„Vergiss!Mein!Nicht!“ je titul wosebiteje akcije towarstwa Krajna ...
Krótkopowěsće (20.03.25)
Wjac mzdy za přistajenych LEAG
Choćebuz. 7 200 sobudźěłaćerjow LEAG dóstanje w dwěmaj kročelomaj hač do klětušeho 1. februara zwyšenje mzdy wo 7,5 procentow. Čłonojo dźěłarnistwa IGBCE, kotrež je wuslědk w jednanjach z koncernom přesadźiło, móža so přidatnje nad 1 000 eurami wjeselić. Dale smědźa rozsudźić, hač chcedźa klětu přidatnej płaćenej wólnej dnjej abo 500 eurow přiražki wot dźěłodawarja přijimać.
Nowa ideja za wobchad na A4
Budyšin/Zhorjelc. Měšćanosća a wjesnjanosća Hornjeje Łužicy su sej stajny zakaz přesćahowanja za šoferow nakładnych awtow na awtodróze A4 mjez Drježdźanami a Zhorjelcami žadali. Sakski zwjazk městow a gmejnow we wokrjesomaj Budyšin a Zhorjelc je žadanje w lisće krajnej direkciji Sakskeje sposrědkował. Tajki zakaz by prěnja a realistiska kročel přećiwo přećeženju awtodróhi była.
Namołwa knježerstwu
Policija (19.03.25)
Do cyrkwje so zadobyli
Chrósćicy. Njeznaći su so njedźelu popołdnju, mjez 15 a 18 hodź., do cyrkwje w Chrósćicach zadobyli. Podarmo spytachu skućićeljo z namocu cyrkwinsku jałmožnicu rozłamać. Wěcna škoda, kotruž su zawostajili, wučinja po tuchwilnym pohódnoćenju 200 eurow. Paduši pokradnychu mjenujcy něhdźe 100 eurow hódny wołtarny křiž. Policisća su na městnje slědy zawěsćili. Kriminalna słužba Kamjenskeho policajskeho rewěra je přepytowanja přewzała.
Na dźěćacy kružk a BBQ
Trajne rozrisanje namakać
Udo Witschas w Sakskej statnej kencliji žadanja wokrjesow znazornił
Budyšin (SN). Napjateje financneje situacije Budyskeho wokrjesa dla je so krajny rada Udo Witschas (CDU) hromadźe z předsydomaj frakcijow Budyskeho wokrjesneho sejmika minjeny pjatk ze sakskim ministerskim prezidentom Michaelom Kretschmerom (CDU) a financnym ministrom kraja Christianom Piwarzom (CDU) w Sakskej statnej kencliji zešoł. Zaměr rozmołwy bě, konstruktiwne a do přichoda kmane rozrisanje za financne wuhotowanje sakskich wokrjesow namakać.
„Smy znowa swoju dramatisku financnu situaciju znazornili a swoje žadanja na sakske knježerstwo potwjerdźili“, podšmórny krajny rada zawčerawšim w nowinarskej zdźělence. Mjez druhim žadaše sej přidatne financielne srědki za přichodnej lěće, naslědne přiměrjenje sakskeho financneho wurunanja wot lěta 2027 jako dołhodobny stabilny financny zakład za wokrjesy, kaž tež wjetšu financnu podpěru hladajo na winowatosće wokrjesow w socialnym wobłuku, kotrež wone w nadawku Zwjazka a kraja přewozmu.
Kupjel w Porchowje wutwarja
Porchowska kupjel pod hołym njebjom je jedna z najwoblubowanišich w Budyskim wokrjesu. Loni wopyta ju dohromady 36 000 kuparjow. Gmejna chce kupjel nětko dale wuwić a wutwarić.
Porchow (UM/SN). Z ličbami wopytowarjow Porchowskeje kupjele so ani kupjel w susodnych Biskopicach, ani Sprjewina kupjel w Budyšinje, ani Kumwałdska kupjel měrić njemóža. Gmejna Porchow chce ju nětko modernizować a wutwarić. Za to je wobtwarjenski plan naćisnyła. Po tutym natwarja na sewjernym dźělu parkowanišća dźesać campingowych móžnosćow. Dotal wužiwaja přestrjeń jenož jako přidatnu parkowansku móžnosć w padźe wulkeho nawala wopytowarjow. „Hódnoty imisijow na parkowanišću su hladajo na nowy zaměr wužiwanja moderatne, tež dodźerženje nócneho měra za hosći zaručimy“, rěka w planje. Hladajo na wysoku potrjebu energije a na wysoke wudawki w zwisku z tym, instaluja a wužiwaja w přichodźe w kupjeli fotowoltaikowu připrawu. Nimo toho chcedźa zamołwići za wopytowarjow nabiwanske stacije za e-biki natwarić.
Hižo trěći raz zwučowachu Budyscy wohnjowi wobornicy zhromadnje z ...
Krótkopowěsće (19.03.25)
LND so w Lipsku předstajiło
Lipsk. Jednaćel Ludoweho nakładnistwa Domowina (LND), Syman Pětr Cyž, je dźensa na nowinarskej konferency w Lipšćanskim Domje knihow prezentaciju serbskeho nakładnistwa za knižne wiki 27. do 30. měrca předstajił. Dźensniši termin z 30 nakładnistwami je zaso krajny zwjazk bursoweho towarstwa knihikupstwa w Němskej jako platformu nakładnistwa medijam wuhotował.
Požadanje Łužicy w Brüsselu
Drježdźany/Brüssel. Zastupjerjo komunalneho Łužiskeho koła a statnaj sekretaraj Thomas Kralinski (Sakska) a dr. Friederike Haase (Braniborska) su wčera w Brüsselu EU požadanje regiona wo prěni Net Zero Valley přepodali. EU-komisar Stéphane Séjourné wočakuje, zo budźe Łužica prěni region Europy, kiž wustorkowanje wuhlikoweho dioksyda tak redukuje, zo klimje hižo nješkodźi.
Kónc za „Swobodnu Europu“?
Dobyćerjo wubědźowanjawo najrjeńše serbske jutrowne jejko
wóskowanje wjacebarbne
1. Bettina Borcherding, Rahden
2. Sandra Siegert, Lawalde
3. Marja Šefrichowa, Njebjelčicy
wóskowanje jednobarbne
1. Bettina Borcherding, Rahden
2. Sandra Siegert, Lawalde
3. Beatris Sachse, Mikow
bosěrowanje wjacebarbne
1. Ines Trenschel, Allendorf Lumda
2. Beatris Sachse, Mikow
3. Bettina Borcherding, Rahden
3. Sylke Roßbach-Schreier, Choćebuz
bosěrowanje jednobarbne
1. Vanessa Trenschel, Allendorf Lumda
2. Ines Trenschel, Allendorf Lumda
3. Beatris Sachse , Mikow
škrabanje
1. Andrea Hertel , Weimar
2. Vanessa Trenschel, Allendorf Lumda
wužrawanje
1. Sylke Roßbach-Schreier, Choćebuz
2. Bruno Schreier, Choćebuz
3. Helena Palmanowa, Budyšin
připóznawanske myto
Horst Fabian, Drježdźany
wóskowanje wjacebarbne
Kornelia Thor, Lipsk
wóskowanje wjacebarbne
Sabine Modsching, Wojerecy
wóskowanje wjacebarbne
Friederike Zobel, Kamjenc
wóskowanje wjacebarbne
spěchowanske myto
Linda Trenschel, Allendorf Lumda
bosěrowanje wjacebarbne
Lisa Sachse, Mikow
bosěrowanje jednobarbne
Jana Paulik, Miłoćicy
Přednošuje wo hudźbje
Budyšin. Sekcija hudźba Maćicy Serbskeje přeprošuje na swoje přichodne zarjadowanje. Wone wotměje so srjedu, 19. měrca, w 19 hodź. w sydarni Budyskeho Serbskeho domu. Měrko Šołta přednošuje wo temje „Interpretaciske tradicije wuměłskeje serbskeje wokalneje hudźby“. Přednoškej přizamknje so rozmołwa.
Dźěło zarjada zeznać
Wojerecy. Składnostnje dnja strowotniskeho zarjada předstaji so strowotniski zarjad Budyskeho wokrjesa srjedu, 19. měrca, we Wojerowskim Łužiskim centeru zjawnosći pod hesłom „Koho stara strowota wobydlerjow Budyskeho wokrjesa?“. Wot 10 do 16 hodź. poskićeja zamołwići zajimcam wotměnjawy program. Dorosćeni móža na přikład swoje znajomosće prěnjeje pomocy wupruwować, swój šćěpjenski wupokaz kontrolować abo strowotny staw swojich woči přepruwować dać. Štóž 100 mililitrow čisteje wody sobu přinjese, móže jeje kwalitu zwěsćić dać. Tež za dźěći změja wšelake poskitki. Zarjadowanje je darmotne.
B 6 blisko Biskopic bórze zawru
