Kemše na městnje horja a nadźije
Slepo (JM/SN). Z něhdźe 60 kemšerjemi swjećeše Slepjanska wosada swoje njedźelne kemše minjeny kónc tydźenja pod hołym njebjom we wohroženym lěsu mjez Slepom a Miłorazom. Wosebitosć lěsa je, zo je so kołowokoło hižo wšón lěs trjebił. Rownjanscy wobsedźerjo lěsa nadźijeja so, zo móžeja lěs před wuswojenjom brunicy dla wuchować.
Druhi raz je so festiwal KrassBrass minjenu sobotu w Hórkach ...
Porjedźenka
Płast a ruce znamjo přichoda
Hišće lětsa ma Załožba za wnučkokmanosć dźěłać započeć. Załoženski proces so nachila. Dotal wšak běchu so entuziasća wokoło Tomaša Čornaka předewšěm wo załoženje starali. To pak je nětko nimo. Přetož před tydźenjomaj su za załoženje trěbne pjenjezy nazběrane byli.
Spěchowanski program na dobro zhromadnosće pači
Budyšin (SN/MiP). Z lětnje 140 000 eurami ze zwjazkoweho spěchowanskeho programa „Žiwa demokratija. Partnerstwa za demokratiju“ (PfD) móžeše město Budyšin wot lěta 2017 najwšelakoriše projekty na dobro wobydlerstwa financować. Koordinacija a fachowe poradźowanje požadarjow leži tuchwilu w rukomaj wokrjesneho zwjazka Dźěłaćerskeho dobroćelstwa AWO. Mjez druhim Staroměšćanski festiwal abo Budyske narěče profituja runje tak ze srědkow, kaž Muzej Konrada Zuseho. Spěchowanska doba PfD pak so lětsa skónči.
Krótkopowěsće (26.06.24)
Narodninski „doodle“ z efektom
Budyšin. Składnostnje narodnin Miny Witkojc je platforma Google 28. meje doodle mjenowanu grafiku, zhotowjenu wot Choćebuskeje wuměłče Siggiko, wozjewiła. Jónkrótna akcija je mjez druhim wuskutkowała, zo je sej tójšto zajimcow wideja z recitacijemi basnjow Witkojc na digitalnym kanalu Zwjazka serbskich wuměłcow „SerbskiTV“ wobhladało. Dohromady zliči towarstwo jeničce na tymle dnju něhdźe 1 500 klikow, kaž předsyda Jan Bělk wčera zdźěli.
Njezbožo w konwoju
Triebel. Na wróćojězbje z wobydlerskeje rozmołwy we Vogtlandźe wčera je awto, w kotrymž bě mjez druhim sakski ministerski prezident Michael Kretschmer (CDU) z pasažěrom, njezbožo zawinowało. Jězdźidło bě so sornje wuhibnywši přewodźaceho awta dótknyło. Zranił so něchtó njeje, nasta pak wěcna škoda.
Máchovo jezero sej wotkryć
Na swjedźenju „złoto“ pytali
Zhromadnje hudźbnje po Łužicy po puću byli
Radwor (SN/MkWj). Tójšto hosći je předwčerawšim, njedźelu, přeprošenje Radworskeho chóra Meje na kóždolětny koncert pod hołym njebjom sćěhowało. Spěwne popołdnjo wotmě so kaž hižo loni zaso na farskej łuce w bjezposrědnym susodstwje wosadneje cyrkwje w chłódku štomow.
Koncert steješe lětsa pod hesłom „Jězba po Łužicy“. Wotpowědujo tomu běchu spěwarki a spěwarjo chóra pisany program zestajeli. Jako hosći witachu lětsa chór Łužyca z Choćebuza, kotryž nawjeduje Milena Stockowa. Wo ćělne derjeměće postarachu so swójbni spěwarjow z kofejom, tykancom a praženymi kołbaskami. Profesionalny zwuk zaruči Jan Bilk ze swojim młodym pomocnikom Feliksom Wenclom. Při klawěrje přewodźeše Meju spušćomnje Jan Brězan.
Po programje wjedźeše Lydija Młynkowa na zwučene lóštne wašnje. Wona dźěći namołwješe, tola raz zličić a napisać, kelko městow a wsow so w spěwach jewja. Na kóncu bě jich na wšě 20.
Wowka z prawej wotmołwu
Wjesna młodźina wječorny program předstajiła a jako chór wustupiła
Njebjelčicy (AKr/SN). Njebjelčanska młodźina je zašły kónc tydźenja wšitkich wjesnjanow a hosći zbliska a zdaloka na pisany kónc tydźenja přeprosyła. Započał je so wón pjatk nawječor z party inkluzije. Po lońšej premjerje su tež lětsa zaso wječor ze zbrašenymi a za nich wuhotowali. Přitomni přińdźechu ze zarjadnišćow z Pančic-Kukowa, Smječkec abo Kamjenca. Woni mějachu swoje wjeselo při rejowanju abo při hrach, kotrež běchu młodostni z wjele lubosću přihotowali a přewjedli. Zbrašeni su so hižo dlěje na tutón podawk wjeselili.
