Krótkopowěsće (03.02.17)
Přesadźowanje dźe dale
Worklecy. Budyske zarjadniske sudnistwo je nowy termin za nanuzowane přesadźowanje Worklečanskeho hosćenca postajiło, a to srjedu, 22. měrca, w 11 hodź. Tole wuchadźa z terminoweho přehlada na internetnej stronje sudnistwa. Po prěnimaj terminomaj loni w juniju a awgusće měješe spočatk januara dalši być. Tón pak bu přestorčeny.
Dwaj wokrjesaj móžnej
Podstupim. Braniborske krajne knježerstwo móhło sej předstajić, zo nastanjetej při wokrjesnej reformje dwaj delnjołužiskej wokrjesaj, a nic, kaž dotal planowane, jenož jedyn. Tole je financny minister Christian Görke (Lěwica) připowědźił. Poprawom chcychu město Choćebuz a tři wostejace wokrjesy do jednoho wulkowokrjesa zjednoćić.
Spožča rjad swjateho Jurja
Policija (03.02.17)
Šěsć wosobow zranjenych
Budyšin. K rozestajenju mjez wjacorymi młodostnymi je wčera popołdnju na Budyskej Nagelowej blisko tamnišeje šule dóšło. Mjez wobdźělenymi běchu němscy staćenjo kaž tež wosoby z migraciskim pozadkom. Jedyn z młodostnych je při tym tak mjenowany popjerowy spray zasadźił. Po dotalnych dopóznaćach je šěsć wosobow lochke zahorjenje woči poćerpjeło a dyrbješe so w chorowni zastarać dać. Čehodla je k rozestajenju dóšło, policija nětko přepytuje.
We Wojerowskej dźěćacej a młodźinskej farmje, kotraž je w ...
Swinje, smjerd a žadyn kónc?
Ralbičanska kormjernja swini zaběra dale komunalnu politiku
Ralbicy-Róžant/Budyšin (JK/SN). Nic jenož hdyž w Ralbicach kormjernje swini dla smjerdźi, so zjawnosć za njerozrisany problem planowaneho ponowjenja a rozšěrjenja kormjernje zajimuje. Kaž druhi zastupowacy wjesnjanosta gmejny Ralbicy-Róžant Michał Šołta (SWZ Delany) na januarskim posedźenju gmejnskeje rady wozjewi, je mějićelka kormjernje Anna Gröbner loni krótko do hód wo termin pola wjesnjanosty prosyła. Pozadk běchu wot wohnjoweje wobory zwěsćene njedostatki w kormjerni. Cyłkownje 21 tajkich pozicijow lisćina wobsahuje. Wo tych je chcyła knjeni Gröbner rěčeć, ale tež kak póńdźe dale z kormjernju. Terminowych ćežow dla pak so tale rozmołwa hakle 19. januara wotmě. Na rozmołwje wobdźělištaj so nimo Michała Šołty ze stron gmejny hišće Stanij Statnik jako twarski wěcywustojny kaž tež nawoda gmejnskeje wohnjoweje wobory Achim Měrćink. Tón skedźbni knjeni Gröbner na to, zo ma po zakonju winowatosć, wohnjoškitne njedostatki tak spěšnje kaž móžno wotstronić. Hewak hrozy pokuta hač do 20 000 eurow. Hižo 26.
Inwentura tež za strowotu wažna
Wojerecy (AK/SN). Anton a Antonia so zaso znjesetej. „Spočatnje stej na so šłoj, zranjenjow pak njebě“, powědaše hladarka zwěrjatow Anne Siegl wčera w tropowym domje Wojerowskeho zwěrjenca wo nosorohačowymaj leguanomaj. „Wot spočatka januara stej wonej zaso hromadźe.“
Wobě zwěrjeći běštej poslednja stacija třitydźenskeje inwentury w zwěrjencu. K wobstatkej słuša 96 družin z 1 106 zwěrjatami, kotrež maja so zapisać, ličić a wažić. „Při inwenturje zdobom planujemy, kotre zwěrjata móhli dołhodobnje wotedać a kotre nic. Nimo toho při tym strowotny staw zwěrjatow zwěsćamy“, rozłoži zwěrjencowy direktor Eugéne Bruins. Tuchwilu drje maja mjenje zwěrjatow hač loni, dokelž běchu 300 rybow wotedali, za to pak maja dźewjeć družin zwěrjatow wjace, mjez druhim insekty, hady, ješćelcy a bažanty. Najwjace zwěrjatow maja pola skopčkow.
