Małe teksty cyle wulke čitać
Budyšin (SN). Nowe lěto započinaja w Budyskej měšćanskej bibliotece z nowej techniku. Wužiwarjo biblioteki, kotřiž špatnje widźa, maja tam zajimawy rozšěrjeny poskitk k dispoziciji. Dźakowano spěchowanju sakskeho socialneho ministerstwa a z pomocu Budyskeho zwjazka slepych a špatnje widźacych su nětko nastroj Clear View C kupili.
Technika tež w zymje zahoriła
Hdyž přińdźe do małeje wsy z něšto wjac hač sto wobydlerjemi naraz něhdźe 1 000 wopytowarjow, a to zwjetša z awtom, da njezadźiwa, zo je tam kóžde skićace so městno zaparkowane.
Hora (aha/SN). Tomu bě wčera na Horje pola Bóšic tak, hdźež přewjedźechu mjeztym štwórte zymske zetkanje přećelow oldtimerow. Organizował bě je tamniši klub Přećelow wlečakow, kotrehož předsyda je Mario Ryćer. Klubej přisłuša něhdźe 45 čłonow. Zajim za zymske zetkanje je so kóždolětnje stopnjował. Tak běchu so čłonojo kluba hižo spočatk decembra minjeneho lěta zetkali a kóždemu konkretne nadawki a zamołwitosće přenjesli. Wone sahachu wot wobstaranja hamtskeje dowolnosće za zarjadowanje přez wabjenje a informacije tež za mjezami Sakskeje hač k zastaranju a zaručenju so hodźacych městnow k stajenju oldtimerow.
Mario Ryćer chwaleše wčera podpěru wjacorych sponsorow. Rjedźic ratarski zawod ze wsy bě přewostajił hektar łuki za parkowanje, kotryž pak hodźeše so mokroty dla jeno dźělnje wužiwać.
Krótkopowěsće (08.01.18)
Do wysokich šulow pohladnyć
Drježdźany. Wšitke 14 sakskich wysokich šulow, sydom studijnych akademijow kaž tež dalše statne připóznate wysoke šule wotewru 11. januara zajimcam swoje durje. Tradicionalny, w januaru wotměwacy so dźeń je kruty wobstatk studijneho poradźowanja na sakskich wysokich šulach. Přeprošeni su nimo šulerjow a šulerkow gymnazija tež ći z wyšich šulow, kotřiž chcedźa sej pozdźišo přeće za studijom spjelnić.
Sudnistwo podhladny list dóstało
Drježdźany. Podhladny list je dźensa rano wulkozasadźenje wohnjoweje wobory a wuchowanskeje słužby w Drježdźanskim justicnym centrumje zawinił. Kuwert wobsahowaše dotal njedefinowanu maćiznu, kaž rěčnik wohnjoweje wobory zdźěli, „mamy ju za podhladny próšk“. Specialisća próšk přepytuja. Póštownju hamtskeho sudnistwa su zawrěli. Pola dźewjeć tam přebywacych ludźi njemóžachu kontakt k posyłce wuzamknyć.
Golden Globe do Němskeje
Policija (05.01.18)
Na parkowanišću spał
Ottendorf-Okrilla. Chětro alkoholizowany je so zawčerawšim připołdnju muž pola Ottendorfa-Okrille wosrjedź awtodróhoweho parkowanišća wuspał. Tam nańdźe jeho wobsadka policajskeho awta smorčaceho a spjaceho kaž kamjeń, kaž w policajskej rozprawje rěka. Zastojnicy 33lětneho wubudźichu a prošachu jeho k alkoholowemu testej. Tón wunjese 3,28 promilow. Dowjezechu „pućowaceho“ tuž do chorownje, hdźež wón k swójskemu derjeměću hač do přichodneho dnja wosta. Kak je na wjele wužiwane parkowanišćo přišoł, znate njeje.
Radźićeljo so zetkaja
Awtorka čita w hospodźe
Chrósćicy. W swojim romanje „Běžeć dyrbiš tak a tak“ powěda Anika Mehner z Lipska stawiznu přećelstwa na ekumeniskim putniskim puću. Po puću ze Zhorjelca přez Budyšin a Erfurt hač do Vacha bě wona sama wjacekróć putnikowała. Swoje zaćišće je po prěnjej, skerje dokumentariskej knize „Stawizny z putniskeho puća – nachribjetnik powěda“ nětko tež literarisce předźěłała. Młoda awtorka čita w Chróšćanskej putniskej hospodźe jutře, 6. januara, w 19.45 hodź.
Anika Mehner tež w Lipsku mušlowe znamješka na putniskim puću přez město připrawja a hospoduje putnikow.
Jutře w 16 hodź. je serbske dźěćace kino z trikowym filmom. Pokazki na dalše zarjadowanja w hospodźe nadeńdu zajimcy internetnje pod www.pilgerherberge-crostwitz.de.
Na lětny swjedźeń
Personalna debata łoskoćiwa
Ćežki kompromis mjez měšćanskimi radźićelemi a zarjadnistwom
Budyšin (CK/SN). Nowe lěto zahaja město Budyšin ze solidnym etatom. Mjeztym zo wučinjeja dochody 75,2 milionaj eurow, změje wone wudawki 77,2 milionow eurow. Deficit wopodstatnja zarjadnistwo z přiběracymi wudawkami za hladanje twarjenjow a za wobhospodarjenske kóšty, za čož zaplanuja 14,8 milionow eurow. Nimo toho z tym liča, zo wotedawk wokrjesej bytostnje rozrosće. 16,6 milionow eurow wudadźa za zastaranje dźěći.
Njewšědny jubilej w Stróži
Miniskupina rozpušćena
K swojej hłownej zhromadźiznje a hodowničce zetkachu so njedawno čłonojo Hornjohórčanskeje Domowinskeje skupiny pola Jahnec-Brězanec w Debsecach. Předsyda poda rozprawu za lěto 2017. Wopytachmy kulturne zarjadowanja kaž ptači kwas SLA, wustajeńcu w Serbskim muzeju „500 lět reformacija a Serbja“, XII. mjezynarodny folklorny festiwal w Hochozy a Chrósćicach, serbske inscenacije NSLDź kaž tež nazymski koncert w Bukecach. Za rozprawu na župu a wotličenje spěchowanja na Załožbu za serbski lud dyrbjachmy někotre pisomne wěcy rjadować a tež lětny přinošk čłonow zběrać. Rezimej financneje rozprawy bě, zo runaja so wudawki dochodam, spěchowanym ze 40 eurami. Za serbske kulturne zarjadowanja kupichmy zastupne lisćiki za 103 eura. Za LND předawachmy a kupichmy tež sami protyki a knihi w hódnoće 370,60 eurow.
Zhromadnje wobhladachmy sej film „My Słowjenjo w Němskej“. Trěbnu techniku natwariłoj běštej Annett Brězanowa a Judit Heroldowa. Za poradźeny wječor wuprajichu hosćo mandźelskimaj Jahn-Brězanecom wulki dźak.
