Michała Cyža a Załožby za serbski lud. Tomu so serbske hudźbne wideja přizamknu. W 21.30 hodź. steji film „The Healer – Glaube an das Wunder in dir“ na programje. Wo ćělne derjeměće budźe postarane.
Škotowarjo karty placali
Modla so kadiš
Přijězd zawrjeny
Budyšin. Wot jutřišeho hač do 9. oktobra wostanje přijězd na awtodróhu A 4 Budyšin-zapad do směra na Drježdźany zawrjeny. W mjenowanym času tam jězdnju ponowjeja, kaž awtodróhowa towaršnosć zdźěli. Šoferojo měli město toho přijězdaj Budyšin-wuchod abo Słona Boršć wužiwać.
Seniorojo škotuja
Radwor. Přichodny škotowy turněr serbskich seniorow wotměje so jutře, wutoru, w Radworskim hosćencu „Zelena hałžka“. Započatk budźe w 14 hodź. Kaž hłowny organizator Měrćin Nowak zdźěli, su nowačkojo tež tónraz wutrobnje witani. Dalši turněr je za 27. september w Budyšinje planowany.
Kupać jenož wotydźenja
Witanje do internata
Budyšin (SN). Přijězd za nowačkow do internata Budyskeho Serbskeho gymnazija budźe njedźelu, 28. awgusta, wot 18 do 21 hodź. Wo tym informuje wjednistwo kubłanišća. Dale skedźbnja wone na to, zo budźe póndźelu, 29. awgusta, po wučbje w 13.30 hodź. zhromadźizna k zazběhej za nowych wobydlerjow. Na njej maja so wšitcy wobydlerjo a wšitke wobydlerki (nimo 12kow) wobdźělić.
Na beach-party
Njebjelčicy (SN). „Hasta La Beach“ je mjeno wosebiteje party, na kotruž přeprošuja Njebjelčanscy młodostni jutře, sobotu 27. awgusta, wot 21 hodź.
Pućowanje a serbski swjedźeń
Zarjady zawrjene
Budyšin (SN). Wokrjesne zarjadnistwo wostanje srjedu, 31. awgusta, dospołnje zawrjene. Wo tym informuje Budyski krajnoradny zarjad w nowinskej zdźělence. Přičina zawrjenja je personalna zhromadźizna. Kaž krajnoradny zarjad dale zdźěli potrjechi to wšitke zarjadniske stejnišća w Budyšinje, Kamjencu a we Wojerecach kaž tež wšitke wotnožki zarjada za jězbnu dowolnosć a přizjewjenje jězdźidłow a wobydlerskeho hamta.
Štyri na raz
Budyšin (SN). Tak rěka njedźelu, 28. awgusta, wot 17 hodź. w Zemičansko-Tumičanskej cyrkwi. Tam zaklinči koncert štyrjoch smyčkarjow Serbskeho ludoweho ansambla. Woni zahudźa wjesołe a mjenje znate twórby za smyčkowe kwartety, mjez druhim w Mužakowje rodźeneho Leopolda Schefera (1728–1805). Słyšeć budźe tež 1. smyčkowy kwartet pólskeho komponista, kotrehož w jeho domiznje tež „Pólski Schubert“ mjenuja, Stanisława Moniuszka. Tohorunja zaklinča twórby Helmuta Fryče, kiž bě w 1950- a 1960tych lětach chórowy nawoda a dramaturg w SLA.
Rejowanje za dźěći
Ponowjeja dróhu
Rokotak z třećim pospytom
Budyšin. Po dwěmaj wotprajenymaj koncertomaj we wobłuku rjadu „Kulturna zahroda“ Serbskeho ludoweho ansambla, chce serbski wuměłc Milan Grojlich alias Rokotak hišće raz pospytać a štwórtk, 25. awgusta, skónčnje swoju aktualnu tačel „Riech an Blumen (und merk dir ihre Namen)“ pod Budyskej Röhrscheidtowej baštu předstajić. Koncert započnje so w 19.30 hodź.
Pućowanje a serbski swjedźeń
