Kedźbu, gymnaziasća!
Samo kwětki tu raz předawał
Hosćency a korčmy su za towaršnostne žiwjenje wažne městna, wšako so tam ludźo rady zetkawaja. Často maja tež zajimawe stawizny. W swojej lětnjej seriji tajke gastronomiske předewzaća předstajamy, dźensa „Karstenowu piwowu stwičku“ w Pančicach-Kukowje. (16)
Njeposrědnje při mosće nad Klóšterskej wodu w Pančicach-Kukowje wabi napis hosćenca k pozastaću a přeradźa lačnemu a hłódnemu hosćej, zo rěka mějićel Karsten. Zo je jeho swójbne mjeno Natuš, pozdźišo tohorunja zhoniš. Dom, w kotrymž je dźensa „Karstenowa piwowa stwička“, bu 1802 natwarjeny. Abatisa klóštra Marijineje hwězdy Vizentia Marschner bě tam něhdy prěnju šulu natwarić dała, na čož pokazujetej na domje wot dróhi derje widźomnej wulki swjaty křiž kaž tež wobnowjeny wopon klóštra. Po tym zo tu dźěći hač do lěta 1906 pod krutymi wuměnjenjemi wuwučowachu je Bruno Natuš, pradźěd nětčišeho mějićela, dom 1912 klóštrej wotkupił.
W Njebjelčanskej gmejnje je hižo wjacore lěta z wašnjom, zo tam ...
Krótkopowěsće (02.09.21)
Zaso wjace natyknjenjow
Budyšin. W Budyskim wokrjesu su wčera wo sydom natyknjenjach z koronawirusom rozprawjeli. Wot 64 schorjenych wosobow lěkuja štyri w chorowni. Incidenca po Roberta Kochowym instituće je dźensa znowa 9,7. Wo 13 dalšich infekcijach informowachu wčera w Zhorjelskim wokrjesu. Incidenca po RKI wučinja tam dźensa 11,6 a je tak po dwěmaj dnjomaj wospjet kritisku hódnotu dźesać překročiła.
Nellessen naslěduje Grossera
Choćebuz. Dr.-ing. Philipp Nellessen je wčera zastojnstwo zamołwiteho za hórnistwo w předsydstwje energijoweho koncerna LEAG nastupił. Wón naslěduje Uwu Grossera, kiž je na wuměnk šoł, kaž předewzaće zdźěli. Grosser je funkciju wot januara 2014 wukonjał a bě tež jednanski partner Domowiny w zhromadnym dialogu z Vattenfallom a LEAG.
Proša wo azyl w Čěskej
Žona na druhim městnje
Radwor. Škotowy turněr serbskich seniorow wčera w Radworskej „Zelenej hałžce“ je cyłkownje nawjedowacy Křesćan Weclich z 3 123 dypkami dobył. Druhe městno wobsadźi Sonja Krječmarjowa jako jenička žona w kole muži z 2 601 dypkom před Geratom Šmelingom (2 117). Z Měrkom Šmitom a Joachimom Mejglom móžachu kartyplacarjo dweju nowačkow witać. Přichodny turněr wotměje so 28. septembra w Haslowskim Bizoldec hosćencu.
Běchmy – smy – budźemy
Policija (01.09.21)
Z awtom do štoma prasnył
Čornjow. Zaso raz bě alkohol wina na wobchadnym njezbožu, kotrež sta so předwčerawšim wječor pola Čornjowa (Zschorna) w Bukečanskej gmejnje. 67lětny wodźer awta Subaru bě tam z wokrjesneje dróhi zajěł a do štoma prasnył. Jeho dowjezechu do chorownje. Tam naměrichu pola njeho 1,16 promilow alkohola w kreji. Wěcna škoda wučinja nimale 8 000 eurow.
