„Łužyca“ je zajimcow na zjawnu diskusiju wo přichodźe delnjoserbšćiny přepro­syła. Najwažniši wuslědk wječora minjeny štwórtk w Choćebuskim měšćanskim domje je, zo trjebamy jasny koncept.

Choćebuz (HA/SN). Diskusija wo wuslědkach ewaluacije serbskeje wučby na braniborskich šulach a scyła wo přichodźe serbskeho šulstwa a serbskeje rěče w Delnjej Łužicy dale dźe. Po tym zo su so serbske institucije a Domowina z wuslědkami ewaluacije na njezjawnym zarjadowanju spočatk apryla zaběrali a serbske wučerki a serbscy wučerjo w meji wo nich internje rěčeli, je nětko tež redakcija delnjoserbskeho telewizijneho magacina Łužyca do wažneho dialoga zapřimnyła. Něhdźe 80 ludźi bě minjeny štwórtk přeprošenje magacina na zjawnu diskusiju wuslědkach ewaluacije serbskeje wučby na šulach Braniborskeje do Choćebuskeho měšćanskeho domu sćěhowało, mjez nimi tež mnozy chowancy Delnjoserbskeho gymnazija Choćebuz a jich starši.

Hłubšo rozmyslować

štwórtk, 06. junija 2019 spisane wot:
„Jara připóznatej“ mjenowaše čłon prezidija Zwjazkoweho předsydstwa Domowiny Marcel Brauman na wčerawšej hłownej zhromadźiznje župy „Jakub Lorenc-Zalěski“ šuli w Slepom. Kajki matej kubłanišći kaž Slepjanskej wuznam za sposrědkowanje serbšćiny zwonka wobłukow tajkich z adjektiwom „serbski“ w šulskim mjenje, Brauman jako župan Wojerowskeje župy dosć derje wě. Jeho wčera wuprajena mysl, šuli kaž Slepjanskej, prawnisce runostajić z kubłanišćemi w Ralbicach, Worklecach abo Radworju, će pohnuwa hłubšo wo tym rozmyslować. Wotpowěduje dotal na někotre „serbske šule“ wobmjezowany status trěbnym prócowanjam wo zachowanje našeje maćeršćiny, abo tči za tym „Budyska“ perspektiwa, kaž to w srjedźnej Łužicy rady mjenuja? Wězo je Slepo wosebity přikład. Ale njeby status „serbski“ hladajo na tamniše popřewrótowe prócowanja wo našu maćeršćinu zdobom specifisku regionalnu identitu skrućił? Axel Arlt

Maćica Serbska w Martinje pódla

wutora, 04. junija 2019 spisane wot:

4. mjezynarodny kongres Maćicow wotměwa so hač do štwórtka w słowakskim Martinje. Tak je Matica slovenská hižo druhi raz z hosćićelku. Dalšej kongresaj běštej w Serbiskej a Słowjenskej.

Martin (Łu/SN/at). Ze swjedźenskim ga­la­programom zahaja dźensa wječor lětu­ši­ kongres zastupjerjow Maćicow w Sło­wakskim komornym dźiwadle w Martinje. „Maćicy jako kulturne towaršnosće su unikatny fenonem słowjanskich a druhich narodow, kotřiž w Europje paralele nimaja. Wone běchu cyłki potłó­čo­wanych ludow, jich róla bě narodno-defensiwna. Zdobom maja zasłužby nastupajo wuwiće kultury, literatury, wědo­mo­sće, nakładnistwowstwa a cyłko­wneho narodneho hibanja.“ To zwurazni před­syda hosćićelskeje Maticy slovenskeje Marian Gešper do kongresa. Wón powita dźensa Maćicarjow ze Serbiskeje, Słowjenskeje, Bołharskeje, Čorneje Hory, Čěskeje, Ukrainy a Ruskeje, ale tež zastu­­pjerjow Maćicy Serbskeje z Němskeje. Słowakske maćične hibanje zastupuja Matica slovenská, Matica slovenská w Ser­biskej a Regionalny kulturny cyłk Matica slovenská w Zakarpatskej, kaž hosći­ćeljo informuja.

Wuradźowanje jury wurisanja młodźinskeho dźěła „Přimaj so gratu!“ minjenu sobotu w Budyšinje bě za wšitke wobdźělene cyłki wuspěšne.

Budyšin (mk/SN). Wšitke štyri serbske młodźinske skupiny, kotrež běchu so ze swojimi projektami na lětušim wubědźowanju pod hesłom „Přimaj so gratu!“ wobdźělili, smědźachu Budyski Serbski dom minjenu sobotu z wopismom a mytom wopušćić.

Swójski namjet

pjatk, 31. meje 2019 spisane wot:

Wojerecy (JaW/SN). Župa „Handrij Zejler“ Wojerecy chce swójski personelny namjet za wólby přichodneje Rady za serbske naležnosće Sakskeje zapodać. To je předsydstwo regionalneho zwjazka srjedu wobzamknyło, kaž župan Marcel Brauman informuje. Tohorunja su rozsudźili, „žadanje ze zjednoćenstwa ‚Serbski sejm‘ za připóznaćom serbšćiny jako druheje cuzeje rěče na šulach podpěrać, kotrež oficialnje jako ‚serbske‘ klasifikowane njejsu“, rěka w zdźělence.

Dale rozprawješe Brauman wo přihotach specielnych informacijow za młode serbske swójby w zwisku z kampanju Wojerowskich měšćanskich zawodow „Město za swójby w krajinje Krabata a jězoriny“. Z njej poskića tamniša bydlenska towaršnosć swójbam nowe a wjetše komfortabelne domicile za přihódnu płaćiznu.

