Jako pjekar nowiny roznošuje
Wot spočatka měrca 1992 wuchadźeja Serbske Nowiny jako wječornik. A wot toho časa je pomocnicy w mnohich wjetšich a mjeńšich wsach wšědnje čitarjam do domu noša. Najwjetši čas tuž našich pilnych roznošowarjow w lětnjej seriji předstajić (9).
Nimale w kóždej našej serbskej wjesce steješe kolebka sławneho wótčinca abo tajki, kotryž je „hódny wěčnoh wopomnjeća“, je we wsy skutkował. Pomniki abo tež wopomnjenske tafle na to dopominaja. Hinak je to w Pozdecach, hdźež ani pomnik ani sławnu wosobu njenadeńdźeš.
Při zachodźe na Budyske tachantstwo wottwarištaj ...
Krótkopowěsće (25.07.23)
CDU chce rozsud wobydlerjow
Budyšin. Frakcija CDU w Budyskej měšćanskej radźe na tym wobsteji, zo ma wobydlerstwo města wo Sprjewinym mosće rozsudźić. Wona je wotpowědnu próstwu wyšemu měšćanosće Karstenej Vogtej (CDU) posrědkowała. Wo tym informuje měšćanski radźićel CDU Tobias Schilling na swojej facebook-stronje. Kónc septembra ma rada zasadny rozsud wo twarje mosta tworić.
Klima a stare drjewjane hrjady
Drježdźany. Wot februara přewjedźe krajny zarjad za pomnikoškit Sakska (LfD) třilětny slědźerski projekt, kiž so ze sćěhami klimoweje změny za stare wjerchi z drjewowych hrjadow zaběra. Zapřijeći do projekta, kotryž Zwjazkowa załožba za wobswět (DBU) spěchuje, su mjez druhim Ewangelska-lutherska krajna cyrkej Sakskeje, restawratorojo a rjemjeslnicy.
Hišće swobodne FSJ-městna
Ataki přiběraja
Frankfurt n. M. (B/SN). „Agresije přećiwo křesćanam ze židowskeje strony w Swjatym kraju přeco husćišo dožiwjamy“, zwěsći Pierbattista Pizzaballa w Jerusalemje. Nimo werbalnych ranjenjow křesćanow napluwaja, wosebje tež ze stron dźěći. Arcybiskop Pizzaballa prosy mjezynarodne knježerstwa z Israelom wo tamnišim połoženju křesćanow rěčeć. Bamž chce arcybiskopa jako kardinala pomjenować, zo by domoródnych lěpje zastupować móhł.
Židowske kěrchowy
Berlin (B/SN). Rownišća su w židowstwje njedótkliwe. Tohodla so jich rowy ženje njezrunaja a znowa njewužiwaja, ale často zwostanu zarosćene. W Berlinje Weißensee je na přikład tajki wuznamny 42 hektarow wulki kěrchow. Wjace hač 115 000 ludźi je na nim pohrjebane, lětnje wokoło 30 wosobow. Tež spisowaćel Stefan Heym je tam pochowany.
Biblija w lochkej rěči
Čerwjeny ptači roztoč w kurjencu
Nic jenož na wsach, ale tež w městach maja mnozy domjacy skót. Něchtóžkuli nimo toho drobny skót plahuje. Wšitcy so wo strowotu swojich dwu- abo štyrinohatych lubuškow prócuja. K tomu přinošować chce naša serija z pokiwami z weterinarneje mediciny. (11)
Dermanyssos gallinae, čerwjeny ptači roztoč (Rote Vogelmilbe) je wony ektoparazit, kotryž najčasćišo kokoše nadpaduje. Nimo sylneho swjerbjenja a změnow na koži ptačiny móže roztoč tež na druhi skót a čłowjeka zalězć a tohorunja swjerbjenje a reakcije na kłóće wubudźić.
Ze staplowakom we wuskej cyrkwi
Policija (24.07.23)
Kóčku wuchowali
Brězowka. K njewšědnemu zasadźenju wołachu pjatk wječor policiju w Brězowce w Dźěwinskej gmejnje. Tam bě kóčka do sudobja za hnójnicu padnyła a njemóžeše so sama hižo wuswobodźić. Tuž dyrbjachu zastojnicy Běłowodźanskeho policajskeho rewěra pomhać. Kóčka drje bě žiwa, njemóžeše pak so na hładkej foliji ze sudobja wudrapać. Tuž přiwołachu policisća wjesnych dobrowólnych wohnjowych wobornikow. Kameradam so skónčnje poradźi, wosłabjene skoćo wuchować. Woni kóčku najprjedy raz wumychu a ju skónčnje tež zastarachu. Hač je so kóčka na to k swojemu wobsedźerjej dóstała, bohužel znate njeje.
Dróha zawrjena
Podcast bórze na stronje gmejny
Malešecy (SN). Wopyt muzeja, šiće měškow za pjelnjenje z lěwanćikom kaž tež wopyt dźiwadła – wšo to běchu temy minjeny tydźeń nahrawaneho podcasta rěčneho motiwatora Luciana Kaulfürsta w Přiwćicach. W ramiku prózdninskeho poskitka dojědźe sej dźesać holcow 1. do 4. lětnika Malešanskeho horta pod nawodom kubłarki Heleny Kralec z kolesom k radijowej staciji, kotruž je Lucian Kaulfürst loni zarjadował. Projekt lokalneho rozhłosa słuži spěchowanju serbskeje rěče w Malešanskej wokolinje a informuje wo zajimawych serbskich temach.
Jemu po boku bě rěčna motiwatorka Juliana Kaulfürstowa. Zhromadnje wuhotowaštaj wonaj jako hobby-rozhłosownikaj rjane dopołdnjo za holcy. Dźěći dožiwichu pisanu wotměnu mjez rolomaj moderatorki a technikarki. W serbskej a němskej rěči rozprawjachu wone wo swojich dotalnych prózdninskich dožiwjenjach a nazhonjenjach.
Jubileje we wobrazach widźeć
„Nóc tysac swěčkow“ syły wopytowarjow do klóšterskeje zahrody wabiła
Pančicy-Kukow (SN/MWj). Wot lěta 2006 přewjeduje Křesćansko-socialny kubłanski skutk (CSB) na zahrodźe klóštra Marijineje hwězdy „Nóc tysac swěčkow“. Ale telko wopytowarjow kaž předwčerawšim drje tam hišće dožiwili njejsu. Dźesatki metrow dyrbjachu so ludźo nastupić, prjedy hač móžachu zastup zapłaćić. Wotpowědnje dołhe běchu tež rynki při předawanskich wozach Wawrikec cateringa a Cyžec rěznistwa. Podobny bě wobraz pozdźišo před nuznikami, samo před mužacym.
