Serbsko-čěski styki w hospodźe
Chrósćicy. Serbsko-čěske styki, serbsko-čěske přećelstwo, wěda wo Serbach w Čěskej – kak je so tole wšo w běhu lět wuwiwało? A što so na tutym polu aktualnje hiba? Aktiwity Towarstwa přećelow Serbow w Praze (SPL) su mnohostronske –to njeje jenož kultura, ale tež turistika, šulstwo abo konkretna pomoc serbskim přećelam w nuzy. Na to skedźbnja předsyda towarstwa Lukáš Novosad, kotryž so hižo 20 lět za čěsko-serbske zwiski angažuje. Wo tym přednošuje wón sobotu, 11. januara, wot 19.45 hodź, w Chróšćanskej putniskej hospodźe. Najradšo chce z wopytowarjemi do žiweje rozmołwy přińć, na přikład wo něhdyšej ideji, po přikładźe Goethoweho instituta Němskeje sej za serbsku rěč załožić „Brězanowy institut“ Serbow. Abo snano Towarstwo přećelow Serbow po zmysle mjeztym hižo tajki kulturny institut je?
Nimo přednoška a bjesady tež live-hudźba zaklinči. Sobotny wječor wuhotuje spěwar, hudźbnik a nawoda skupiny Lidová muzika z Chrástu Vojtěch Kouba sobu. Popołdnju pokaza so na samsnym městnje w 16 hodź. serbske dźěćace kino.
Přihotuja Łužisku rallye
Sportowy podawk kombinuja z němskim mišterstwom
Hamor (AK/SN). 28. mjezynarodna Łužiska rallye ADMV wotměje so lětsa nazymu we wosebitej kombinaciji. Wona ma so jako finale němskich rallyjowych mišterstwow přewjesć. Tole zdźěli Wolfgang Rasper, organizatoriski nawoda Łužiskeje rallye. Wón je zdobom předsyda towarstwa Rallyjowy a wodosportowy klub Łužica we wobłuku ADMV. Finalny běh němskich rallyjowych mišterstwow ma so wot 30. oktobra hač do 1. nowembra na šćerkowych čarach kołowokoło Hamora wotměć. „Dohromady wosom króć móžachmy našu Łužisku rallye hižo jako dźěl němskich rallyjowych mišterstwow přewjesć. Posledni raz bě to w lěće 2014“, organizatoriski nawoda rozłoži.
Rěka ma zaso přirodniša być
Nowa Wjes (UM/SN). Renaturěrowanje Sprjewje pola Noweje Wsy w Malešanskej gmejnje móže so zahajić. Sakski krajny zarjad rěčnych zawěrow (LTV) je nětko twarske dźěła wupisał.
W juniju 2023 je Sakska krajna direkcija trěbne planowe jednanje wotzamknyła. Přećiwo tomu pak bu skóržba zapodata, čehoždla je so naležnosć dlijiła. „Zaměr projekta je, Sprjewi dalokož móžno zaso přirodny wonkowny napohlad spožčić“, praji bywša prezidentka krajneje direkcije Regine Kraushaar. Nic jenož wšelake družiny rybow měli zaso po Sprjewi pućować móc. Tež cyły ekosystem ma lěpšu runowahu dóstać. A skónčnje ma tež čłowjek wot čwaka stroweje přirody profitować.
Sprjewja pola Noweje Wsy so zawěrno jako dźiwja a trochu mystiska krajina prezentuje. Tónle zaćišć pak myla někotre wočiwidnje wusłužene twarske připrawy. Mjez druhim su to tři spušćadła. Te pak jeno zdźěla wotstronja, nic dospołnje. Nimo toho připrawja skłoniny, po kotrychž móža ryby po rěce jednorje pućować.
Města a gmejny su za to zamołwite, zo wot štomow podłu pućow ...
Sydom naprawow lětsa předstajić
Budyšin (SN/MiP). W lěće 2024 su sobudźěłaćerjo Syće za regionalnu identitu a serbsku rěč – ZARI projekt w nošerstwje Domowiny dale wutwarili, nowy personal zdobyli a struktury za zhromadne dźěło skrućili. Mjez druhim su tež nowu internetnu stronu, nowy logo kaž tež nowy design za zjawnostne dźěło projekta zawjedli. Nimo webstrony informuja a wabja sobudźěłaćerjo nětko tež w socialnych medijach za zarjadowanja a wo tutych rozprawjeja. Nowy sobudźěłaćer na nowym městnje posrědnika kultury we wobłuku dźiwadło a literatura je Křesćan Schröter, kotryž je so mjez druhim w Budyskim Thespis-centrumje angažował.
