Unija z „Agendu za Němsku“
Mnichow (dpa/SN). Wodźacy zastupnicy CDU a CSU chcychu so dźensa z dźewjeć dypkowym programom ludźom jako jasna alternatiwa k amplowemu knježerstwu SPD, Zelenych a FDP prezentować. Dokument z hesłom „Agenda za Němsku“ chcychu do toho na zhromadnym posedźenju prezidijow wobeju stronow w Mnichowje wobzamknyć – dobre štwórć lěta do wažnych wólbow krajneju sejmow w Bayerskej a Hessenskej. W pismje žadaja sej mjez druhim zniženje dawkow.
Kritizuja wyše přinoški
Berlin (dpa/SN). Dźěłarnistwa a dźěłodawarjo su wyše přinoški za hladanske zawěsćenje 1. julija kritizowali. Prezident zwjazka dźěłodawarjow Rainer Dulger rjekny powěsćerni dpa, zo je sej politika ze zwyšenjom přinoškow za sebje najpřijomniši puć wuzwoliła. „Runje w časach inflacije dyrbjała politika wšitko činić, zo njeby ludźi dale poćežowała.“ Čłonka předsydstwa dźěłarniskeho zwjazka DGB Anja Piel rjekny: „Zwyšenje hladanske zawěsćenje njewuchowa.“ Jutře přinoški zawěsćenja wo 0,35 procentow zwyša.
Biden spi wotnětka z masku
W Francoskej protestuja dale přećiwo namócnej smjerći 17lětneho ...
Madźarska a Pólska blokujetej
Přepruwuja politikarja AfD
Dalša pjenježna pomoc Ukrainje
Washington/Kijew (dpa/SN). Ukraina dóstanje dalšu pjenježnu podpěru Mjezynarodneho měnoweho fondsa (IWF). Eksekutiwny direktorij je prěnje pruwowanje pomocneho programa 15,6 miliardow eurow wotzamknył a Ukrainje tak zmóžnił, něhdźe 890 milionow dolarow wotzběhnyć, IWF dźensa zdźěla. Kreditny program je dźěl wobzamknjeneho pomocneho paketa za Ukrainu w cyłkownym wobjimje 115 miliardow dolarow. IWF wobswědčuje zamołwitym w Ukrainje, zo su „najebać ćežke wuměnjenja dobre wuspěchi při spjelnjenju swojich nadawkow docpěli“.
Wjace hač 16 měsacow po zahajenju ruskeje nadpadniskeje wójny je ukrainski prezident Wolodymyr Zelenskyj swoje žadanja za bórzomnej konkretnej perspektiwu nastupajo přistup kraja k Europskej uniji potwjerdźił. „Ukraina ma wliw na sylnosć Europy, to je fakt“, rjekny Zelenskyj wčera wječor w swojim wšědnym widejowym poselstwje. „Lětsa je na času, tute fakty wužiwać a sylnosć EU z čłonstwom Ukrainy dale skrućić.“
Rjadowanje kože dla zběhnjene
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje: Manja Bujnowska 577 262
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
Biskopej nowu knihu LND přepodał
To a tamne (30.06.23)
Hodźiny dołho je kołp wčera nowu a chětro drohu čaru podzemskeje železnicy w Londonje blokował. Zadźěwka dla dochadźeše na „Elizabeth Line“ k masiwnym zapozdźenjam, zdźěli wobhospodar na swojej internetnej stronje. Runočasnje pasažěrojo w socialnych medijach skoržachu, zo su we wagonach bjez toaletow zamknjeni. „Kak ćežko prošu jara je, zwěrjo z kolijow wućěrić“, so ludźo prašachu. Čaru běchu hakle loni w septembru na česć kralowny Elizabeth II. wotewrěli. Twar płaćeše 22 miliardow eurow.
Tójšto mjasa a kołbasy pokradnyli su paduši ze superwikow we Wildenfelsu w Zwickauskim wokrjesu a su při tym tež hišće chłódźenje přetorhnyli. Tuž dyrbjachu wšo zničić, štož bě we chłódźerni składowane. Paduši běchu durje chłódźernje wočinjene wostajili. Cyłkowna škoda wučinja wjace hač 10 000 eurow.
Prawicarjo najwjetši strach demokratije
Sakski nutřkowny minister Armin Schuster a prezident sakskeho krajneho zarjada za wustawoškit, Dirk-Martin Christian, předstajištaj njedawno rozprawu wustawoškita za lěto 2022.
Drježdźany (SN/MG). Najwjetši strach za demokratiju wuchadźeše tež loni zaso wot praweho boka politiskeho spektruma. Wosobowy potencial – su to wosoby, kotrež móhli so potencielnje z ekstremistami stać – wučinješe loni na prawicarskim boku někak 4 350 wosobow. Najwyši je wony potencial mjez druhim we wokrjesu Budyšin, z wjace hač 300 potencielnymi ekstremistami. Ale tež w napřećiwnym politiskim hibanju zwěsćichu zastojnicy wěsty wosobowy potencial, tutón wučinja dokładnje 890 wosobow, je to 40 wjace hač hišće 2021.
