Pakćiki za chude dźěći zběrali
Nadźija, zo budźe klětu lěpje, je chětro wulka
Hemankarjo maja tuchwilu wulke wužadanja zmištrować
Hermankarstwo je ćežke dźěło. Tule natwarjataj Hildegard a Rudolf Wencelec karusel.Reprodukcije: Alfons HandrikSpočatk nowembra, a to póndźelu po Worklečanskej kermuši, wottwari tam hermankar Michael Gruhl swój karusel, mějo so po płaćiwych wobzamknjenjach krajneho knježerstwa, po kotrychž bu z tymle dnjom zjawne žiwjenje dale wobmjezowane.
Dźensa 50lětny přewza njeposrědnje po towaršnostnym přewróće před 30 lětami po wšěch Serbach znatu a woblubowanu hermankowu firmu z dźěćacym karuselom a požadanymi płodami ze šokoladowej glazuru „Naschkatze“. W minjenych lětach bě kóžde lěto na něhdźe 30 městnach, na najwšelakorišich swjedźenjach a kermušach, hdźež jenož dźěći njezawjeseli, ale tež jich staršich, dźědow a wowki.
Nahubnik bě tež hižow jeho słowniku
K 75. posmjertninam słownikarja a faraja Jurja Krala
Do lětsa najčasćišo wužiwanych serbskich słowow, kotrež słušachu do toho lědma do wobstatka wšědneje serbšćiny, je nahubnik. Tutón nětko w koronapandemiji často wužiwany substantiw za škit huby a nosa nadeńdźeš hižo we wulkim „Serbsko-němskim słowniku hornjołužiskeje rěče“, kotryž je Maćica Serbska w lětach 1927 do 1931 w Budyskej Donnerhakec ćišćerni zhotowić dała. Zestajer tohole wuznamneho słownika bě farar a słownikar Jurij Kral, kotryž je dźensa před 75 lětami we Worklecach zemrěł.
Swědk serbskeho kubłanja a wědomosće – Na serbskich slědach po ...
W serialu pod hesłom „Na serbskich slědach po Praze“ wjedźe Pražan Marek Krawc čitarjow na městnosće w čěskej stolicy, kotrež maja za nas Serbow wulki wuznam. Dźensa: Serbski seminar.
Na Małej stronje strowja nas hižo zdaloka na dróze U Lužického semináře tři nam znate chorhoje – wjetšej Čěskeje a Sakskeje a bohužel wo wjele mjeńša módro-čerwjeno-běła serbska chorhojčka. Stejimy před domom čo. 13, kiž ma za nas Serbow wosebity wuznam. Na skerje njenapadnym baroknym twarjenju wuhladamy při zachodźe tafličku, kotraž nam w serbskej a čěskej rěči zdźěla, zo załožichu tu serbscy studenća 1846 „Serbowku“, prěnje słowjanske towarstwo w Praze, wuznamne za kulturne wuwiće Serbow. Dale čitamy, zo matej tam Společnost přátel Lužice/Towarstwo přećelow Serbow a Hórnikowa knihownja swój domicil.
Serbske kemše jeho wosebje hnuja a jimaja
Superintendent Krystof Rummel do zastojnstwa zapokazany
Serbscy ewangelscy wěriwi maja noweho superintendenta. Krystofa Rummela su 31. oktobra we wobłuku swjatočneje Božeje słužby – wotpowědnje wobmjezowanjam koronawirusa dla – w Hodźijskej farskej cyrkwi zapokazali. 47lětny Rummel přewza zastojnstwo dotalneho superintendenta Jana Malinka, kiž bě dźěło 17 lět wukonjał a je so mjeztym na wuměnk podał.
