Wottorhanje njeje rozsudźene
Njejasny přichod bydlenskich domow w Hamoru ludźi zaběra
Hamor (CK/SN). Bydlenjotwarska towaršnosć Běła Woda (WBG) ma w Hamoru něhdźe 400 bydlenjow w swojim wobstatku. Hakle loni bě so za 2,5 milionow eurow nowy natwarjeny wjacebydlenski dom z dwanaće bydlenjemi na Thälmannowej přidružił. W lěće 2021 tónle dom ani hišće planować započeli njejsu, nětko je wón hižo wobydleny.
Z přećelemi so znowa zetkali
Rowno. Po słowjanskim wašnju z chlěbom a selu su čłonojo Slepjanskeho serbskeho folklorneho ansambla njedawno 40 wosobow wopřijacu skupinu krajanstwa dunajskich šwabow z badensko-württembergskeho Mosbacha na Rownjanskim Njepilic statoku witali. Mjez nimi běštaj předsyda krajanstwa Anton Kindtner a krajny rada dr. Achim Brötel. Zetkanje bě wjeršk třidnjowskeje jězby, z kotrejž pokročowachu partnerstwo swojeho wokrjesa Neckar-Odenwald ze Zhorjelskim wokrjesom. Wone wobsteji hižo z lěta 1990. Prěnje zetkanje ze Slepjanami wotmě so 2019, štyri lěta pozdźišo pobychu serbscy hosćo na nalětnim swjedźenju w Mosbachu. Předsydka folklorneho ansambla Stephanie Bierholdtec wopytowarjow witaše. Wulki wuznam zetkanja wotbłyšćowaše so w tym, zo wobdźělištej so wiceprezidentka Sakskeje krajneje direkcije Carolin Schreck a zamołwita za serbske prašenja Zhorjelskeho wokrjesa Kati Struckowa.
Sobudźěłaćerjej Budyskeje wobdźělenskeje a wobhospodarjenskeje ...
Polěpšenja namjetowali
Wojerecy (SN/at). Móžne změny w Sakskim Serbskim zakonju rozjimachu społnomócnjene a zamołwići za serbske naležnosće w Sakskej wčera we Wojerecach. Na přikład poručeja zapis do zakonja, po kotrymž maja wšitke napisma a pomjenowanja w serbskej a němskej rěči w jenakej wulkosći być, społnomócnjena Budyskeho wokrjesa Halena Jancyna zdźěla.
W čiłej rozmołwje wuměnichu so zdobom wo problemach a wužadanjach nastupajo akceptancu a hišće njedosahacu widźomnosć serbskeje rěče w zjawnosći. W tutym zwisku rozprawješe André Wucht, referent wyšeho měšćanosty města Budyšina, wo prěnich wuslědkach zwoprawdźenja koncepta za wjace widźomnosće serbskeje rěče w měsće.
Budyšin. Kak wustawki k zachowanju, spěchowanju a wuwiwanju serbskeje rěče a kultury we wokrjesu Budyšin hišće lěpje zeskutkownić, to běše předmjet wčerawšeho schadźowanja dźěłoweho kruha za serbske naležnosće Budyskeho wokrjesneho sejmika. Namjetowachu w přichodźe dwurěčne signatury wužiwać a publikacije krajnoradneho zarjada z dwurěčnymi napismami wudawać.
Krótkopowěsće (18.04.24)
W duchu do Indoneziskeje
Pančicy-Kukow. Njewšědnje wulki wothłós žnjał je wčera wot Domowinskeje skupiny Pančicy-Kukow organizowany přednošk Achima Miča wo jeho dožiwjenjach w Indoneziskej. Něhdźe 60 zajimcow je do awle Šule Ćišinskeho přichwatało, nimo skupinarjow mnozy dalši ze wsy a wokoliny. Jich wza Mič w duchu sobu na pućowanje po kupach Sulawezi, Java, Bali a do dalšich kónčin.
Dosć wody w zawěrach
Pirna. Rěčne zawěry w Sakskej su k nimale sto procentam z wodu napjelnjene. Tole zdźěli rěčnica krajneho zarjada za rěčne zawěry. Za zastaranje z wodu je tak lětsa dobry zakład tworjeny. Někak 40 procentow pitneje wody zaruča so w Sakskej přez dohromady 25 rěčnych zawěrow. Tež při suchim lěću njewidźa tuchwilu wohroženje zastaranja.
Witanski pjenjez wobzamknyła
Hdyž Krabat wo Šajatoviću powěda
Ćisk (AK/SN). Powědka wo Krabaće zepěra so na historisce dopokazujomne fundamenty. Wona je kaž jónkrótny pokład, kiž ma so w přichodźe we Łužicy dale přeslědźić. „Kóždy móže powědku za sebje wotkryć. Tale stawizna dźe dale a wona móže dale zmužitosć dawać“, podšmórnyštaj tele dny w Ćisku Kulowski swójbny a stawizniski slědźer Hans-Jürgen Schröter a Wolfgang Kraus, kiž mjeztym 25 lět Krabata zwobraznja. Něhdźe 40 wopytowarjow přichwata na přednošk „Krabat powěda wo Šajatoviću“. Přeprosyło bě Ćišćanske kulturne towarstwo. Wječor přewjedźechu we wobłuku wot lěta 2002 wobstejaceho rjadu „Ćišćanske wotewrjene wokno“.
W zwěrjatowni štomy sadźeli
Radźićeljo wuradźuja
Worklecy. Přichodne posedźenje Worklečanskeje gmejnskeje rady wotměje so jutře, štwórtk, we 18.30 hodź. we wyšej šuli. Mjez druhim zaběraja so radźićeljo z twarskim planom za Přemysłowy park při jězoru, kotryž ma so na Smječkečanske ležownosće rozšěrić. Nimo toho porěča wo koncepće kolesowanskich a pućowanskich šćežkow Hornjołužiskeje hole a hatow.
Njebjelčicy. Tohorunja jutře, ale w 19 hodź. zetka so Njebjelčanska gmejnska rada w sydarni w gmejnskim zarjadnistwje. Tež na jeje dnjowym porjedźe steji Přemysłowy park při jězoru. Tu pak jedna so wo Serbskopazličanske ležownosće.
Pančicy-Kukow. A skónčnje wuradźuje jutře tež gmejnska rada Pančic-Kukowa, a to w 19 hodź. w Lejnjanskim hosćencu. Mjez druhim póńdźe we wobłuku twarskich naležnosćow wo podlěšenje twarskeje dowolnosće za přetwar bywšeje starownje w Swinjarni na spěchowansku šulu klóštra Marijineje hwězdy. Dowolnosć pochadźa z nowembra 2020.
Wokrjesnu dróhu ponowja
Oldtimery móža přijěć a jěć
Gmejna měła stejišćo zabrać
Rozsud wo wonkownych připrawach při pěstowarni přestorčili
Róžant (JK/SN). Wurjadne posedźenje gmejnskeje rady Ralbic-Róžanta wčera wječor w Róžeńće njemóžeše samo na sebi najwažniši dypk dnjoweho porjada wobjednać, dokelž ma so tón hišće raz dokładnje wobdźěłać a přihotować. Předwidźane bě, přepodać nadawk za připrawjenje wonkowneho areala noweje Ralbičanskeje pěstowarnje. Dokelž pak su wotwidźomne wudawki za to daloko nad planowanym budgetom, dyrbi so gmejna z komornicu a projektowym běrowom k tomu jasnišo dorěčeć. Tohodla padnje rozsud za to hakle na posedźenju gmejnskeje rady w meji.
