Policija (22.08.23)
Z prokawu třělał
Radeberg. W Großerkmannsdorfje pola Radeberga je muž sobotu na pózdnim wječoru z prokawu na ludźi třělał. Na zbožo njeje wón nikoho trjechił. Zawołana policija z wosebitej jednotku SEK 19lětneho skućićela wuslědźichu. Nětko ma wón z chłostanskim jednanjom ličić.
Tikety w předpředani
Pěskecy. Na winowym swjedźenju přichodnu sobotu w Pěskecach zahudźi dujerska kapała „Horjany“. Tikety za koncert móža sej zajimcy w Šołćic pjekarni w Róžeńće kaž tež we Wätzigec kwětkowym a gratowym wobchodźe w Serbskich Pazlicach kupić.
Za Angelu Stachowu
Budyšin. Składnostnje 75. posmjertnych narodnin serbskeje spisowaćelki Angele Stachoweje (1948–2022) wotměje so w Budyskej Smolerjec kniharni štwórtk, 24. awgusta, w 19 hodź. literarny wječor. Z twórbow spisowaćelki čita Katka Pöpelec. Po programje powjedźe Marka Maćijowa. Wšitcy lubowarjo serbskeje literatury a dalši zajimcy su wutrobnje přeprošeni.
Za wulět so přizjewić
Worklecy. Wulět dekanatneje młodźiny budźe njedźelu, 3. septembra. Přeprošeni su młodostni wot přichodneho 9. lětnika. Přizjewjenja přijimuje dekanatne dušepastyrstwo hač do jutřišeho, 23. awgusta, na swojej internetnej stronje. Tohorunja su na stronje dalše informacije podate.
Chcedźa žiwy centrum wuwić
Město Wojerecy wobydlerjow do planowanja zapřija
Wojerecy (AK/SN). Wojerowskim zamołwitym je w přichodźe žiwe nutřkowne město wažne. Tole podšmórny nawoda běrowa wyšeho měšćanosty Olaf Dominick. „Zo móhli tónle zaměr docpěć wot spočatka julija hač do spočatka awgusta naprašowanje w nutřkownym měsće přewjedźechmy. Wjace hač 600 wosobow je so na nim wobdźěliło“, wón wuswětli. „Nětko zarjadujemy na dwěmaj dnjomaj planowansku dźěłarničku. Na njej wobdźěla so měšćanscy planowarjo a poradźowarjo kaž tež towaršnosć za wične slědźenje.“
Słowo připóznaća jeho zwjesela
Wot spočatka měrca 1992 wuchadźeja Serbske Nowiny jako wječornik. A wot toho časa je pomocnicy w mnohich wjetšich a mjeńšich wsach čitarjam do domu noša. Najwjetši čas tuž našich pilnych roznošowarjow w lětnjej seriji předstajić (17).
Na koncert chóra Budyšin zawčerawšim na Čornoboze přichwata ...
Krótkopowěsće (22.08.23)
Klětu móža dźěłać započeć
Drježdźany. Prěni dorostowi medicinarjo, kiž su w modelowym projekće přećiwo njedostatkej domjacych lěkarjow w Madźarskej studowali, móža wot kónca 2024 w Sakskej dźěłać započeć. Dotal su hišće wšitcy wobdźělniče a wobdźělnicy w studiju abo w dalekubłanju na fachoweho lěkarja, kaž Kasolěkarske zjednoćenstwo informuje. Projekt za studij mediciny w Pécsu su 2013 zahajili.
NGG: Alarm w kuchni
Budyšin. Alarm w kuchni je Dźěłarnistwo cyroba-chłošćenje-hosćency (NGG) za Budyski wokrjes wuwołało. 50 jobow móhło so w gastronomiskich kuchnjach hnydom wobsadźić. Telko ma tudyša agentura za dźěło w poskitku. Hosćo pytnu kalamitu personala. NGG pleduje za měsačnu mzdu 3 000 eurow za wšěch, kiž w gastronomiji a hoteleriji po wukubłanju dale w cyłočasnym jobje dźěłaja.
Studijne kapacity rozšěrjeć
Čerwjeny poběžk na koži
Nic jenož na wsach, ale tež w městach maja mnozy domjacy skót. Něchtóžkuli nimo toho drobny skót plahuje. Wšitcy so wo strowotu swojich dwu- abo štyrinohatych lubuškow prócuja. K tomu přinošować chce naša serija z pokiwami z weterinarneje mediciny. (13)
Štóž je zbožo měł, zo bě w času knježaceje afriskeje swinjaceje mrětwy tola prosatko abo dwě k wukormjenju dóstał, njech je přiwšěm warnowany před dalšej strašnej chorosću swini. Byrnjež afriska swinjaca mrětwa často z ćežkim schorjenjom skotu zwjazana była, njeje wona za čłowjeka strašna. Hinak je to, jeli pola swinjeća čerwjeny poběžk (Schweinerotlauf) wudyri. Tež tale chorosć da swinjo pod zymicu so třasć, apetit scyła wuwostanje a bjezmócne leži skoćo po cyłej swojej dołhosći na zemi.
Zawinowar je bakterija Erysipelothrix rhusiopathie. Wony njelubozny hósć pak zdobom tež ptački, wowcy, konje, howjada atd. nadpadnje. Tež čłowjekej, kotryž inficěrowany skót zastaruje, hrozy strach, zo so natyknje. Rěčimy tu wo tak mjenowanej „zoonosy (= wubudźak chorosće, kotraž móže so wot zwěrjeća na čłowjeka přenjesć a nawopak)“.
Přewjeduja zaso žnjowe swjedźenje
Policija (21.08.23)
Pozdatne granaty namakali
Haslow. Dźěłaćerjo twarnišća při Čornicy pola Haslowa su minjeny štwórtk popołdnju štyri pozdatne granaty namakali. Fachowcy za wotstronjenje tajkich namakankow su je pruwowali. Kaž so wukopa, jednaše so wo stare sudobja za płun, kotrež fachowcy wěcywustojnje wotstronichu.
Policija staršich poradźuje
Budyšin. Dale a bóle informuje policija na staršiskich wječorach w zakładnych šulach wo wužiwanju medijow kaž šmóratkow a prewenciji. Wjele dźěći dósta tajki nastroj k zastupej do šule. Policija staršich wo digitalnym škiće poradźuje.
