Z wudaća: pjatk, 15 měrca 2019

Pjatk 15.3. 17:30 Zwjazkowe předsydstwo Domowiny w Chrósćicach

  18:30 Hłowna zhromadźizna wohnjoweje wobory Łazow­skeje gmejny

  19:00 Hłowna zhromadźizna Róžeńčanskeje dobro­wólneje wohnjoweje wobory w tamnišej towarstwowej rumnosći

Sobotu 16. a 17.3.   28. serbske jutrowne wiki w Budyskim Serbskim domje

Sobotu 16.3. 9:30 22. wysokošulske wiki w Budyskim powołansko­informaciskim centrumje

  14:00 Burske blido Domowiny a towarstwa Njepilic dwór na Rownjanskim Njepilic statoku

  19:30 Předstajenje inscenacije „Wopušćeny dom“ na hłow­nym jewišću Budyskeho NSLDź

  19:30 Koncert z Ronnyjom Weilandom „Pěsnje z Wolgaske­ho přibrjoha“ dopomnjenki na Ivana Rebroffa w Budyskim Serbskim muzeju

  20:00 Kabaretny wječor z Carolin Fischer a Ralfom Bärwolffom w Kamjenskim měšćanskim dźiwadle

  20:00 Zhromadne wječorne modlenje dekanatneje młodźiny w Chrósćicach a přednošk Tomaša Pěčki­ wo dožiwjenjach na Swětowym zetkanju młodźiny w Panamje

Njedźelu 17.3. 9:30 Serbske kemše w Grodkowskej Serbskej cyrkwi

  16:00 Program Serbskeho ludoweho ansambla „Mała rejwana stawizna“ na žurli Budyskeho SLA

Njedźelu, hornjoserbsce

11:00 Łužica tutón tydźeń, mjez druhim wo najrjeńšich serbskich jutrownych jejkach

11:20 Live z jutrownych wikow

11:45 Wobrazki z narańšich Serbow

12:00 Nabožne wusyłanje

(Tomasz Dawidowski)

po tym Zbožopřeća

delnjoserbsce

12:30 Aktualny magacin, mjez druhim wo Serbskim instituće a wo strukturnej změnje

13:00 Towarstwo Kólesko prócuje so wo zachowanje slepjanšćiny

13:30 Nabožne wusyłanje

(Cyril Pjech)

po tym Zbožopřeća

Drastu měnjeć

Budyšin. Drastu za ćěšenki a dźěći k přijomnej płaćiznje dóstanu starši na při­chodnej měnjenskej bursy na žurli Budyskeje Montessoriskeje šule na Tzschirnerowej. Bursa je jutře, sobotu, wot 14 do 16 hodź.

Předstaja „Čeplski recept“

Radwor. Štóž njeje dotal hišće kome­diju Chróšćanskeje serbskeje lajskeje dźi­wa­dłoweje skupiny „Čeplski recept“ widźał, změje k tomu zajutřišim, njedźelu, w Radworju składnosć. Tam wustupja lajscy­ hrajerjo w 16 hodź. Dalšej před­stajeni budźetej 24. měrca w Haslowje a 31. měrca w Šunowje. W aprylu pokazaja hru w Sernjanach a Chró­sćicach.

Benedikt Dyrlich čita

Budyšin. We wobłuku rjada zarjado­wanjow Němsko-Serbskeho ludoweho dźiwadła „Łužiske literarne dopołdnjo“ čita njedźelu w 11 hodź. Benedikt Dyrlich w Budyskim Dźiwadle na hrodźe. Tam předstaji mjeztym w Drježdźanach bydlacy němsku wersiju swojeje bio­grafiskeje zběrki dokumentow, listow a dźenikowych zapiskow „Doma we wućekach 1“. Zajimowani wopytowarjo móža w dźiwadle wot 10 hodź. posnědać.

Wo přichodźe pjenjez

Turněr při wysokim saku

Róžeńčanscy wohnjowi wobornicy wuho­tuja jutře, sobotu, w Ralbičanskej sportowni wolejbulowy turněr wo pokal wjesnjanosty Ralbic-Róžanta. Turněr z pjeć cyłkami započnje so w 15 hodź.

Halowa kopańca

Worklečanscy sportowi přećeljo přewjedu jutře wot 17 hodź. w sportowni swój prěni halowy koparski turněr. Tam nastupja nimo hosćićela mustwo No Name­ z Pančic-Kukowa, Zeleno-běli Hórki, Nowa Wjeska, Ći Swěrni z Biskopic, Traktor Jitk a VSG Njeswačidło.

