Nowa wobhospodarka pražernje kofeja w Minakałskej starej kowarni ...
Krótkopowěsće (17.06.24)
Spěw „dźěćiny“ přistupny
Radwor. Spěw „Radworska dźěćina“ su wčera wječor na wšěch streamingowych platformach na kanalach Noweje Doby wozjewili. Čłonojo skupiny su spěw napisali a produkowali. Interpretowali pak su jón dźěći z Radworja a wokolnych wsow. Refren spěwa projektny chór nazymskeho eksperiMINT-campusa a štučki rapuje Julian Bejmak. Nadawk za produkciju je Radworska staršiska iniciatiwa spožčiła.
Chcedźa wušo hromadźe dźěłać
Berlin. Sakski ministerski prezident Michael Kretschmer (CDU), jeho braniborski kolega Dietmar Woidke (SPD) a knježacy měšćanosta Berlina, Kai Wegner (CDU), chcedźa hladajo na zastaranje z wodu we Łužicy hišće wušo hromadźe dźěłać. To zwuraznichu woni na wurjadnej rozmołwje w zastupnistwje Swobodneho stata Sakskeje minjeny pjatk w Berlinje. W přichodźe čakaja dale a wjetše wužadanja nastupajo zastaranje z wodu.
Prawicarjo ležownosće kupuja
Bus njepojědźe
Stary Miłoraz (AK/SN) Busowa čara linije S 79 wot a do Stareho Miłoraza so 1. julija hižo njeposłužuje. Busowy wobchad so scyła zastaji. Tole zdźěli wjesnjanosta Robert Spejz (Trjebinske wolerske zjednoćenstwo) srjedu tydźenja na posedźenju Trjebinskeje gmejnskeje rady. „Smy wo tym rozmyslowali, zmóžnić, bus přiwołać. To pak w Miłorazu bydlacy wotpokazaja, dokelž njewidźa trěbnosć za zachowanje busoweje linije.“ Runje 1. julija schadźuje so přirada za přesydlenje Miłoraza, na kotrymž so Robert Sprejz wobdźěli. Poslednja naprawa přesydlenja je kěrchow w Starym Miłorazu. „To je sensibelna tema. Hdyž su wšitke rowy přepołožene, potom ma so pohrjebnišćo zawrěć.“ rjekny wjesnjanosta
Nowe rejki a spěwy nazwučowali
Woheń zamiškrili
Kulow. Při lěsnej kupjeli běchu njeznaći srjedu popołdnju pod dubom woheń zamiškrili. Kedźbliwy wobydler tole wobkedźbowaše a policiju informowaše, rozprawjejo, zo spytaja młodostni za busowym zastanišćom pod dubom woheń zamiškrić. Na to přichwata wohnjowa wobora a palace so drjewo zhaša, kotrež njebě so na zbožo hišće na wokolne drjewo rozpřestrěło. Policajski rewěr we Wojerecach pad nětko přepytuje, byrnjež žanych podhladnych na městnje nadešli. Hač a kajka wěcna škoda je při wohenju nastała, tuchwilu hišće doskónčnje jasne njeje.
„Fan“ dyrbi do jastwa
Akwa-fitnes za samodruhich
Wojerecy. Akwa-fitnes za samodruhich Wojerecy. Wot 19. junija poskićuje team porodneje pomocy Klinikuma łužiska jězorina akwa-fitnes-kursy za samodruhe žony wot 24. tydźenja samodruhosće. Kursy pod nawodom fachowcow skrućeja ćěło a dušu přichodnych maćerjow. Wone wotměwaja so w basenku dnjoweje kliniki HOY-REHA na Kastanijowej 20 we Wojerecach, stajnje srjedu w 13 hodź. 5 terminow płaći 40 eurow. Přizjewić móžeće so telefonisce pod 03571 445511. Wobdźělnicy njech přinjesu wupjelnjeny a podpisany přizjewjenski formular sobu, kotryž namakaće pod slědowacym linkom jako download: www.sana.de/seenlandklinikum/aquafitness
Prózdninske dny z wnučkami
Smjerdźaca. Serbske šulske towarstwo přeprošuje dźěći w starobje wot 6 lět a jich wowki a dźědow na prózdninske dny do Kulturneho domu w Smjerdźacej a to wot 22. do 24. julija wšědnje mjez 9 a 15 hodź. Wobdźělenski popłatk je 30 eurow na dorosćeneho, 25 eurow na dźěćo. Přizjewće so prošu telefonisce pod: 0175-9548505 abo z mejlku pod
Na „Kofej w třoch“ do muzeja
Pozitiwnu bilancu sćahnyli
„Stara“ Kulowska měšćanska rada poslednje wobzamknjenje schwaliła
Hózk. (AK/SN). Kulowska měšćanska rada je srjedu na swojim posedźenju w Hózku jednohłósnje wobzamknyła, zo wušmórnje wosom pućow ze zapiska zjawneje wobchadneje syće. „Wšitke tute puće su we wobsydstwje města“, podšmórny měšćanosta Markus Posch (CDU). „Na nich hižo chodźić njemóžeš, jenož lěsnicy je hišće wužiwaja – potajkim tež žaneje zjawneje funkcije wjace nimaja“, wón doda. Běše to poslednje wobzamknjenje Kulowskeje měšćanskeje rady w tutej legislaturnej dobje. Wšitke puće wjedu přez Dubrjenske bahno. Přez wušmórnjenje ze zjawneho zapiska njetrjeba město Kulow hižo za wobchadnu wěstotu rukować. Za wužiwarjow pólnych pućow z toho samo na sebi negatiwne wuskutki njewurostu, rjadowanjow w lěsnym zakonju a w Zwjazkowym kaž tež w Sakskim přirodoškitnym zakonju dla. Wužiwanje leži w přichodźe we wosobinskej zamołwitosći.
Mjez Łužiskej kupjelu a psyčej šulu
W Psyčej šuli Łužiska jězorina w Lubušu je w poslednim času prawidłownje Colleen Neumann na wopyće. Fyzioterapeutka a osteopatka za zwěrjata tu psy hoji.
Lubuš (SR/SN). Runje je Colleen Neumann swoje kupanske tofle na sportowe črije změniła. Jeje słužba we Łužiskej kupjeli je za dźensa zakónčena. Něšto pozdźišo steji 34lětna hižo na psyčim treningowanišću Psyčeje šule Łužiska jězorina w Lubušu, kotruž Madlen Fischer dobre lěto wobhospodarja. Hižo něšto časa matej žonje wuspěšnu mjezsobnu symbiozu. Dokelž je Madlen Fischer strowota psow přewšo wažna, je sej wobšěrnu syć k wšelakim fachowcam natwariła, zo by wobsedźerjow psow wobšěrnje poradźować abo sej fachowcow na pomoc zwołać móhła. To w tutej branši samozrozumliwe njeje.
