Prěni raz z winowej kralownu
Pěskecy (JH/SN). Hłownaj iniciatoraj třećeho winoweho swjedźenja w Pěskecach Křesćan Bejmak a Fabian Korjeńk běštaj sobotu wječor samaj překwapjenaj, jako přidruži so jimaj po witanju hosći něhdyši Njebjelčanski farar Michał Brězan. Wostrowčan bě zhromadnje z Wojerowčanom Křesćanom Bulankom do Pěskec přijěł a dwójku Korjeńk/Bejmak z wosebitym namjetom překwapił. „K winowemu swjedźenjej słuša tola winowa kralowna w rjanym šaće, abo?“, rjekny duchowny na wuměnku předsydźe Sportoweje jednotki Pěskecy Fabianej Korjeńkej. A njetraješe dołho a prěni muž na čole Pěskečanskich sportowcow ćehnješe jako paža předrasćeny z winowej kralownu Michaelu I. do wulkeho swjedźenskeho stana. Wobaj so pokłoništaj, sej winko připištaj a hosćom pod nawodom akordeonista Floriana Bejmaka serbski walčik „Hanka, budź wjesoła“ zarejowaštaj.
Wjele přihladowarjow přichwata wčera do Dubrjenka na tak mjenowane ...
Začuće njewěstosće
Dwě třećinje dočasny kónc brunicy nochcetej
W srjedźišću wuslědkow Łužiskeho monitora 2023 steji dale energijowy přewrót. Jako přewodnik změny strukturow zwobraznja lětuše woprašowanje 1 022 wosobow w sakskich a braniborskich wokrjesach, zo wjetšina zaměry energijoweho přewróta dale zdźěla.
Kwětanecy/Drježdźany (SN/at). Přihłosowanje k zaměram energijoweho přewróta je z 49 procentami porno 2022 (44 proc.) zaso přiběrało. Z „ně“ je 36 proc. hłosowało (-1), „njewěm“ poda 15 proc. (-4). Dotal najwjetše přihłosowanje 57 proc. a zdobom najmjeńše wotpokazanje 26 proc. zwěsćachu 2021. Přiběrało je wosobinske přihłosowanje za wobnowjomne energije; za prěni raz podaty zeleny wodźik hnydom na 68 proc., biomasu na 74 proc. (+2), wětrowu energiju na 66 proc. (+6). Konstantnje podpěruje 87 proc. solarnu energiju a 76 proc. zemsku ćopłotu. Nimo zeleneho wodźika, kiž bě prěni raz podaty, wostanu „ně“-ličby podobne niwowej minjenych lět.
Krótkopowěsće (28.08.23)
Noweho wjesnjanostu wolili
Trjebin. Z nimale 98 procentami su Trjebinjenjo wčera 35lětneho Roberta Sprjejca (Trjebinske wolerske zjednoćenstwo) jako noweho wjesnjanostu gmejny wuzwolili. Wón běše jenički kandidat na wólbnej lisćinje. Dotalny wjesnjanosta Waldemar Locke, běše lětsa w februarje po šěsć lětach swoje zastojnstwo strowotnych přičin dla złožił.
Kónc awgusta twornju zawru
Niska. Insolwentna wagonownja w Niskej zawod přichodny štwórtk zawrěje. Přistajeni a dźěłarnistwo IG metal su měsacy wo zachowanje twornje wojowali. Słowakski wobsedźer Tatravagónka pak je insolwencu přizjewiła. Insolwencny zarjadnik zdźěli, zo nimaja w Niskej hižo žane nadawki. Něhdźe 200 dźěłaćerjow chcedźa wot septembra na štyri měsacy w přechodnej towaršnosći přistajić.