Kónctydźenska kopańca

16.03. 14:00 Jednota Kamjenc –

  BSC Rapid Kamjenica

16.03. 15:00  ST Ćisk –

  SJ Chrósćicy

16.03. 15:00  ST Hnašecy-Dobruša –

  Módro-běli Kulow

16.03. 15:00  Póst Germania Budyšin –

  Rakečanske ST

17.03. 10:30  ST Ćisk II –

  SJ Chrósćicy II

17.03. 13:00  FC Energija Choćebuz –

  Karlsruheski SC

17.03. 13:00  Sokoł Ralbicy/Hórki –

  LSV Hory

17.03. 13:30 Budissa Budyšin –

  Germania Halberstadt

17.03. 14:00 ST Marijina hwězda –

  SV Haselbachtal

17.03. 15:00 ST Radwor –

  TSV Połčnica

17.03. 15:00 Nadrózna Hrabowka –

  SJ Njebjelčicy

Jědu k tabulkowemu susodej

Předsydku wobkrućili

Radwor. Čłonojo Radworskeho chóra Meja wuzwolichu na wčerawšej hłownej a wólbnej zhromadźiznje Angeliku Häneltowu znowa za předsydku. Městopředsydka wostanje Diana Wowčerjowa, wo financy stara so Mónika Wenclowa. Ćěleso hotuje so tuchwilu na předstajenje oratorija „Israe­lowa zrudoba a tróšt“ a přewjedźe w oktobrje prěni króć nazymski koncert we Wojerecach.

Poradźene womłodźenje

Pančicy-Kukow. Z jědnaće kandida­tami nastupi Serbske wolerske zjednoćenstwo (SWZ) Pančicy-Kukow ke komunalnym wólbam 26. meje. To je porno wólbam w lětomaj 2009 a 2014 najwjetša ličba. Zwjeselace je, zo kandiduje z Grit Hawšowej zaso žónska na lisćinje SWZ. Nowi a młodźi kandidaća su Beno Šołta, Stefan Cyž, Clemens Škoda a Krystof Rjeda.­ Jim poboku su Jens Pakoßnick, Joachim Kokla, Konrad Lipič, Tobias Cyž, Pětr Šołta a Stefan Rjeda.

AfD kandidatow nominowała

Dopominaće so poprawom hišće na to, kak sće před třomi lětami wo brexiće, wo wu­stupje Wulkeje Britaniskeje z Europskeje unije, zhonili? My sedźachmy w kruhu swójby na campingownišću w Južnym Tirolu při snědani a hotowachmy so na wopyt koparskeje hry euro­peady, jako něchtó rjekny: „Zapiń tola raz radijo­, wčera su Britojo wothłosowali.“ Hišće­ wječor do toho běchmy wo tym rěčeli­ a wšitcy běchu přeswědčeni, zo wobydlerjo bri­tiskeje kupy dale w EU wo­stanu. Wšako wědźa, kotre lěpšiny z njej maja. Ćim wjetši bě šok, jako wo wu­slědku zhonichmy. Snadna wjetšina ludźi bě so za brexit wuprajiła. Wěšćenja slědźenskich institutow, po kotrychž je wjetšina přećiwo brexitej, njeběchu so jako­ prawe wopokazali.

Domowina chce młodostnych do serbskich předewzaćow wabić

Budyšin (SN/BŠe). Zo je tuchwilu mało wučomnikow we łužiskich rjemjeslniskich zawodach a předewzaćach, njeje žane­ potajnstwo. Hižo dlěje wojuja tež tudyše firmy wo dorost a pytaja zaměrnje młodostnych zajimcow, kotřiž chcyli wukubłanje zahajić. Při tym kroča za­wody po najwšelakorišich pućach a su so na přikład w šulach předstajili, na po­wołanskich wikach abo na akciji „Pohladaj nutř“ so wobdźělili, zo bychu na swoje poskitki skedźbnili. Tež hospodarski wuběrk Domowiny je so pokazkow Zwjazka serbskich rjemjeslnikow a předewzaćelow (ZSRP) na problem dla z temu rozestajał a mysličku zrodźił wose­bitu brošurku zestajeć.

Kubłanska referentka Domowiny Marija­-Tereza Krawžic je sej za brošurku najprjedy raz přehlad wo zawodach w Budyskej, Kamjenskej a Wojerowskej župje wutworiła. Při tym orientowaše so wo­na na čłonach ZSRP, spózna pak, zo je we wjele wjac předewzaćach kón­činy serbska rěč mjez kolegami abo še­fami prezentna. Z pomocu župow nasta wobšěrna lisćina firmow, kotraž bě zakład za dalše postupowanje.

Prawidłownje wuhotuje towarstwo Maćica Serbska rjad Maćična akademija. Fachowi wědomostnicy kaž tež angažowani lajkojo přednošuja w tym wobłuku wo stawizniskich zajimawostkach ze serbskim aspektom. Wčera wěnowaše so Julian Nyča łužiskim pomnikam.

Budyšin (RŠ/SN). „Horjekach je wótcny kraj“ – napis to wojerskeho pomnika w Budestecach, kotryž wuzwoli sej sorabist Julian Nyča za swój přednošk wčera wječor w Budyskim „Wjelbiku“. Něhdźe dwaceći wopytowarjow witaše dr. Annett Brězanec na zarjadowanje Maćičneje akademije.