Runja lońšemu lětu su so seniorojo Worklečanskeje dnjoweje hladarnje „Při Krabatowym puću“ tež lětsa na zhromadny wulět podali. Minjene dny tak daloko bě. Na zachodne durje našeje dnjoweje hladarnje napisachmy rano cedlu, na kotrež steješe „Smy sej wulećeli. Jutře smy zaso tu!“.

Jako we Worklecach wotjědźechmy, běchu wobdźělnicy z prawom wćipni, wšako bě cil našeje wuprawy překwapjenka. Naš puć wjedźeše po rjanej łužiskej krajinje do Biskopic. Naš cil bě tamniši zwěrjenc. Wón njeje přewulki a tuž dosć přewidny, přiwšěm móžeš sej tam wjele rjaneho wobhladać. Při zachodźe na nas hižo młoda žona čakaše, zo by nas po Biskopičanskim zwěrjencu přewodźała.

Smjerdźaca. Wot wšeho spočatka wobstaća Smjerdźečanskeho serbskeho ­kubłanskeho srjedźišća LIPA přewjeduja tam staršisko-dźěćacy kruh. Po tym zo je Serbske šulske towarstwo nošerstwo ­LIPY přewzało, tule tradiciju pokročuja. Wot februara tohole lěta maja młodźi starši ze swojimi dźěćimi w žłobikarskej starobje zaso móžnosć so w Smjerdźacej zetkawać. Mjez druhim tam zhromadnje spěwaja, rejuja a so druhim zaběram ­wěnuja. Nimo toho móža so starši wo kubłanskich prašenjach dorozumić, swoje nazhonjenja wuměnjeć a so mjez sobu wo tym a tamnym informować.

Stróža (SN). Z fotowym wubědźowanjom pod hesłom „Štyri počasy, sto dožiwjenjow – biosferowy rezerwat w fokusu“ zarjadnistwo biosferoweho rezerwata Hornjołužiska hola a haty wobydlerjow a hosći přeprošuje, za nich wosebite a typiske motiwy z terena rezerwata z kameru zapopadnyć. Wobdźělenje je hač do 30. julija 2023 móžne. Zajimcy njech zapodadźa hač do štyri motiwy. Tež fota z archiwa su móžne, přetož wotbłyšćować maja so zaćišće ze wšitkich štyrjoch počasow. Wobdźělnicy měli skrótka rozłožić, što jich z městnosću na wobrazu zwjazuje a čehodla wobraz zhromadnosć mjez čłowjekom a přirodu zapopadnje.

We wosebitej wustajeńcy w Stróžanskim Domje tysac hatow budu wopytowarjo wot 1. do 17. septembra swojeho ­faworita wupytać móc. Tež online hodźi so potom wothłosować. Dwanaće motiwow z najwjace hłosami wužiwaja za nasćěnowu protyku, kotraž ma 2024 k 30lětnemu wobstaću biosferoweho rezerwata wuńć. Dwanaće dobyćerjow mytuja stajnje ze sto eurami. Nadrobniše informacije dóstanu zajimcy pod .

Lessingowe město trjeba wodźerjow – tež serbskorěčnych

Kamjenc (SN/MWj). Na wšelakore wašnje přihotuje so město Kamjenc na 800. róčnicu prěnjeho naspomnjenja, štož chcedźa 2025 z wobšěrnym programom wo­swjećić. Dokelž w jubilejnym lěće wosebje wjele wopytowarjow wočakuja, pytaja hižo nětko zajimcow, kotřiž móhli potom skupiny turistow po měsće wodźić a jim jeho wosebitosće zbližić. „Měšćanski wodźer njeje jenož profesionelny posłužbowar w turizmje, ale tež reprezentant ­swojeho města“, měni Bernd Moschke. Wón hižo 20 lět wopytowarjow po Kamjencu wodźi. Před lětomaj běchu z nim čłonojo Domowinskeje skupiny Pančicy-Kukow po Kamjenskich hasach po puću.