Jedyn z prěnich, kiž móžeše Krystofa Rummela w nowym zastojnstwje witać, bě městopředsyda Serbskeho wosadneho zwjazka Mato Krygaŕ. Wón rjekny: „W mjenje Serbskeho wosadneho zwjazka a Hodźijskeje cyrkwinskeje wosady Was wutrobnje witam. Wjeselimy so jara, zo móžemy dźensa tu w Hodźiju pod wězo wurjadnymi wobstejnosćemi Krystofa Rummela do zastojnstwa serbskeho superintendenta zapokazać. Smy zbožowni, zo njeje nastała dlěša přestawka wakancy dla w tutym za nas jara wažnym zastojnstwje.
SPD měła přinošować k tomu, wuwić nowu politiku za Europu Zhladowanje na lěta přewróta – 24
„Znowazjednoćenje Němskeje – són a woprawdźitosć“ rěka kapsna kniha z pjera Waltera Leonharda. Rodźeny Durinčan je 40 lět we Wětrowskej šamotowni dźěłał. Serbske Nowiny wozjewjeja jeho trochu wudospołnjene, wot Arnda Zoby a Friedharda Krawca z přećelnej dowolnosću nakładnistwa DeBehr zeserbšćene dopomnjenki.
1. Na teritoriju pozdźišeje NDR nasta po Druhej swětowej wójnje w aprylu 1946 SED (Zjednoćena socialistiska strona Němskeje) na ćišć Sowjetskeho zwjazka přez nanuzowane zjednoćenje stronow KPD a SPD. W NDR njeběše žanoho samopostajowanja. SPD skomdźi historisku šansu, socialdemokratisce orientowanym sobustawam SED w swojich rjadach perspektiwu skićić. Tysacy pilnych, wobdarjenych a derje wukubłanych nošerjow zamołwitosće buchu diskreditowane. Dźěławych w industriji a ratarstwje – njerěču tu wo administraciji – su wodźace mocy ze swojim sylnym sobuskutkowanjom wurubili.
Radworske dźěći Katolskeho serbskeho dźěćaceho domu „Alojs ...
Swjaty Měrćin w Delanach
Foće: Jadwiga Nukowa
W šulach a pěstowarnjach su dźěći minjeny tydźeń stawiznu wo swjatym Měrćinje wobjednawali a wjele zhonili. Tež hdyž lětsa žanoho lampionoweho ćaha było njeje, běchu wjacore akcije planowane. K tomu słušeše mjez druhim online-nyšpor. A wy, lube dźěći, kak sće tónraz dźeń swjateho Měrćina swjećili? Waš Dźěćiznak
Po předstajenju legendy dokoławokoło swjateho Měrćina w Ralbičanskej pěstowarni podachu so dźěći kubłanišća z přewodom swj. Měrćina na konju a z prošerjom spěwajo po wsy. Spontanje pozastachu při tamnišej šuli, pola wobydlerjow a nic naposledk při farskim domje. Na kóždym městnje dóstachu chłóšćenku. Jadwiga NukowaNazymske wjesela na nowym hrajkanišću
Rjane nazymske wjedrjo wužiwachu dźěći Witaj skupiny Budyskeje AWO-pěstowarnje „Kraj pjerachow“ za wopyt noweho hrajkanišća w Strowotnej studni. Hober Sprjewnik chowancow hižo wotdaloka witaše. Holcy a hólcy wuspytachu so na wšelakich nastrojach wulkeho hrajkanišća a mějachu při tym wjele wjesela. A dokelž je tam telko móžnosćow so zabawjeć, woni zawěsće bórze zaso hobra Sprjewnika wopytaja. Tekst a fota: Stefanie Šramina
Słódku husycu sej dźělili
W e Worklečanskej zakładnej šuli „Michał Hórnik“ swjećeše lětsa kóžda rjadownja w swójskej rumnosći swjateho Měrćina. Tak sydaše za kóždu wulka słódka husyca, a to z Worklečanskeje pjekarnje. Husycu z ćěsta su do wjele kuskow rozdźělili, tak zo móžeše kóždy słódne pječwo woptać. Holcy a hólcy rjadownje 1/2 su so nad překwapjenku jara wjeselili. Tekst a foto: Jurij Bjeńš
