Njebjelčicy (SN/JaW). Iniciatiwa Serbski sejm chce kubłansku a kulturnu awtonomiju Serbow. To wuchadźa z medijoweje zdźělenki, w kotrejž připowědźeja iniciatiwnicy prěni serbski kubłanski wjeršk. A tón ma so 14. januara 2017 w Budyskim Kamjentnym­ domje wotměć.

Za přičinu, awtonomiju docpěć, ma iniciatiwa „dramatiski spad wšědneho nałožowanja serbskeje rěče“ a jeje nimoměry wulku „wažnosć jako identitu tworjacy stołp našeho ludu. Njesměmy so dlěje komdźić, wosud serbskeho zhromadźenstwa runje w tymle wobłuku sami postajeć.“.

Wjeršk ma być składnosć, njedostatki mjenować, mysle polěpšenja předstajić a puće rozrisanja formulować. Zajimcy móža tuž hižo swoje pozicije organizatoram pod připósłać. Jako nastork do diskusije předleži poziciska papjera předsydy Drježdźanskeho towar­stwa Stup dale dr. Handrija Kluge. Do diskusije na wjeršku zapřijeć chcedźa sejmikarjo wšelakorosć nahladow wšěch potrjechenych, nimo dźěći mjez druhim tež staršich, wučerjow, šulskeho towarstwa a Domowiny.

Nadrobniše informacije:

Medijowa zdźělenka Serbski sejm.pdf

Positions-Papier_Pädagogen_Deutsch.pdf

Papjera_Pedagogojo_Dolnoserbsce.pdf

Papjera_Pedagogojo_Hornjoserbsce.pdf

Bórze budźe móžno internetnje serbšćinu wuknyć a so w njej wukmanić

Załožba za serbski lud spěchuje hač do kónca lěta 2018 wosom projektow digitalizacije. Za to maja hišće nimale dwaj milionaj eurow, informujetej naměstnica direktora Załožby za serbski lud Michaela Mošowa a zamołwita sobudźěłaćerka za nałožowanje serbskeje rěče w nowych medijach Maria Untchowa. Sumu dźěla sej Zwjazk z 255 000 a Swobodny stat Sakska z 250 000 eurami wob lěto kaž tež Kraj Braniborska z 89 000 eurami na lěto 2017 a 72 000 eurami na 2018.

„Serbski Budyšin“

Z cyłkownje sydom lětsa zapodatych projektow, serbšćinu digitalizować, załožba jenički spěchuje. Je to online-projekt „Serbski Budyšin“, přewodnik po sprjewinym měsće k serbskim stawiznam. Zapodał bě jón Bosćij Benada. Kóšty: 58 000 eurow hač do lěta 2018. (Spěchowanje jednotliwych projektow namakaće w pódlanskej tabulce.) Na naprašowanje k aktualnemu stawej so Budyšan njewupraji. „Projekt je w procesu“, bě jenički komentar.

Kontrola a korpus

Hakle lětsa spočatk februara su dźěćom Šule Ćišinskeho w Pančicach-Kukowje pitnu studničku přepodali. Wot wčerawšeho maja tam dalšu nowosć, za kotruž su so znowa starši angažowali.

Pančicy-Kukow (SN/MWj). Na swój nowy zahrodowy domčk na dworje „Šule Ćišinskeho“ w Pančicach-Kukowje su so holcy a hólcy najskerje hižo zwučili. Hižo w nazymskich prózdninach běchu jón starši tam natwarili. Wčera připołdnju pak bě nětko wulki wokomik, zo móžeše jón šulska nawodnica Jadwiga Čižankowa k wužiwanju přepodać a so při tej składnosći pomocliwym staršim za jich prócu dźakować.