Hłownej potrjechenosći słuša najwjetša priorita při rozdaću ...
Wjesnjanosta gmejny Sprjewiny Doł Manfred Heine a kolegojo w zastojnstwje žadaja sej wot Sakskeje jasnu korekturu kursa nastupajo strukturnu změnu
Wuraz „hłowna potrjechenosć“ tuchwilu w Drježdźanach při strukturnej změnje žane wotewrjene wucho njenamaka. „Mamy sej ju přeco zaso žadać. Dźe wo komuny, kotrež su wot kónca wudobywanja brunicy direktnje potrjechene. Srědki ze zakonja wo skrućenju struktury dyrbja fairnje, sprawnje a přiměrjenje zasadźene być“, měni njestronjan Manfred Heine. 67lětny je wot lěta 1996 wjesnjanosta gmejny Sprjewiny Doł, hdźež bydli 1 850 ludźi. Wjace hač połojca z nich dźěła we wobłukach brunicowa jama, milinarnja, serwis, posłužby a dodawarjo a je tak wot strukturneje změny potrjechena. Wo projektach a idejach komuny je so Andreas Kirschke z Manfredom Heinu rozmołwjał.
Knježe Heine, dnja 30. junija je přewodźacy wuběrk prěni raz wo komunalnych projektach w strukturnej změnje wothłosował. A na to je rozsudźacej komisiji w Zwjazku poručenja dał. Kak daloko je Waša gmejna tam pódla była?
Na serbskich slědach w Lessingowym měsće byli
Po dołhim času móžeše Domowinska skupina Pančicy-Kukow wčera zaso raz zhromadne zarjadowanje přewjesć. Kóžde lěto zaplanuja sej mjeńši wulět, na kotryž móža so zajimcy tež z kolesom podać. Wčera bě město Kamjenc cil, a pjeć skupinarjow je sej tam z kołom dojěło. Hromadźe z dalšimi zetkachu so woni při měšćanskej informaciji. Wottam podachu so dohromady nimale dwacećo na wodźenje po Lessingowym měsće na slědach Serbow.
Přewodźer Bernd Moschke je skupinarjam wjele wědźenjahódneho ze stawiznow města rozłožił a jich k zajimawym městnam wjedł. Serbske srjódki zašłosće a přitomnosće pak dyrbješe tež wón móhłrjec zeškrabać. Tak wón mjez druhim naspomni, zo bě dźensniši sakralny muzej, cyrkej swjateje Hany, něhdy serbski Boži dom. Hač do lěta 1926 tam hišće prawidłownje serbske kemše swjećachu.
Policija (26.08.21)
Wudy a whisky kradnył
Wojerecy. Hač je paduch wědźał, što na njeho čaka, jako bě so w nocy na wutoru do pincy wjaceswójbneho domu we Wojerecach zadobył? Tam měješe wobydler mjenujcy wjacore hódnotne wěcy składowane, kotrež su nětko fuk. Tak pokradny njeznaty štyri wudy, dźewjeć nawitych rólow kaž tež štyri specielne nože, z kotrymiž móžeš rybu kutlić. Nimo toho je pakostnik dźewjeć blešow whiskyja sobu wzał. Rubiznu trochuja na něhdźe 3 000 eurow. Načinjena wěcna škoda je sto eurow.
Wot póndźele S 106 ponowja
Słona Boršć. W zwisku z nowym kružnym wobchadom pola Słoneje Boršće chcedźa wot póndźele, 30. awgusta, hač do 17. septembra statnu dróhu S 106 ponowić. Kaž wokrjes zdźěli, ma so to w dwěmaj wotrězkomaj stać. Wot 30. awgusta hač do 1. septembra ponowja puć wot kružneho wobchada hač k wotbóčce do Małeho Wjelkowa. Wottam hač ke kružnemu wobchadej pola Chelna přizamknje so druhi wotrězk. Hač do 17. septembra wobstaraja zbywace dźěła. Wšón čas budźe S 106 dospołnje zawrjena a wokołopuć wupisany.
Lisćiki skazać
Smochćicy. Na zhromadne čitanje dźiwadźelnikow Romana Knižki a Thomasa Arnolda přeprošuje Smochčanske kubłanišćo swjateho Bena 7. septembra w 19.30 hodź. Wobaj čitataj z twórbow židowskich awtorow Stefana Zweiga, Josepha Rotha a dalšich. Nimo toho powědataj stawiznički ze wšědneho žiwjenja. Zastupne lisćiki za 15 eurow, potuńšene za 7,50 eurow, dóstanu zajimcy pod internetnej adresu www.lausitz-festival.eu.
