Słodźi młodym a staršim
W lěću njelubja so nam jenož dołhe dny, ale tež stupace temperatury. Tuž sej rady a husto słódny lód popřejemy. Kotre lodowe družiny pak su ludźom najlubše? Klara Bjedrichec je so za tym w Budyšinje pola lodarnjow naprašowała.
Budyšin (kb/SN). Na Budyskej Bohatej dróze je tuchwilu wjacorych poskićerjow lodu. Na jednym boku su to lodarnje a kofejownje, na druhim pak tež pjekarnje na chłódnu słódkosć přeprošuja.
Wojuja wo swoje prawa
Łazowčenjo chcedźa dale w Hórnikečanskim sydlišću bydlić směć
Łaz (AK/SN). Gmejna Łaz chce za Hórnikečanske sydlišćo mjez Koblicami a Hórnikecami dołhodobnje planowansku a prawnisku wěstotu wutworić. Tole podšmórny wjesnjanosta Thomas Leberecht (CDU) na zašłym posedźenju gmejnskeje rady. Z wjetšinu wobzamknychu radźićeljo tři bytostne wobzamknjenja. Woni schwalichu naćisk wobtwarjenskeho plana „Přemysłowy zawod při Hórnikečanskej hěće“. Nimo toho schwalichu wotwažowanje k naćiskej wobtwarjenskeho plana „Kónctydźenske sydlišćo při Hórnikečanskej hěće“. Runje tak wobzamknychu, druhe wupołoženje tutoho naćiska. Trajne bydlenje w Hórnikečanskim sydlišću ma – we wothłosowanju z twarskim dohladowanskim zarjadom Kamjenc – jenož hišće na přechodnu dobu 15 lět dale dowolene być.
Krótkopowěsće (12.07.24)
Delnjoserbowka mytowana
Podstupim. Mjez dohromady dwanaće Braniborčanami, kotrychž je ministerski prezident Dietmar Woidke (SPD) wčera ze zasłužbnej medalju kraja mytował, je tež Delnjoserbowka Marja Elikowska-Winklerowa. Wona dósta myto za swój angažement jako nawodnica Šule za delnjoserbsku rěč a kulturu w Choćebuzu.
Awtodróha zawrjena była
Budyšin. Z dotal njeznatych přičin je wodźer nakładneho awta wčera wječor na zwjazkowej awtodróze A 4 z jězdnje do betonoweje sćěny zrazył. Awtodróha do směra na Zhorjelc bu hodźinu dołho zašlahana. Njezboža dla bě zajězd zwiska Budyšin–wuchod dźensa hač do připołdnja zawrjeny. Wěcnu škodu trochuje policija na něhdźe 120 000 eurow.
Z regionom so rozestajili
Pólne mjezy – zabyte płoniny
Policija (11.07.24)
Diesel a připowěšak pokradnyli
Dźěžnikecy. Njeznaći skućićeljo su póndźelu 800 litrow diesela a připowěšak z ležownosće w Dźěžnikecach pokradnyli. Paduši su so na areal firmy podali a najprjedy wotstajene nakładne awto přeparkowali. Awtowe klučiki za nje běchu w transporteru na ležownosći namakali. Potom su z kolesowym nakładowakom tank z něhdźe 300 litrami diesela na připowěšak połožili a sej na susodnu ležownosć dojěli. Z tam wotstajeneho nakładneho awta napjelnichu dieselowy tank z dalšimi 500 litrami diesela. Cyłkowna škoda wučinja něhdźe 7 000 eurow. Kriminalny technikar je slědy zawěsćił. Zastojnicy Budyskeho policajskeho rewěra su pad wosebje ćežkeho padustwa dla sudnistwu přepodali.
Pytaja kralownu žonopa
Budyšin. Žonop a Budyšin – to prosće hromadźe słuša! Za Tydźenje žonopa, kotrež so lětsa wot 6. awgusta do 1. septembra wotměwaja, pyta město Budyšin kralownu žonopa. Hač dosrjedź awgusta njech so zajimowane žony w starobje wot 18 lět pola měšćanskeho zarjada wo čestne zastojnstwo přizjewja. Kotru požadarku na kóncu „krónuja“, rozsudźi wosebita jury. Kralowna žonopa wustupi na wosebitych zarjadowanjach w měsće. W krónowanskej ceremoniji dóstanje wona ekstra zhotowjeny šat z modoweho studija e.elle, w ručnym dźěle zhotowjeny diadem kaž tež wušiwanu šerpu. „Doba zastojnstwa“ kralowny traje dwě lěće.