Krótkopowěsće (09.01.25)
Podpěruje Hornjołužiske kliniki Budyšin. Z dohromady 225 000 eurami chce sakske knježerstwo Hornjołužiske kliniki (OLK) podpěrować. Spěchowansku zdźělenku je statna ministerka za infrastrukturu a wuwiwanje kraja Regina Kraushaar (CDU) wčera přepodała. Z pjenjezami z fondsa simul+ InnovationHub spěchuje Sakska prócowanja OLK, nowe móžnosće mediciniskeho zastaranja ludnosće na kraju wuwiwać.
Dalše zetkanje planowane
Hodźij. Serbske ewangelske towarstwo chce lětsa w aprylu serbski ewangelski kónc tydźenja w Hainewalde w Žitawskich horinach zarjadować. Přeprošene su dźěći, młodostni, swójby, samostejacy a wuměnkarjo, kiž so na serbsku zhromadnosć wjesela. Přizjewjenja su hač do 9. měrca w serbskej superintendenturje w Hodźiju móžne.
Potajnstwa biblioteki wotkryć
Policija (08.01.25)
Pjenjezy na nuzniku zabyła
Budyšin/Drježdźany. Na parkowanišću „Wiesaer Forst“ při awtodróze A 4 do směra na Drježdźany je póndźelu připołdnju 61lětna žona swoju tobołku zabyła. Hakle 175 kilometrow dale wona malheur pytny a wróćo jědźeše. Tobołka z dokumentami, kreditnymi kartkami a pjećcyfrowej sumu pjenjez w dolarach pak bě fuk. Swoje njezbožo zdźěli žona awtodróhowym policistam. Wječor přizjewichu so jich kolegojo z Drježdźan. Jim běchu wobydlerjo beigebarbnu tobołku jako namakanku přepodali. Hač na wobalku z pjenjezami hišće wšitko w njej bě. Policija pyta nětko swědkow, kotřiž su póndźelu popołdnju na parkowanišću „Wiesaer Forst“ wosobu z beigebarbnej tobołku wot nuznika přińć widźeli. Štóž móže tónle wosobu abo awto, do kotrehož je wosoba zalězła, wopisać, njech so pola policije přizjewi.
Qigong bliže zeznać
Hibićiwe swójby program wuhotowali
Budyšin (CRM/SN). Přeprošenje na tradicionalnu wosadnu hodowničku na Benowej žurli Montessorijoweje šule na Tzschirnerowej a do toho na ekumeniski nyšpor w cyrkwi Našeje lubeje Knjenje na prěnjej njedźeli w nowym lěće běchu tež tónraz Serbowki a Serbja wšěch generacijow radlubje sćěhowali. A hižo na ekumeniski nyšpor, w kotrymž přewza superintendent Krystof Rummel prědowanje, bě mnoho ewangelskich wěriwych přišło.
Na žurli Montessorijoweje šule mjerwješe so potom k wjeselu wšěch z wjele dźěćimi. To njebě w zašłosći přeco tak było. Agilne młode swójby wuhotuja tuž po swojich předstawach a móžnosćach kulturny program. Tónraz běštej so tomu předewšěm Weronika Budenteichowa a Božena Šimanec wěnowałoj.
Nazymski koncert wjeršk był
Chór Budyšin na hłownej zhromadźiznje lońše lěto bilancował
Budyšin. Po tym zo su čłonojo chóra Budyšin sobotu swoju hodowničku w Budyskim hosćencu „Karasek“ woswjećili, zetkachu so woni póndźelu znowa na hłownu a zdobom wólbnu zhromadźiznu w rumnosćach Serbskeho ludoweho ansambla. Předsyda Benjamin Wirth wo dźěławosći chóra w zašłym lěće rozprawješe. Tak pobychu spěwarki a spěwarjo w lěće 2024 w kónctydźenskim chórowym lěhwje w Ochranowje, přewjedźechu tři swjedźenje, jědnaće koncertow a 18 nahrawanskich projektow.