Digitalne móžnosće sej zbližić
Nowa pěc hižo derje dźěła
Załožba VNG podpěruje dźěćace a młodźinske dźěło Krabatoweho młyna
Čorny Chołmc (AK/SN). Wot lěta 2009 wobstejaca a po wšej Němskej aktiwna towaršnosć Verbundnetz Gas AG podpěruje ze swojej załožbu VNG towarstwo Čornochołmčanskeho Krabatoweho młyna z 5 000 eurami. Z pjenjezami chcedźa wobsahowe dźěło dožiwjenskeho areala zaměrnje spěchować, rjekny nawoda předsydstwa VNG Ulf Heitmüller, jako předwčerawšim symboliski šek přepoda. „Nad tajkej pomocu so wězo jara wjeselimy“, praji jednaćel Krabatoweho młyna Tobias Čižik. Po jeho słowach wužiwaja srědki za to, dom za pječenje dale wuhotować. W nim hišće někotre mašiny pobrachuja, mjez druhim za mlěće zorna a za měšenje ćěsta. Tež polcy za kamor, w kotrymž so ćěsto hiba, dyrbja hišće wobstarać. Hlinjana pěc sama pak je hotowa. W njej mjeztym wobstajnje Krabatowy chlěb pjeku a tak wopytowarjow młyna sobu zastaruja, rozłoži Rico Ziegenbalg z Lichtenberga pola Połčnicy. Wón je wot spočatka awgusta kruće přistajeny pjekarski mišter w Krabatowym młynje. Něhdźe 30 chlěbow, kóždy něhdźe 900 gramow ćežki, móže wón w pjecy naraz pjec.
Mały wobchod z wulkim wuběrom(6)
Na wsy wobchod měć dźensniši dźeń wjace samozrozumliwe njeje. We wobłuku lětušeho lětnjeho seriala smy so na wsach rozhladowali, zo bychmy swojim čitarjam tón abo tamny wjesny wobchod předstajili.
Tale ławka je jara wažna. Wona steji před „Šmitec małym wobchodom“ w Klětnom (Klitten). Po nakupowanju so tam ludźo k bjesadźe rady na nju posydnu. Nakupowanišćo za žiwidła je mjenujcy tajke něšto kaž srjedźišćo wsy a centrala za wuměnu nowosćow a powěsćow. Wězo kupcy tež rady z Aniko Schmidt, wobsedźerku wobchoda, pobjesaduja. Přećelna młoda žona njeby sej dźensa ničo druhe wjac předstajić móhła, hač tónle wobchod nawjedować, a to, byrnjež scyła z Klětnoho njepochadźała. Wšako je so na Klětnjana wudała a tak sem přišła. Wona pochadźa z Trjebuza (Trebus), wsy zapadnje Niskeje. Hač do lěta 2008 je jeje přichodna mać Emilie Schmidt wobchod wjedła. Jako so wona na wuměnk poda, so předewšěm Klětnjenjo bojachu, zo hižo bórze žadyn žiwidłowy wobchod wjac we wsy njezměja. Tohodla rozsudźi so Aniko Schmidt, předawanišćo, w kotrymž bě do toho raz lutowarnja zaměstnjena, dale wjesć.
Krótkopowěsće (01.09.21)
Wubědźowanje zahajene
Budyšin. Załožba za serbski lud je dźensa wubědźowanje „Rěč zwjazuje. Rěc zwězujo. Sorbisch verbindet“ startowała. Pytane su inowatiwne a naslědne ideje, z kotrymiž móhli serbšćinu wožiwić a we wšědnym dnju lěpje zakótwić, zo by so serbska zhromadnosć zesylniła a identita skrućiła. Projekty njech zajimcy hač do 7. nowembra pod zapodadźa.
Incidenca zaso pod dźesać
Budyšin. W Budyskim wokrjesu najprjedy žane krućiše naprawy koronapandemije dla njebudu. Roberta Kochowy institut je dźensa incidencu 9,7 podał, tak zo njebě pjaty dźeń za sobu hódnota nad 10. Wčera je tudyši krajnoradny zarjad wo sydom natyknjenjach z koronawirusom informował. Runje telko bě jich w Zhorjelskim wokrjesu. Incidenca po RKI wučinja tam dźensa 9,6.
Bjez wosebitych znamješkow