Hudźbna dźěłarnička
To běše wuspěšne šulske lěto
Šulerjo su zeznali, kak je so něhdy w Rownom a Trjebinje žnjało
Slepo (AK/SN). Kóžde lěto znowa je šulerjam Slepjanskeje zakładneje šule „Dr. Marja Grólmusec“ wulke wjeselo, hdyž móža so w Rownom a Slepom na Šustrec resp. Njepilic statoku we wobłuku wučby rozhladować. Tak běše to tež w předchadźacym šulskim lěće, na kotrež tamniša zakładna šula zhladuje. Tak piše šulska nawodnica Petra Rübesamowa w aktualnym hamtskim łopjenu zarjadniskeho zwjazka Slepo: „Kubłanišćo, kotrež je w Němsko-serbskim šulskim centrumje Slepo zaměstnjene, ma w prěnim rjedźe kubłanje kaž tež sport za bytostne. K wšědnemu šulskemu dnjej słušeja dale zhromadne hry, pućowanje a mnohe dalše wjerški, kotrež so do pomjatka wučacych, kubłacych a wuknjacych zašćěpjeja.“ Šulska nawodnica spomina wróćo zhladujo na 14. meju tohole lěta, zo „słuša do rjadu wosebitych a rjanych podawkow kóžde lěto tež swjedźeń serbskeje rěče.
Bywša korčma nětko bydlenski dom
We łužiskich wsach běchu stajnje hižo najwšelakoriše rjemjesła zakótwjene a su so zdźěla lětstotki zachowali. Dźensa je so wulki dźěl z tychle rjemjesłow bohužel pozhubił. W našej lětnjej seriji chcemy wobswětlić, hdźe běchu kotre rjemjesła doma a kotre wosebitosće su so při tym wobkedźbowali. (10)
Prěnje naspomnjenje Wudworja znajemy z lěta 1301 jako Hovelin. Před štyrjomi lětami je wušła chronika wo Worklečanskej gmejnje, w kotrejž so Beno Wałda a Eckhard Kliemann dokładnje z Wudworjom zaběrataj, kotryž z lěta 1973 mjenowanej gmejnje přisłuša. W poměrnje małej wjesce z lědma wjace hač 150 wobydlerjemi w běhu časow, pak sy někotrežkuli naspomnjenja hódne předewzaće namakał. Jedne z tutych je korčma. Nimale w kóždej wjesce w našej kónčinje sy tajku měł – dźensa podarmo pytaš.
Dale a husćišo widźimy na kromje wsow nastajene figuriny z wulkich ...
Wulke škody po njewjedrach
Budyšin/Choćebuz (SN). Krótkich ale mócnych wčerawšich njewjedrow dla su wohnjowi wobornicy w Budyskim wokrjesu dohromady 60 króć po puću byli. Orkanojte wětřiki a sylne spadki, zdźěla jako krupy, su wulke škody zawostajili. Pincy su so powodźili, štomy so powróćichu a při tym zdźěla awta wobškodźichu. W Drjewnicy (Großdrebnitz) pola Biskopic mějachu krupy wulkosć hač do šěsć centimetrow w přerězku. Wone rozbichu mjez druhim škleńcy rostlinarnje kaž tež škleńcy mnohich awtow a zawostajichu deformacije na karoserijach.
W Choćebuskej centrali wohnjoweje wobory mějachu wčera dohromady 40 padow, w kotrychž běchu wobornicy njewjedra dla hač do połnocy po puću. Woni dyrbjachu předewšěm spowróćene štomy a wotłamane hałuzy wotstronić. W Hózni pola Złeho Komorowa we wokrjesu Hornje Błóta-Łužica je ranžěrowanska lokomotiwa z powróćenym štomom na železniskej čarje kolidowała. Wodźer lokomotiwy so při tym zranił njeje. W Nowej Niwje (Neu-Zauche) pola Lubnjowa je błysk třoch ludźi trjechił. Jednu wosobu z nich su zranjenjow dla do chorownje dowjezli.
