Lisćiki za Bonnie Tyler dobyć
Kamjenc (SN). Wosebite koncertne dožiwjenje změja wopytowarjo 8. julija na Kamjenskej Pastwinej horje. Tam wustupi wuspěšna a znata rockowa spěwarka Bonnie Tyler. Z kapału a ze swojim njezaměnliwym škropawym hłosom prezentuje wona wšitke swoje hity, kaž „Total Eclipse of the Heart“ abo „Holding out for a hero“, ale tež produkcije z aktualneho albuma „Rock & Honey“, kotryž je wuběrna měšeńca mjez poradźenymi rockowymi spěwami a wulkimi baladami. W připowědźi koncerta mjez druhim rěka, zo je Bonnie Tyler kaž słódne wino: čim starše, ćim lěpše.
Lisćiki za Kamjenski koncert dóstanu zajimcy internetnje pod www. eventim. de abo we wšitkich znatych předpředawanišćach. Telefoniske skazanki su móžne pod čisłom 01806/ 570 070.
Za koncert na Pastwinej horje móža čitarjo Serbskich Nowin pjeć króć dwaj zastupnej lisćikaj dobyć. Štóž chcył je měć, njech zazwoni jutře, srjedu, wot 10 do 10.30 hodź. do redakcije SN, a to pod telefonowym čisłom 03591/ 577 232.
Stary znaty a młoda kapała na šlagrowej nocy
Njeswačidło (LR/SN) Tež třinata šlagrowa nóc minjenu sobotu w Njeswačanskim parku bě zaso połny wuspěch. Něhdźe 2 000 hosći wopyta woblubowane zarjadowanje, kotrež bě znowa Njeswačanske sportowe towarstwo Módro-běli wuhotowało. W předprogramje předstaji so druhi raz hudźbna band Rakečanskeje Pawołskeje šule, kotraž žněješe wulki aplaws. Znata šwicarska moderatorka a spěwarka Linda Fäh zanjese swoje hity jako prěnja na jewišću. Hižo tu bě publikum zahorjeny. Mjeztym zo wona fanam awtogramy dawaše, zaspěwa Frank Schöbel swój prěni šlager. Nalada wopytowarjow so při jeho znatych hitach dale a bóle stopnjowaše. Rodźeny Lipšćan spěwa hižo dlěje hač pjeć lětdźesatkow. Jeho muzikaliskosć, mnohotnosć a přirodne wašnje publikum přeswědčichu. Donětka je wón wjace hač 350 spěwow skomponował.
Policija (20.06.17)
Z kolesom do nakładneho awta
Mučow. Njekedźbliwosće dla je so zawčerawšim popołdnju młoda holca w Mučowje zraniła. 16lětna bě we wsy z kolesom po puću, jako wona parkowace nakładne awto přewidźa. Kolesowarka zajědźe do zadnjeho dźěla jězdźidła a padny. Při tym zrazy z hłowu wo nakładowansku płoninu. Zranjenu młodostnu dowjezechu z chorobnym awtom do kliniki. Wěcna škoda při njezbožu žana nastała njeje.
„Plata“ nětko atraktiwniša
Na Budyskich Žitnych wikach móžeš samo šach hrać
Budyšin (SN). Na Žitnych wikach w Budyšinje njenańdźeš jenož wěžu, ale po najnowšim tež skakarja, krala, burika a dalše figury. Minjeny pjatk su tam wuslědki nowowuhotowanja a twarskich změnow předstajili.
Hromadźe z iniciatiwu Angažowane město a z hosćencarjom bageterije bě sej měšćanske zarjadnistwo zaměr stajiło, přebywansku kwalitu na Žitnych wikach polěpšić. Za to je wobdźělenska a wobhospodarjenska towaršnosć (BBB) meble k posydnjenju ponowić dała, tak zo je dosć móžnosćow wotpočnyć. Přichodne tydźenje maja tež zaso stólcy na naměsće stać. Dokelž je tuchwilu tohorunja ponowjeja, su tam jako narunanje dwě ławce stajili. Dalše móžnosće k posydnjenju maja pod lipami nastać.