Po kontrowersnej diskusiji je gremij zdobom wobzamknył, naležnosć planowaneho přesydlenja Miłoraza přisłušnej Slepjanskej župje „Jakub Lorenc-Zalěski“ přewostajić a stejišćo njezabrać.

Budyšin (cyna/SN). Wčera popołdnju podachu so čłonojo towarstwa Přećeljo Smolerjec kniharnje na swojim lětnym Smolerjowym dnju na wuprawu po Budyšinje. Mjez 15 čłonami bě tež Eero Balk z Helsinkow.

Tak nóžkowachu po slědach Hańže Bjeńšoweje, kotrejež stoćiny, a Herty Wićazec,­ na kotrejež 200. narodniny lětsa spominamy. Zajimcy wopytachu městna jeju bydlenja a skutkowanja. Přewodźał je jich Handrij Bjeńš, syn Hańže Bjeńšoweje. Wón wědźeše wjele zajimaweho ze žiwjenja spisowaćelki powědać. Slědy rodźeneje Róžeńčanki namakaš mnohe, tak na Drježdźanskej dróze, hdźež bydlachu jeje mać a přiwuzni. Abo na Dźiwa­dłowej, hdźež je na bance dźěłała. Nimo toho w Serbskim domje a LND. Wšelki tekst je Bjeńšowa na Pawoła Njekowej­ dopisała. Na Delnjokinjanskej bě ju raz při pisanju z wotewrjenym woknom njetopyr wopytał. Na bliskim Marijinym kěrchowje je swój posledni wotpočink namakała.

Njeswačidło (aha/SN). Po tym zo bě lońše dalekubłanske zarjadowanje, organizowane wot městopředsydy Njeswačanskeho pčołarskeho towarstwa Při Čornicy Christiana Budera, přewšo dobry wothłós žnjało, je wón minjenu sobotu znowa pčołarjow přeprosył. Cyłkownje 36 ze Sakskeje, mjez nimi tež wjacori ze serbskich wsow, bě nětko pódla.

Mjeztym zo předsyda Krajneho zwjazka sakskich pčołarjow Tino Lorz z pčołarjemi praktisce zwučowaše, přednošowaše zasłužbny pčołar a čłon předsydstwa Rolf Schülbe na temu „Što dyrbiš při plahowanju matkow wobkedźbować?“. Pčołarjo plahuja dźensa přewažnje pčołki družiny Buckfast. Pomjenowana je wona po jendźelskim městačku blisko Devona. W tamnišim klóštrje sta so benediktinski mnich Adam Kehrle, kiž je wšelakore družiny křižował, z jednym z najpopularnišich pčołarjow nowšeho časa.

Dwór njezaparkować

wutora, 28. meje 2019 spisane wot:
Zo je zawčerawšim telko zajimcow lětuši nalětni koncert chóra Lipa w klóšterskej zahrodźe w Pančicach-Kukowje wopytało, organizatorow wězo zwjesela. To dźě je najrjeńši dźak za prócu, kotruž su Lipjenjo a jich hosćo za tele přewšo rjane hudźbne popołdnjo nałožili. Ale telko ludźi chce tež swoje awto něhdźe stajić a nochce po móžnosći předaloko nóžkować. Mnozy rozsudźichu so za wonkowny klóšterski dwór, kiž bě spěšnje połny. A to zaso wohnjowych wobornikow tak jara zwjeseliło njeje. Direktnje před jich gratownju drje žana awta njestejachu, ale někotři běchu swoje jězdźidło tak njezbožownje wotstajili, zo njebychu so kameradojo w nuznym padźe ze swojim wulkim hašenskim awtom z dwora dóstali, dokelž njemóhli nimo tamnych awtow wokoło róžka jěć. Na zbožo so w tym času ničo stało njeje. Přichodnje pak dyrbjeli wšitcy trochu na to dźiwać, zo wobornikam dosć městna wostaja. Marian Wjeńka

Nalětni zapal z přećelemi

wutora, 28. meje 2019 spisane wot:

Tradicionalny koncert chóra Lipa zaso jara wjele ludźi wopytało

Pančicy-Kukow (CRM/SN). Kóždolětny nalětni koncert chóra Lipa w klóšterskej zahrodźe w Pančicach-Kukowje je z hosćimi wosebje powabny. Lětsa přeprosy sej chór zhromadnje z Křesćansko-socialnym kubłanskim skutkom a z podpěru Załožby za serbski lud folklornu skupinu Lidová muzika z Chrastu za zhromadny openair-podawk.

Namjety za serbsku radu zapodać

pjatk, 24. meje 2019 spisane wot:

Budyšin (SN/JaW). Zwjazkowe předsydstwo Domowiny namołwja župy, čłonske towarstwa a zwjazki Domowiny kaž tež dalše serbske towarstwa a zwjazki w Sakskej, zapodać třěšnemu zwjazkej namjety za nominowanje štyrjoch kandidatow za lětuše wólby Rady za serbske naležnosće Swobodneho stata Sakskeje za dobu wot lěta 2019 do 2024. Zwjazkowe předsydstwo je zdobom wobzamknyło, zo maja wšitke namjety a trěbne podłožki za kandidaturu hač do 15. awgusta zarjadej Domowiny předležeć, kaž z nowinskeje zdźělenki třěšneho zwjazka wuchadźa. Dale dósta prezidij nadawk trěbne kroki za nominaciju kandidatow koordinować. Zwjazkowe předsydstwo planuje wo kandidatach za wólby serbskeje rady w septembru rozsudźić. Posrědkować ma namjety Sakskemu krajnemu sejmej, kotryž chce w nowembrje radu štyrjoch zastupnikow na namjet Domowiny a jednoho ze stron komunow w krajnym sejmje wolić­.

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND