Rěčne nowinki
Za „najhłupiše słowo lěta“ ma Rěba nowotarski terminus „kmótřow“ – Hotoweho přeměnka wulahnył je Serbski rozhłós a prapremjernje nałožił za pluraletantum femininum w teksće powěsće „Prěni raz maja woni kmótow a …třow“. Žałostnje hóršili su so „kmótry“.
Syn praša so nana: „Nanko, što je poprawom politika?“ Na to rjeknje nan: „Mój luby, to je cyle jednore. Hladaj raz, ja přinjesu pjenjezy domoj, sym potajkim KAPITALIZM. Twoja mać wo pjenjezach rozsudźa, da je wona KNJEŽERSTWO. Twój dźěd na to kedźbuje, zo ma tu wšitko swój porjad, potajkim je wón DŹĚŁARNISTWO.
Luby Helmuto Kohlo,to šće běchu časy: Jako sće w lěću 1991 ...
Luby Helmuto Kohlo,
to šće běchu časy: Jako sće w lěću 1991 Radwor wopytał, bě tam cyła wjes na nohach. Kaž tajkeho zbóžnika was witachu, samo w serbskej narodnej drasće. Wšitcy chcychu muža widźeć, kiž bě znowazjednoćenje Němskeje zwoprawdźił a kotryž lubješe kćějate krajiny. Nalada njemóžeše lěpša być. Po wobjedźe w hosćencu „Meja“ pola tehdyšeho korčmarja Měrćina Wagnera sće do swojeho helikoptera zalězł, kiž při puću do Bronja steješe. Sće ludźom hišće raz kiwał a wotlećał. Ludźo su hišće dołho wo podawku rěčeli, a starši Radworčenjo to hač do dźensnišeho činja.
Mjeztym pak je wjele lět zašło. Mamy generaciju młodych ludźi, kotřiž su Waše mjeno snano raz słyšeli, bjeztoho zo móhli wjele z nim započeć. A ta wěc z tymi kćějatymi krajinami wšak so tež tak prawje radźiła njeje. Znajmjeńša hodźi so wo tym diskutować.
měrcHłowna zhromadźizna Domowiny 30. měrca w Chróšćanskej ...
měrc
Hłowna zhromadźizna Domowiny 30. měrca w Chróšćanskej „Jednoće“ wotměje so pod wosebje krutymi wěstotnymi naprawami. Dokelž liča ze stron Serbskeho sejma z masiwnymi nadběhowanjemi, je so zarjadnistwo třěšneho zwjazka za runje tak njewšědne kaž zajimawe škitne zadźěwki rozsudźiło. Podobnje kaž na Budyskich adwentnych wikach, hdźež nastaja betonowe štomiki, chcedźa wokoło „Jednoty“ betonowe chorhojčki w serbskich barbach nastajić. Te móhł pozdźišo tohorunja Serbski sejm wužiwać.
februar
Po tym zo su twarske dźěła na křižowanišću před Radworskim kěrchowom zahajili, wutworichu tam wobydlersku iniciatiwu. Jeje zaměr je, zo ma so po skónčenju projekta zachować prowizoriska wobjězdka, kotraž za čas twarskich dźěłow nadróžny wobchad wokoło wsy wodźi. To by wobchadne połoženje we wsy chětro wolóžiło. Namjet su sej Radworčenjo takrjec wot wobydlerjow Pančic-Kukowa wothladali. Tam bychu tohorunja wobjězdku wokoło twarnišća noweho mosta zdźerželi, štož pak so bohužel njeporadźi.
januar
Serbska armeja Rujany wróćo zdobyłaSmy doooobyyyyyyyyyyliiiii! Nad ...
Smy doooobyyyyyyyyyyliiiii! Nad Rujanami zmawuje zaso serbska chorhoj. Serbska ludowa armeja je prastare słowjanske sydlišćo wróćo zdobyła a tak starodawne žadanja wótčincow a słowjanskich přećelow we wukraju spjelniła.
Zakład historiskeho dobyća bě wukaz noweho Serbskeho sejma, zawjesć powšitkownu wobornu winowatosć za młodych serbskich pachołow. Tak móžeše prěnju bojowu jednotku z 15 wojakami nastajić.
