Starosće gmejny na městnje rozjimali
Miłoćicy (SN/MWj). Dwurěčne gmejny maja při zjawnym nałožowanju dwurěčnosće přidatne wudawki a dźěło a trjebaja tuž přidatnu podpěru. Kak móhła Załožba za serbski lud při tym pomhać, bě tema zetkanja Njebjelčanskeho wjesnjanosty Tomaša Čornaka (CDU) a direktora załožby Jana Budarja tele dny při Miłočanskej skale. Na nim wobdźěli so tež předsyda Krabatoweho towarstwa Reiner Deutschmann.
Madźarska kapała Omega njeje minjeny pjatk jenož na Dnju Saksow w ...
Nadźije a sony njespjelnjene
K dopomnjeću na Budyskich Židow zetka so zawčerawšim, njedźelu, horstka ludźi na Budyskim židowskim pohrjebnišću. Kóždolětne modlenje kadiša měješe wulce aktualny poćah.
Budyšin (CK/SN). Kaž kóždu prěnju njedźelu septembra wotmě so zawčerawšim na Budyskim židowskim pohrjebnišću kadiš. Přihotowana wot Hansa-Eberharda a Petry Kaulfürstec ma nutrnosć na Budyskich Židow dopominać, kotřiž su tam pochowani, kotřiž su w koncentraciskich lěhwach žiwjenje přisadźili abo su wupućowali a w cuzbje zemrěli. Něhdźe dwaceći ludźi – mjenje hač minjene lěta – je přišło, mjez nimi Budyski wyši měšćanosta Alexander Ahrens (SPD).
Wuměłske wiki w parku dožiwili
Njeswačidło (LR/SN). Druhi raz běchu minjeny kónc tydźenja wrota Njeswačanskeho parka za wuměłske rjemjeslniske wiki pod hesłom „Wiki rjanych wěcow“ šěroko wotewrjene. Wjace hač 60 rjemjeslnikow-wuměłcow ze wšelakich regionow Němskeje je tam najwšelakorišu pychu za dom, bydlenje a zahrodu poskićało.
Za debjenki z drjewa, metala, škleńcy abo slěbra zajimowachu so bóle žony. Wuměłskeho kowarja ze Schönbrunna pola Biskopic wobdźiwachu hłownje mužojo a dožiwichu, kak wón swoje železo nad wohenjom k figurinje formuje a wobdźěłuje. Tež stejnišćo štrusoweho farmarja bě přeco derje wopytane. Dźěćom lubještaj so wězo klawnaj Lotti a Ugo ze swojimi hłuposćemi a z wulkim kołom zboža, kotrež móžachu wjerćeć a sej při nim maličkosć dobyć. Rady pak sej tež mali wopytowarjo při stejnišću mydłoweje žony swoje mydło zhotowichu.
Pytaja zhromadnje korčmarja
Wjesnjenjo a mějićelej wo přichodźe hosćenca přezjedni
Worklecy (JK/SN). Hižo dlěši čas pytaja za Worklečanski hosćenc „Ke kupowemu hatej“ tamniša gmejna, Szczepaniakec bratraj Marcus a Henry jako mějićelej a Worklečanske towarstwo Kupowy hat korčmarja. Prěnje plany mějićelow za nimale wěsty nowy započatk běchu bohužel zwrěšćili. Tohodla zwołachu čłonojo towarstwa Kupowy hat wčera wječor zajimowanych wjesnjanow, kotrymž přichod hosćenca na wutrobje leži, do hosćenca, zo bychu wo tym wuradźowali, kak hodźi so zmysłapołnje dale wužiwać.
Wotewru wustajeńcu
Nowy móst tež nad Sprjewicu
Krótkopowěsće (05.09.17)
Jednanje zahajene
Kamjenica. Sakska krajna direkcija je disciplinarne jednanje přećiwo zwadnemu Budyskemu zastupowacemu krajnemu radźe Udej Wićazej (CDU) zahajiła. Wo tym rozprawješe wčera sćelak MDR. Po raznej kritice na jeho dwělomnej komunikaciji z bywšim Budyskim wokrjesnym předsydu NPD bě Wićaz sam disciplinarne jednanje nastorčił.
Pola MDR stawkowali
Lipsk. Stawk w centrali sćelaka MDR w Lipsku je wčera změny aktualneho programa zawinił. Něhdźe 250 přistajenych je připołdnju dźěło přetorhnyło, zdźěli jednaćel Zwjazka žurnalistow Němskeje w Durinskej (DJV) Ralf Leifer. Nimo DJV běštej tež posłužbowe dźěłarnistwo ver.di a Němske orchestrowe zjednoćenstwo k stawkej namołwjałoj. Mjez druhim žadaja sej 5,5 procentow wjace mzdy.
Woprašuja so w busach a ćahach
Policija (05.09.17)
Motorske do busa zrazyło
Kamjenc. Na Połčničanskej dróze w Kamjencu je wčera wječor k wobchadnemu njezbožu mjez busom a motorskim dóšło. Hdźež dróha na Böhnischowym naměsće nahle naprawo wotboča, zajědźe motorski na lěwy bok jězdnje a zrazy frontalnje do napřećo přijěduceho busa. Dwě wuchowanskej awće a nuzowy lěkar so wo zranjeneho wodźerja motorskeho starachu. Na městnje njezboža je jenož 30 km/h dowolenych. Połčničanska dróha je jedna z wažnych hasow Lessingoweho města z tójšto wobchadom.
Snadne žně jabłukow a krušwow
Sven Preusche w Šćeńcy ma wot lěta 2009 mobilnu brěčkownju. Kak je k tomu dóšło, kak je so jeho nimopowołanske dźěło wuwiło a kotre plany Preusche za přichod ma, wo tym je so z nim Andreas Kirschke rozmołwjał.
Knježe Preusche, kak je Waša brěčkownja při Slěbornym jězoru nastała?
S. Preusche: Ideju zrodźił sym lěta 2009, jako chcych sad takrjec dlěje składować. Plan bě, zo zajimc swój sad ke mni přiwjeze a móže hnydom na brěčku čakać. Runočasnje chcych k ludźom jěć a pola nich sad předźěłać. Wo technice sym so pola Hamburga a blisko Bodamskeho jězora wobhonił. Mjeztym wobdźělam so tu a tam na dworowych swjedźenjach, hdźež pokazuju, kak brěčka nastawa.
Zwotkel ludźo su, kotřiž swój sad pola Was předźěłać dadźa?
S. Preusche: Woni přijědu z Wodowych Hendrichec, Ottendorfa-Okrille a samo z Drježdźan. Sam sym po cyłej wuchodnej Sakskej, južnej Braniborskej a w Berlinje po puću.
Kajke su lětuše žně?
