Sportuje na trawniku a při saku
Wot spočatka měrca 1992 wuchadźeja Serbske Nowiny jako wječornik. A wot toho časa je pomocnicy w mnohich wjetšich a mjeńšich wsach čitarjam do domu noša. Najwjetši čas tuž našich pilnych roznošowarjow w lětnjej seriji předstajić (14).
Dźensa podamy so do Nuknicy, zo bychmy tamnišeho roznošowarja Serbskich Nowin zeznali. Je drje to jedyn z najmłódšich ze syły wonych, kotřiž so tomule nadawkej wěnuja. 14lětny Syman Wowčer je jón lětsa w januarje přewzał. Z nim podamy so kaž wšědnje nawječor pěši po Nuknicy. Je zajimawe, štož wot młodeho pachoła, kotryž budźe w nowym šulskim lěće šuler 8. lětnika Serbskeje wyšeje šule „Michał Hórnik“ we Worklecach, zhoniš.
Asfaltowu worštu su wčera na 430 metrow dołhim wotrězku hłowneje ...
Krótkopowěsće (10.08.23)
Špatny WLAN wuknjacych trapi
Berlin. Špatny abo pobrachowacy WLAN mjenowaše 87 procentow woprašanych 14- do 19lětych młodostnych w reprezentatiwnym woprašowanju za Digitalny zwjazk Bitcom najnuzniši problem swojeje šule, jasnje před pobrachowacymi wučerjemi z 59 procentami.
Silicijowy zawod předała
Čorna Pumpa. Württembergska skupina Schmidt je zawod za produkciju silicija w Čornopumpskim industrijnišću na US-předewzaće Group14 Technologies předała. Nowy wobsydnik připowědźi, zo chce wšitkich 13 sobudźěłaćerjow přewzać a ličbu tutych srjedźnodobnje samo wo pjeć króć powjetšić. Produkowany silicij chce zhotowjerjam baterijow a akuwow dodawać. Tajki zawod předewzaća Altech ma w susodstwje nastać.
Dźeniki w Čěskej wohrožene?
Padorunje rostliny plahować
Metodu z wulkich městow wužiwaja tež w Sernjanach
Geodetiska kupola, takle mjenuje so forma rostlinarnje, kotraž steji mjez druhim na priwatnej ležownosći w Sernjanach. Robert Nowak a jeho mandźelska Anja zajimujetaj so za načasne wašnje plahowanja rostlinow. Rešeršujo w interneće je inženjer metodu vertical farming namakał. Ta wužiwa so aktualnje skerje we wulkich městach, w kotrychž wobydlerjo zahrodu nimaja.
Mandźelskaj mataj přewšo moderny swójbny dom, kotryž staj po swojich předstawach twariłoj. W nim na načasne wašnje z energiju, kotruž produkujetaj, chětro zlutniwje wobchadźataj. Tuž staj wo tym rozmyslowałoj, kak móhłoj tónle princip tež w swojej zahrodźe přesadźić a sej dźěło tam wolóžeć, tak zo nimataj so přewjele schileć, wosebje pak, zo njeje trjeba wšědnje rostliny krjepić. Tež při tym je internet pomhał.
Móst samo z wobswětlenjom
Poskitki Serbskeho muzeja
Budyšin. Wobraz z pisanych mozaikowych kamuškow zhotowić móža sej zajimcy jutře, štwórtk, wot 10 do 12 hodź. w Budyskim Serbskim muzeju. Sobotu wotměje so dalša kolesowanska jězba z Tadejom Šimanom po katolskich Serbach, tutón króć pod hesłom „Kołowokoło Kulowa“. Započatk je w 10 hodź při parkowanišću na Kulowskim torhošću. Zajimcy njech přizjewja so pod ticket @sorbisches-museum.de abo přez telefon 03591 2708700.
Štóž chce sej wobhladać pućowansku wustajeńcu „PRISMA. Žiwjenje při Klóšterskej wodźe“, ma tuchwilu wšědnje składnosć w Serbskim domje. Wot 14. do 18. awgusta pokazuja přehladku w Radworskim dwórnišću a 20. awgusta potom na zelowej njedźeli w Klóštrje Marijinej hwězdźe. Wustajeńcu twori wjac hač 50 originalnych fotografijow našeje serbskeje domizny kaž tež medijowa stacija z informacijemi, hrami a filmowymaj dokumentacijomaj „SMY“ a „Čej’ da sy?“
Policija (09.08.23)
Spěšnosć měrili
Bluń. Předwčerawšim su policisća w Blunju spěšnosć měrili. Hdźež je 30 km/h dowolenych, registrowachu do wobeju směrow 933 jězdźidłow. 52 šoferow jědźeše přespěšnje. Z nich ma 20 wodźerjow pokutu płaćić. Najspěšniši bě Chrysler ze 74 km/h. Jeho šofer ma 400 eurow pokuty płaćić, dóstanje dwaj dypkaj w Flensburgu a dyrbi měsac nóžkować.
Sydlišćo ma přichod měć
Wětrowske bydlenske domy skićeja zajimcam dobre wuměnjenja
Wětrow (UM/SN). Něhdźe 30 jednotliwych bydlenjow w bydlenskich blokach napřećo Wětrowskej šamotowni je tuchwilu prózdnych. To je něhdźe šesćina cyłkowneho wobstatka. To chce Bóščanski wjesnjanosta Stanisław Ryćer (Bóščanske rjemjesło) rady změnić. Wot toho časa zo je wón w lěće 2008 prěni raz jako wjesnjanosta nastupił, su Wětrowske bydlenske domy jedna z jeho najwažnišich komunalnopolitiskich temow. „Wětrowske sydlišćo scyła tak njeatraktiwne njeje“, wón měni. Wonkownje prezentuja so domy dosć nahladne, byrnjež raz trochu čerstweje barby trěbne było.
ZÜNDAPP najstarše jězdźidło było
Smjerdźaca (aha/SN). Jako přićahliwy wjeršk 19. razej přewjedźeneho třidnjowskeho wohnjowoborneho swjedźenja w Smjerdźacej wopokaza so minjenu sobotu přehladka oldtimerow a tež tak mjenowanych youngtimerow. Loni prěni raz přewjedźena přehladka z 23 wobrazami je tehdy dobry wothłós žnjała. Tónraz zličichu dwójce telko wobrazow. To je za wotběh zamołwiteju wobornikow Marcela Narčika a Marcela Rječku runje tak překwapiło, kaž wulku ličbu zajimowanych přihladowarjow. W dołhim ćahu wobdźěleni běchu kolesowarjo, mopedisća a wodźerjo traktorow znatych typow kaž Deutz, Famulus abo Belarus. Najstarše wobdźělene jězdźidło bě motorske Manfreda Krala z Róžanta, kiž předstaji swoju ZÜNDAPP z lěta 1950.
Přehladce přizamkny so wubědźowanje, hdźež dyrbješe wodźer jězdźidła 25 metrow dołhu čaru ze zawjazanymaj wočomaj wróćo jěć. Jako najlěpši a najbliši k markěrowanej liniji wopokaza so Smjerdźečan René Bulank před Milanom Lehmannom z Łazka.