Krótkopowěsće (02.02.17)
Tilich pojědźe do Čěskeje
Drježdźany. Na přeprošenje čěskeho ministerskeho prezidenta Bohuslava Sobotki pojědźe sakski ministerski prezident Stanisław Tilich (CDU) přichodnu wutoru na dwudnjowy wopyt do Čěskeje. Spočatnje su politiske rozmołwy z čěskim premierom planowane. Srjedu chce Tilich sakske předewzaća wopytać, kotrež maja w Čěskej wotnožku.
Ze Zhorjelcom spokojom
Zhorjelc. We wobłuku projekta „Bydlić na probu“ je wot septembra 2015 hač do oktobra 2016 wjace hač 200 ludźi tydźeń darmotnje w Zhorjelskim starym měsće bydliło. 80 procentow wobdźělnikow měješe město za tak atraktiwne, zo móhli sej předstajić do Zhorjelca přećahnyć. Tole wuchadźa z přepytowanja, kotrež su dźensa w Zhorjelcu předstajili.
Tež w metro telefonować
Policija (02.02.17)
Zadobywarja w měsće lepili
Kamjenc. Nowy sněh je w nocy na srjedu policiji w Kamjencu pomhał zadobywarja lepić. Swědk krótko po 2 hodź. wobkedźbowaše, zo so něchto do hosćenca na Wojerowskej dróze łama, a informowaše policiju. Jako zastojnicy k městnu přijědźechu bě njeznaty hižo ćeknył. Na zasněženym puću pak bě wón zastojnikam derje widźomne slědy zawostajił. Jim slědowachu policisća po měsće hač k domej, na kotrymž bě wuchowanski rěbl přičinjeny. Na nim 27lětneho podhladneho lepichu a nachwilnje zajachu. Drogowy test wunjese, zo steješe wón pod wliwom wopojnych jědow. Kelko škody je młody muž při zadobywanju načinił njeje znate.
Róšty při Budyskej Bohatej wěži drje su so nimale zhubili, na ...
Kóždeho podružnika trjebaja
Steffen Markgraf budźe nowy jednaćel Wojerowskeje bydlenjotwarskeje towaršnosće. Za njeho je so měšćanska rada wčera jednohłósnje rozsudźiła. Wón naslěduje wjelelětnu jednaćelku Margittu Faßl.
Wojerecy (AK/SN). 46lětny Steffen Markgraf je so we Wojerecach narodźił a tule w bydlenskim kompleksu I wotrostł. „Móžu so derje do zhromadźenstwa po- družnikow zanurić a znaju jich začuća“, rjekny wón wčera, jako so měšćanskim radźićelam předstaji. W Čornej Pumpje je wón powołanje twarskeho dźěłaćerja z abituru nawuknył, po přewróće pak do překupskeho wobłuka změnił. Wot 1991 skutkuje wón při Wojerowskej lutowarni. Dźensa je wón nawoda Wojerowskeje filiale Wuchodosakskeje lutowarnje Drježdźany a zamołwity za dźesać wotnožkow ze 70 sobudźěłaćerjemi.
Po šěsć měsacach zaso dźěło
Spěšnišo hač druhdźe namakachu bjezdźěłni 2016 nowy job
Budyšin (CK/SN). Sobudźěłaćerjo agentury za dźěło w Budyšinje a w tamnych wotnožkach wuchodneje Sakskeje wjedźechu loni 132 480 poradźowanskich rozmołwow. Při tym jedna so po słowach nawody Budyskeje dźěłoweje agentury Thomasa Berndta bjezwuwzaćnje wo wosobinske rozmołwy, telefoniske kontakty w tejle ličbje zapřijate njejsu. W swojej lětnej bilancy mjenowaše šef zarjadnišća 2016 „dobre lěto za dźěłowe wiki“. W lětnym přerězku wučinješe kwota bjezdźěłnych 8,4 procenty, je to najniša ličba wot časa 1990tych lět. Přerěznje bě 24 219 žonow a mužow bjez dźěła, před 15 lětami, potajkim 2001, bě jich 72 128.