Jědźnu kartu wobstajnje přiměrja
Hosćency a korčmy su za towaršnostne žiwjenje wažne městna, wšako so tam ludźo rady zetkawaja. Často maja tež zajimawe stawizny. W swojej lětnjej seriji tajke gastronomiske předewzaća předstajamy, dźensa Budyski hosćenc „Zum Haseneck“. (14)
Wosrjedź Budyšina, na róžku, hdźež wot Kamjentneje na Kurta Pchalekowu wotbočiš, napadnje hosćenc „Zum Haseneck“. Kak je k pomjenowanju renoměrowaneho lokala dóšło, je zajimawa odyseja do zašłosće. Znate je, zo steješe tam hižo w pózdnim srjedźowěku korčma. Na pohladnicy z kónca 19. lětstotka, kotruž dźensa w hosćencu wuhladaš, je widźeć jednory płony twar z korčmu z napisom „Gambrinus“. Pomjenowanje poćahuje so na legendarneho nižozemskeho krala, kotryž drje bě wunamakar mjeztym daloko a šěroko znateho napoja, mjenujcy piwa.
W starym měsće wulce swjeća
Dopominaja na wuměłske wašnje na podawki přewrótoweho časa
Budyšin (SN/MWj). Wšitkim skeptikarjam klubu so wot jutřišeho hač do njedźele w Budyšinje staroměšćanski festiwal pod hesłom „Woda, swětło, wuměłstwo“ wotměje. Je to třeći festiwal tajkeho razu. Hač do poslednjeho njebě jasne, hač móže jón turistiski zwjazk jako organizator scyła přewjesć. Nětko pak maja za wulki podawk zelenu swěcu, byrnjež za to wobsahowje někotre wobmjezowanja akceptować dyrbjeli.
Jedna z wosebitosćow budźe wuměłstwowy projekt wo přewrótowym času 1989. Při Lawskej wěži, Röhrscheidtowej bašće, Starej wodarni a na pjeć dalšich wuznamnych městnach wisa plakat z hesłom „WENDEpunkt“. Z pomocu QR-koda móžeš sej tam načasne reje, dopomnjenki časowych swědkow a dalše informacije wo towaršnostnym přewróće zbližić.
Třeća zemska pyramida w Rogeńcu
Krótkopowěsće (26.08.21)
Incidenca dale pod dźesać
Budyšin. Natyknjenja z koronawirusom tež w Hornjej Łužicy pomałku přiběraja. Wo 15 padach je Budyski wokrjes wčera informował, w Zhorjelskim běchu to tři. Incidenca je po Roberta Kochowym instituće dźensa z 8,7 we wokrjesu Budyšin a z 8,0 w Zhorjelskim dale pod 10. Wot dźensnišeho płaći w Sakskej nowe korona-postajenje, po kotrymž incidenca hižo wšo rozsudźacy kriterij njeje.
Serbski informator online
Drježdźany. Drježdźanske zapisane drustwo Swobodny społk wobohaća z online-medijom wot spočatka měsaca wid na temy z Łužicy, Němskeje a ze swěta w delnjo- a hornjoserbskej, němskej a jendźelskej rěči. Wobsahowje zamołwity jako šefredaktor je Viktor Zakar, redaktorka je Hańžka Wjeselic. Serbski informator chce „polemiku a debatu w serbskim towaršnostnym žiwjenju hajić a wuwiwać“, kaž rěka.
Alternatiwne rjadowanje wuběži
Policija (25.08.21)
Bus so wupalił
Ramnow. Techniskeho defekta dla je wčera připołdnju woheń w linijowym busu na zwjazkowej dróze B 98 w Ramnowje wudyrił, kotryž bě z Drježdźan do směra na Biskopicy po puću. W Ramnowje šofer a třo sobujěducy pytnychu, zo so pali. Wodźer při Ramnowskim zastanišću zasta a ze sobujěducymi wulěze. Na to so płomjenja po cyłym busu rozpřestrěchu a jón dospołnje zničichu. Na zbožo so nichtó zranił njeje. Škoda wučinja něhdźe 20 000 eurow.