Serbska biblija najdrohotniša
Kaž w dowolowym času z wašnjom, chcemy tež lětsa na tymle městnje stajnje wutoru a štwórtk wosebitu seriju wozjewjeć. W njej předstajamy wosobiny, kotrež na někajkežkuli wašnje stawizny zachowuja, zo starožitnosće zběraja a je zdźěla zjawnosći spřistupnjeja. Dźensa seriju zahajamy.
W Sernjanach je sej 54lětny Stefan Herman w tykowanym domčku na swojej ležownosći zarjadował móhłrjec mały muzej z jónkrótnymi sakralnymi hódnotami.
Stefan Herman narodźi so we Wotrowje. Wot časa dźěćatstwa zajimowaše so za starožitnosće. Hačrunjež njeměješe mać zrozumjenje „za tón stary čapor“, je sej wón hižo w tym času znosył wjele zajimawych a hódnych eksponatow. Tomu wosta tež jako wučomnik w Budyskej wagonowni swěrny runje tak kaž pozdźišo, jako dźěłaše hač do přewróta na kuble klóštra Marijineje hwězdy.
9. lětnik Worklečanskeje wyšeje šule je so wčera na 48hodźinskej ...
Krótkopowěsće (19.06.17)
Wučerjow w Bayerskej nawabić
Drježdźany. Wot přichodneho šulskeho lěta chcedźa wučerjow z Bayerskeje do Sakskeje přiwabić. Na to stej so zwjazkowej krajej dojednałoj, sakska kultusowa ministerka Brunhild Kurth (CDU) zdźěli. Nawabić chcedźa studentow wučerstwa, kotřiž nimaja w Bayerskej wuhlady na přistajenje. Přichodny tydźeń ma so wotpowědna wabjenska akcija zahajić.
Nadpady politisce motiwowane
Lipsk. Zapalerske atentaty na železniske čary po wšej Němskej steja po posudku operatiwneho wotwobaranskeho centruma w zwisku z wjerškom G 20 w Hamburgu. Dotal su dwanaće nadpadow w Sakskej, Berlinje a druhdźe registrowali, mjez druhim w Lipsku. Zapalerske atentaty su dźensa rano železniski wobchad masiwnje haćili.
Bosch chce w Sakskej twarić
Při pěskowej jamje so paliło
Dychansku techniku trjebaja
Dźěwin (AK/SN). Dźěwinska gmejna chce wjacore dróhi a kolesowanske šćežki saněrować. Na swojim zašłym posedźenju gmejnscy radźićeljo wjesnjanostu Helmuta Krawca (SPD) woprawnichu, nadawki najlěpšim poskićerjam rozdawać. Wuměnjenje je, zo su spěchowanske srědki přizwolene. Saněrować matej so kolesowanskej šćežce při Dźěwinskim lěsnym jězorje (Čorny puć) a ze Slepoho do Brězowki. Tole spěchuja po wšěm zdaću z 21 000 eurami z programa za spěchowanje komunalnych dróhow a mostow. To wotpowěduje 90 procentam cyłkowneje twarskeje sumy. Zbywace dźesać procentow, něhdźe 2 100 eurow, płaći gmejna ze swójskeje kasy.
Komuna chce tohorunja dalšu dróhu w Brězowce saněrować. Tam ma so powjerch puća ponowić, štož płaći 59 000 eurow. Swobodny stat Sakska naprawu z 75 procentami spěchuje. 25 procentow wučinja podźěl gmejny.
Policija (19.06.17)
14 zranjenych při njezbožu
Wochozy. Ćežke wobchadne njezbožo je so wčera dopołdnja na zwjazkowej dróze B 156 při wotbóčce do Wochoz stało. 77lětny chcyše ze swojej Hondu z hłowneje dróhi nalěwo wotbočić. Z dotal njeznateje přičiny tři wosobowe awta wotzady do njeje zajědźechu. Wodźer napřećo přijěduceho Forda Transit je tohorunja kontrolu nad wodźidłom zhubił, zrazy do Hondy a so zwróći. Dwě wosobje so ćežko zraništej, dwanaće snadnje. Helikopteraj dowjezeštej ćežkozranjeneju do chorownje, tamnych zastarachu na městnje.