Cyła akcija by so bjezmała nimokuliła. Falowacych pjenjez dla dyrbjachu jenički pancer serbskeje armeje pola wikowarja šrota kupić. Hólcy w Rostockec awtowej porjedźerni w Chelnje motor přehladachu a staru karu wobarbichu. Chorhoje je Serbska kulturna informacija w Budyšinje sponserowała. Granatu, kotruž je serbski pancer sobu měł, bě něchtó na wotpadkowej deponiji w Rakecach njedaloko bywšeje municiskeje fabriki namakał. Ta wšak armeji tež dosahaše: Jenički wutřěl z kanony a hižo bě wšón FKK-pobrjóh wuprózdnjeny. Tak móžachu tam hnydom prěnju wojersku paradu přewjesć a z pancerom tróšku tam a sem jězdźić.
junij ...
meja Z wulkim brjušebolenjom čakaja w gmejnje Ralbicy-Róžant na komunalne wólby. Tam nochcedźa hišće raz situaciju kaž před pjeć lětami dožiwić, jako bě so němsce rěčacy wobydler do komunalneho parlamenta dóstał. Tohodla su tam tónraz jenož serbskorěčnych kandidatow nastajili a so druhich ani prašeli njejsu. To njeje wězo nichtó pytnyć směł, hewak dyrbjeli sej hišće njedemokratiskosć wumjetować dać. Nětko so jenož nadźijeja, zo nichtó ze Smjerdźaceje abo wot druhdźe na ideju njepřińdźe, so jako samostatny kandidat nastajić dać.
september ...
awgust
Medije dopominaja na njesměrnu horcotu zašłeho lěta, jako bědźachmy so tež w Hornjej Łužicy z temperaturami wokoło 35 stopnjow a wjace. Na to dopominać je tež wulce trěbne, wšako je lěćo 2019 wšo druhe hač rjane. Temperatury nic wjace hač 20 stopnjow a nastajnosći dešć mnohim ludźom dowol skepsaja. To drje su němscy wjedrarjo hižo dawno wěšćili, jenož wěrić jim to w Serbach nichtó chcył njeje. Tohodla je Załožba za serbski lud nětko městno meteorologi wutworiła, kiž ma so wo kmańše wjedro starać.
decemberJako bu znate, zo so lětuša patoržica cyle njejapcy 24. ...
december
Jako bu znate, zo so lětuša patoržica cyle njejapcy 24. decembra wotměje, dóńdźe w šěrokich kruhach wobydlerstwa k wulkej panice, dokelž dźě tež přichodnej dnjej žane wobchody wočinjene njebudu. To wjedźe k wulkemu nakupowanju a doma k składowanju, štož wikowarjam zaso rekordne wobroty wobradźa. Přiwšěm chcedźa lětsa prěni raz nuzowu słužbu zawjesć a z njej zawěsćić, zo nikomu ničo njepobrachuje. Jeli potajkim druhi swjaty dźeń tola poł kuska butry faluje, njebudźe to žadyn problem.
nowember
Dokelž sej łužiske wjelki nazymu dosć tuka za zymske měsacy nažeru a wowčerjam wotpowědnje wulke škody načinjeja, chcedźa serbske institucije na njekonwencionelne wašnje pomhać a přewulkim škodam zadźěwać. Tam, hdźež wjelk najčasćišo zachadźa, ma najlěniši sobudźěłaćer institucije nócnu stražu přewzać a jeho w padźe nadpada wućěrić. Wšako móže so nazajtra na dźěle wuspać. Za škit swojeje wosobiny pak budźe sobudźěłaćer na nócnym zasadźenju zakukleny, zo njeby nichtó spóznał, wo koho so jedna.
Klětu připowědźeja so někotre změny w serbskim žiwjenju. ...
Předstajena scena Božeho narodka je dźěl rězbarjeneho wołtarja w ...
Konstelacija w šwalčerni zmóžnja jónkrótnosć
Doris Heinzowa a jeje dźowka Delia E. Münchowa so derje wudospołnjatej
Z jehłu a nitku pisane motiwy pletwy abo kwětkow na płaće wušiwać je wuměłske rjemjesło, kotrež w Žylowskej šwalčerni narodneje drasty wobknježa. Hižo wot dźěćastwa stej najprjedy Doris Heinzowa a pozdźišo jeje dźowka Delia E., wudata Münchowa, z wuměłstwom wotrostłoj. Dar, z jehłu a nitku wobchadźeć móc, bu jimaj do kolebki połoženy. Njezadźiwa tuž, zo so jeju zahoritosć w zhotowjenych dźělach delnjołužiskeje narodneje drasty, kaž rubiškow abo lapow, wotbłyšćuje.
