Wobswětowe hibanje w NDR
Hónikecy. Energijowa fabrika je w kooperaciji z Němskim muzejom za hygienu wosebitu wustajeńcu pod hesłom „Rewěr. Wobswět. Protest. Akcije na dobro wobswěta we Wojerecach a kołowokoło – w NDR a dźensa“ wuwiła. Na konceptće wobdźělił je so mjez druhim tež Wojerowski Lessingowy gymnazij. Swjatočne wotewrjenje budźe dźensa we 18 hodź. w Energijowej fabrice. Wustajeńca je hač do 20. oktobra přistupna.
Poskitki w Kulturnej zahrodźe
Budyšin. Hač do 30. junija maće hišće móžnosć, open-air poskitki SLA w Kulturnej zahrodźe wopytać. Pjatk, 21. junija, wočakuja was w 19.30 hodź. hólcy skupiny Fünf an der Feier z dixijom, tangom, walčikom a swingom hač k serbskim spěwam. Dźeń pozdźišo, 22. junija, přeprošujetaj spěwarka Milena Wowčerjec a komponist a pianist Skupiny Astronawt Matej Dźisławk w 19.30 hodź. z čućiwymi serbskimi baladami kaž tež z němskimi a jendźelskimi cover-wersijemi. Njedźelu, 23. junija, předstaji Paul Hoorn ze swojej kapału Kapelye CORAZÓN z Drježdźan w 19.30 hodź. hudźbny swět klasiki, klezmera, swětoweje hudźby a cancióna.
Janske spěwanje při cyrkwi
Koncept, gmejnje na wužitk
Rakečanska gmejnska rada na poslednje posedźenje wólbneje doby so zešła
Rakecy (SN/MiP). Hłowny dypk na agendźe wčerawšeho posedźenja Rakečanskeje gmejnskeje rady běše drje čisło šěsć: Wuradźowanje a schwalenje koncepta za kolesowanske a pućowanske šćežki towarstwa Hornjołužiska hola a haty (OHTL). Zo by wón přitomnym radźićelam wobsah koncepta znazornił, je wjesnjanosta Swen Nowotny (CDU) Claudiju Steglichowu, ekspertku ze stron OHTL přeprosył. W jadriwej prezentaciji předstaji wona wobšěrny projekt, kotryž analyzuje pućowanske poskitki we wšitkich 15 gmejnach a městach w regionje OHTL. Wot lěta 2021 do lěta 2023 su zamołwići wšitke wobstejace pućowanske poskitki wobšěrnje ewaluěrowali, wuslědki analyzowali a konkretne jednanske doporučenja formulowali. „Cil cyłeho koncepta je, zo infrastrukturu w regionje dale wuwijemy, zo regionalne tworjenje hódnotow podpěrujemy“, wuzběhny Claudija Steglichowa na kóncu prezentacije.
Swoje mjeztym 36. wječorne spěwanje pod Měrowym dubom je ...
Krawc Herman Benada z Komorowa
We łužiskich wsach běchu stajnje hižo najwšelakoriše rjemjesła zakótwjene a su so zdźěla lětstotki zachowali. Dźensa je so wulki dźěl z tychle rjemjesłow bohužel pozhubił. W našej lětnjej seriji chcemy wobswětlić, hdźe běchu kotre rjemjesła doma a kotre wosebitosće su so při tym wobkedźbowali. (4)
Lětsa zhladuja Komorowčenjo na róčnicu prěnjeho naspomnjenja sydlišća pola Rakec před 650 lětami jako Komerow. Ze stawiznami swojeje wsy so dokładnje zaběra městopředsydka stawizniskeho towarstwa RAK z.t. Alenka Hagerowa. Wjes ze swojimi dźensa něhdźe 250 wobydlerjemi nańdźemy 20 kilometrow sewjerno-wuchodnje Budyšina. Hač do dźensnišeho je sej wjes z wjacorymi hatami typiskosć nawsowca wobchowała, to rěka zo pokazuja swisle domskich k wjesnemu pućej. Za swoju statistiku wo serbskej ludnosći naliči Arnošt Muka we wosomdźesatych lětach 19. lětstotka 388 wobydlerjow w Komorowje. Z nich běchu bjezwuwzaćnje wšitcy Serbja. W lětach po Druhej swětowej wójnje wučinješe podźěl serbskich wobydlerjow hišće 67 procentow.
Město parkowanišćo powjetši
Budyšin (SN/MiR). Město Budyšin chce parkowanišćo na Schliebenowej dróze powjetšić. To zdźěli měšćanosta za wuwiće města a twarstwo Heiko Nowak wčera na informaciskim zarjadowanju nowinarjam. „Planowanje města předwidźi parkowanišćo rozšěrić a chce z naprawu móžny přechod přez Sprjewju kaž tež přetwar Hrodoweje wodownje zmóžnić, wo čimž so dale jedna.