Wićaz z delegaciju w Chinje
Policija (25.08.23)
W Budyšinje so paliło
Budyšin. Na Budyskej Pawoła Njekowej dróze je so dźensa rano třěcha wjaceswójbneho domu paliła. Hišće dźensa dopołdnja su tam wohnjowi wobornicy płomjenja hašeli, tak zo njemóžeše so woheń dale po domje a susodnych twarjenjach wupřestrěć. Wšitcy wobydlerjo domu móžachu so sčasom wuchować. Dohromady bě sto zasadźenskich mocow Budyskeje wohnjoweje wobory a wjesnych wohnjowych woborow, wohnjoweju woborow Biskopicy a Wjelećin kaž tež zasadźenske skupiny policije a wuchowanskeje słužby na městnje.
Start za wjetšu prezencu
Budyšin. Pod hesłom „Smój wróćo“ wotewrětaj Rebekka a Aron Rauschhardt pjatk, 1. septembra, wosebitu wustajeńcu w Kamjentnym domje w Budyšinje. Přehladka wopřijima nimo mólbow tekstilowe wuměłstwo a skulptury. Jeje titul je pokazka na „wotpohlad wuměłcow, powyšić přichodnje prezencu w regionje, a wědomje wuzwolene wustajenišćo je jimaj wšo druhe hač cuze“. Wernisaža započnje so w 19 hodź.
Grilowanje Astrocentruma
Konjecy. Zamołwići planowaneho wulkoslědźenišća „Astrocentruma Łužica“ tež lětsa wšěch zajimcow na bjesadu při róžni přeprošuja. Srjedu, 30. žnjenca, wot 17.30 hodź. na arealu towarstwoweho domu w Konjecach móža so wobydlerjo regiona wo stawje wuwića přichodneje hospodarskeje swětłownje serbskeje Łužicy informować. Skupina wědomostnikow steji za prašenja a rozmołwy k dispoziciji. Mjez nimi staj prof. Christian Stegmann a designowany załoženski direktor Astrocentruma, prof. Günther Hasinger, dotal direktor za wědomosć europskeje swětnišćoweje organizacije ESA.
Stary nałožk dale pěstuja
Nadawki firmam přepodali
Nowa pěstowarnja radźićelow gmejny Ralbicy-Róžant zaběra
Róžant (JK/SN). Na wčerawšim posedźenju gmejnskeje rady gmejny Ralbicy-Róžant chcychu radźićeljo dalše twarske nadawki na firmy nastupajo nowotwar Ralbičanskeje pěstowarnje přepodać. K tomu běchu krótkodobnje přehlad dotalnych a tučasnych wudawkow gmejny dóstali, kotrež hižo nětko planowane wudawki přesahuja. Tohodla žadaše sej radźićel Tomaš Bjeńš (swobodni Delanscy wolerjo), zo dóstanu radźićeljo aktualny přehlad planowanych a woprawdźitych wudawkow, dokelž njemóže dalšim nadawkam přihłosować, hdyž njeje znate abo wěste, kak so přidatne wysoke wudawki financuja. Z teje přičiny žadaše sej wón dalši dypk na dnjowym porjedźe, zo by radźićel a zastupjer Sakskeje agentury za wuwiće strukturow (SAS) Dieter Peschel jim modality a wobsah spěchowanja kaž tež dalše financowanje gmejnskeho projekta rozjasnił. To tutón tež potom činješe z tym, zo wopodstatni, zo njeje gmejna jenička, kotraž ma z přidatnymi wyšimi wudawkami za nowotwar pěstowarnje wojować.
Swjeća z pisanym programom
Halštrow (SN/MG). „Wotkryj sej swoje město – domizniski swjedźeń składnostnje 775 lět Halštrowa“. Pod tutym hesłom swjeća wobydlerjo wot 25. do 27. awgusta narodniny swojeho městačka. Pisany program je sebi swjedźenski komitej kołowokoło Gisele Seidel wumyslił. Nimo wustajeńcow a wodźenjow po měsće čakaja na wopytowarjow tež wšelake koncerty. Tak zapiska sobotu wječor kapała Sächserpack zhromadnje ze skupinu STAFF & Guests. Njedźelu potom hraje Red Tower bigband.
