Předsyda Domowiny z čěskim wulkopósłancom so zetkał
Drježdźany (SN). Na přeprošenje wulkopósłanca Čěskeje republiki Jiříja Čisteckeho wobdźěli so předsyda Domowiny Dawid Statnik minjenu srjedu na přijeću w Drježdźanach. To běše prěni wopyt wulkopósłanca w Sakskej, na kotrymž so dohromady dźewjeć zastupjerjow z hospodarstwa, politiki a wědomosće wobdźěli. Wot lońšeho 23. oktobra je Jiří Čistecký społnomócnjeny wulkopósłanc Čěskeje w Němskej.
Dołholětne serbsko-čěske styki su Serbam na mnohich polach wužitne. Tak spěchuje Čěska na přikład jedne wučerske městno za wuwučowanje čěšćiny na serbskich šulach. We wosobinskej rozmołwje z wulkopósłancom pokaza předsyda Dawid Statnik na wažnosć Łužiskeho seminara w Praze jako sydło Towarstwa přećelow Serbow a Sakskeho zastupnistwa a dźakowaše so wulkopósłancej zastupujo za podpěru Čěskeje. Njebě to prěnje zetkanje wulkopósłanca ze Serbami. W swojej něhdyšej funkciji jako referent wonkowneho ministerstwa je Jiří Čistecký tehdyšeho čěskeho wonkowneho ministra Karela Schwarzenberga w lěće 2012 na wopyće w Budyšinje přewodźał.
Wólby Domowinu sylnje zaběrali
Lěto bě za Domowinu, zastupjerku serbskich zajimow, jara turbulentne. Komunalne a europske wólby, kaž tež wólby do krajneju sejmow Sakskeje a Braniborskeje běchu jedne ćežišćo politiskeho dźěła třěšneho zwjazka.
Budyšin (SN/BŠe). W swojim prócowanju wokoło wólbow krajneju sejmow Braniborskeje a Sakskeje je Domowina Serbow namołwjała, prašenja za wólbne kopolaki zapodać, kotrež je potom zastupjerjam demokratiskich stronow dale sposrědkowała. Dale je w Hornjej a Delnjej Łužicy wólbne forumy přewjedła. W dalšich rozmołwach je zamołwitym wšelakich politiskich stronow w Braniborskej a Sakskej naležnosće serbskeho ludu sposrědkowała. Wuspěch tutych prócowanjow je, zo buchu serbske zajimy w koaliciskimaj zrěčenjomaj Braniborskeje a Sakskeje wobkedźbowane, kaž na přikład zaručenje financowanja Załožby za serbski lud abo připowědźene zakótwjenje sorabistiki na BTU Choćebuz-Zły Komorow.
Hotuja so na schadźowanku dźiwadźelnikow
Sulšecy (SN/BŠe). Towarstwo Bratrowstwo Kulowskeje wosady zhladuje na wuspěšne lěto 2024. Wo tym přeswědčić móžachu so hosćo lětnjeho swjedźenja minjenu sobotu w Sulšecach, hdźež dožiwichu přitomni premjeru dźěćaceho dźiwadła. Loni su so dźěći jedyn kónc tydźenja w Kulowje a Sulšecach z bajkami a bajemi rozestajeli. Pod nawodom předsydki towarstwa Sonje Hrjehorjoweje, Susan Domanjoweje a Křesćana Schrötera su cyłkownje sydom dźěći tři tematiske wobłuki wupytali, kruchi nadźěłali a nazwučowali. Woni wěnowachu so připołdnicy, lišce a wjelkej kaž tež Krabatej. Wobsah su trochu modernizowali“, Sonja Hrjehorjowa rozkładźe. Zaměr dźěćaceje dźiwadłoweje skupiny je, so jónu wob tydźeń zetkać a wšelke inscenacije nazwučować. Dalši zajimcy su lubje witani. „Tohorunja chcemy so prěni króć na šulerskim swětowym dnju dźiwadła w Budyšinje wobdźělić.“
Na slědach Serbow w Praze pobyli
Župy wšě srědki wučerpali
Prezidij Domowiny Dianu Šołćinu do krajneje kubłanskeje rady powołał
Budyšin (SN). Posledni raz lětsa su so wčera čłonojo prezidija Domowiny zešli a hišće personelne rozsudy tworili. Tak ma Diana Šołćina, nawodnica Worklečanskeje Serbskeje wyšeje šule, Serbow w Krajnej kubłanskej radźe Sakskeje w dobje wot klětušeho měrca hač do kónca februara 2027 zastupować. Jako jeje zastupjerja powoła prezidij Bena Hojerja, kiž je naměstnik Šołćineje na kubłanišću we Worklecach. Wo tym su so ze Serbskim šulskim towarstwom wothłosowali. Krajna kubłanska rada poradźuje kultusowe ministerstwo. W radźe su wučerjo, starši, šulerjo a wědomostnicy zastupjeni.
Dom měł w serbskich rukach wostać
Čłonojo župneho předsydstwa župy „Jan Arnošt Smoler“ wuradźowachu wčera wo klětušich župnych projektach. Zdobom dźěše wo přichod domu „Měrćina Nowaka-Njechorńskeho“.
Ikona serbskeho wolejbula
Dohromady dźesać zasłužbnych Serbow je Domowina lětsa z Čestnym znamješkom mytowała. Tule chcemy Wam kóždeho z nich bliže předstajić.
Wosebity talent za hudźbu
Dohromady dźesać zasłužbnych Serbow je Domowina lětsa z Čestnym znamješkom mytowała. Tule chcemy Wam kóždeho z nich bliže předstajić.
Judith Škodźina z Pančic-Kukowa je wusahowaca wosobina w serbskim ludźe, kotraž je wosebje aktiwna na narodno-kulturnym a -nabožnym polu. Runje tak ma wosebity talent we wobłuku hudźby. Hižo zahe pokaza zajim a talent za hudźbu. Wona je swěrna čłonka spěwneje skupiny „Přezpólni“. Wustupy ćělesa prawidłownje na huslach přewodźa. Tež z chórom Lipa je wusko zwjazana. Na hodownych nyšporach w Róžeńće hižo wjacore lěta w smyčkowym kwarteće hraje. Zdobom je tež za někotre načasne serbske šlagry sadźbu za chór napisała.
Na Serbskim gymnaziju w Budyšinje podawa wona předmjetaj serbšćinu a hudźbu. Hudźbu šulerjam wuwučować njeje za nju jenož dźěło, ale wěsta žadosć. Tak nawjeduje po šulskej hudźbje z wulkim angažementom a rozpalitosću chór dorosta. Wona spěchuje młode talenty a pozbudźuje šulerjow, swoje hudźbne kmanosće wuwiwać.
Rjaduje pokłady serbskich stawiznow
Dohromady dźesać zasłužbnych Serbow je Domowina lětsa z Čestnym znamješkom mytowała. Tule chcemy Wam kóždeho z nich bliže předstajić.
Tójšto idejow zwoprawdźił
Dohromady dźesać zasłužbnych Serbow je Domowina lětsa z Čestnym znamješkom mytowała. Tule chcemy Wam kóždeho z nich bliže předstajić.
Peter Löffler narodźi so w Choćebuskim wjesnym dźělu Zaspy. Zahe zezna serbske nałožki a tradicije kaž póstnicy, łapanje kokota, jutrowny woheń a mnoho dalšich. Jako młodźenc dožiwi młodźinske dźěło Domowiny a so rady na zarjadowanjach wobdźěleše.