Krótkopowěsće (20.06.24)
Na kubłansku konferencu
Budyšin. Šulerjow wukmanić, naslědnje myslić a jednać, to je tema 3. fachoweje kubłanskeje konferency Serbskeho šulskeho towarstwa. Pod hesłom „RěčMY“ přihotuje ju jednaćel SŠT zhromadnje z předsydstwom. Wučerjo, referendarojo, socialni pedagogojo a studenća pedagogiki kaž tež dalši zajimcy su štwórtk, 29. awgusta, do klóštra Marijneje hwězdy w Pančicach-Kukowje přeprošeni.
Sejm uniwersiće přihłosował
Choćebuz/Podstupim. Puć za prěnju medicinsku uniwersitu Braniborskeje, na Carla Thiemowym klinikumje w Choćebuzu, je doskónčnje zrunany. Krajny sejm je wčera jednohłósnje zakoń wo zawjedźenju statneje uniwersitneje mediciny w kraju schwalił. Projekt je wobstatk spěchowanskeho pakćika změny strukturow. Prěni studowacy maja w zymskim semestrje 2026/2027 startować.
Dwaj měsacaj prjedy zakónčili
Infokašćik (19.06.24)
Kwartěr „Přijomnje hladany bydlić“ skedźbnja na:
dwaceći bjezbarjerowych bydlenjow z dwěmaj rumnosćomaj
bydlenja su 60 do 66 kwadratnych metrow wulke
maja dwaj bydlenskaj typaj
přizjewjenja su wotnětka móžne
wšitke bydlenja su z kuchnju, tepjenjom w špundowanju a loggiju wuhotowane
w pincy je rum za składowanje
domjace zwěrjata su dowolene
dom ma 49 stacionarnych městnow za hladanje, kotrež su hižo wobsadźene
za dnjowe hladanje ze 14 městnami su přizjewjenja móžne
maja kofejownju a terasu na třěše za wšitkich wotnajerjow
Wuknjacy z čěskeho Varnsdorfa w Budyšinje rysowali
Stajnje a zaso wuwiwa čěski přećel Serbow Milan Hrabal zhromadnje ze zajimcami za čěsko-serbske styki ideje, kak zhromadnosć mjez ludźimi z wobeju narodow sylnić a rozšěrić. Njedawno běchu w tym zwisku wjacore čěske šulerki a někotři čěscy šulerjo z hosćom w Budyšinje.
Bydlenje jako eksperiment
We Wojerecach zaćehnje přichod hladanja do noweho kwartěra
W regionje dotal jónkrótny, přewšo moderny koncept so wot lěća ze žiwjenjom pjelni. Dźěłaćerske dobroćelstwo Łužica (AWO) wotewri swój nowy kwartěr „Přijomnje hladany bydlić“ (Gepflegtes Wohnen) na Wojerowskej Heinricha Mannowej. Zaryw běše w lěću lěta 2022. 1. awgusta ma so kwartěr poswjećić a wotewrěć. AWO Łužica zasadźuje so jako nošer za inowatiwne twarjenje, kotrež je do přichoda wusměrjene. Wona je wotewrjena za wutworjenje konstruktiwnych syćow, za daloko sahace myslenje, wotewrjenosć modernym změnam napřećo a za kooperacije ze sylnymi partnerami, zo by projekt za wotnajerjow a sobudźěłaćerjow wuspěšnje přesadźić móhła.
Nowotwar je tež jako narunanje hladarnje AWO na Ferdinanda von Schillowej mysleny, kotruž chce nošer přichodnje jako přechodny objekt wužiwać. Nowy kwartěr financujetej AWO Łužica a hladanje ptzwr z wjetšeho dźěla ze swójskich srědkow we wysokosći 11,5 milionow eurow.
Na nócny wopyt do Wojerec
Wojerecy. W najdlěšej nocy lěta, pjatk, 21. junija, přeprošuje Wojerowska coologiska zahroda wšitkich zajimcow wot 18.30 hodź. na wosebite nócne wjedźenje. Hladar zwěrjatow Markus Heyl chce wopytowarjam wosebite dohlady za kulisy poskićić a rozprawja mjez druhim wo tym, kotra družina zwěrjatow zahe do „łoža chodźi“ abo kotra je w nocy aktiwna. Zetkanišćo je kasa při hłownym zachodźe. Zastup za dorosćenych je 9,90 eurow, za dźěći 5 eurow.
Zapodajće Waše namjety!
Budyšin. Hač do 30. junija móžeće hišće namjety za Myto Domowiny, Myto Domowiny za dorost a Čestne znamješko zapodać. Wotedajće je prošu z wotpowědnym formularom, kotryž namakaće na webstronje , w zarjedźe Domowiny abo pósćelće jón z mailku na . Prošu wobkedźbujće při namjetowanju změnjeny porjad za spožčenje. Dalše informacije namakaće pod www.domowina.de/hsb/domowina/wuberki/mytowanski-wuberk
Je hišće swobodnych městnow
