Kupjel za jedyn euro?
Wokrjes poskića městu Kamjencej płuwansku halu za symbolisku płaćiznu
Kamjenc (UM/SN). Wokrjes Budyšin je Lessingowemu městu Kamjencej poskićił, jemu płuwansku halu na Macherowej hasy za jenički euro předać. To wuchadźa z lista 1. přirjadnika Budyskeho krajneho rady Uda Wićaza (CDU) Kamjenskemu wyšemu měšćanosće Rolandej Dantzej (njestronjan), kotryž tež Serbskim Nowinam předleži. W lisće skedźbnja Wićaz hišće raz na to, zo hospodarski plan Budyskeho wokrjesa „wot šulskeho lěta 2018/2019 hižo žane etatowe srědki za dalše wobhospodarjenje kupjele njewopřijima“. Nimo toho su wšitke dalše płuwarnje w zamołwitosći jednotliwych městow, komunow abo zaměrowych zwjazkow.
„Wuchadźejo ze zamołwitosće města Kamjenca a wobkedźbujo jeho dalše wuwiće poskićamy wam kup płuwanskeje hale za płaćiznu jednoho eura“, piše 1. přirjadnik krajneho rady mjez druhim Kamjenskemu wyšemu měšćanosće Rolandej Dantzej.
Slědy prjedownikow we Łazu našli
Krótkopowěsće (25.07.17)
Žana wulka woda
Drježdźany. Najebać dlěje trajacy dešć njeje staw wody w sakskich rěkach dramatisce přiběrał. Někotre pódlanske rěki hornjeho Łobja mějachu drje dźensa rano wjace wody hač hewak, akutneho wohroženja pak njebě, wobswětowe ministerstwo na swojej internetnej stronje zdźěla. Jutře ma so po informacijach wjedrarjow zaso jara dešćować. Potom móhł strach wulkeje wody přiběrać.
Padustwa sadu přiběraja
Podstupim. Braniborscy plahowarjo sadu bědźa so přiběrajcy z padustwami na plantažach. Paduši měrja so na jabłuka, holanske jahody a wišnje, zo bychu je sami přetrjebali abo na wikach předawali, informuje rěčnik Berlinsko-braniborskeho zahrodniskeho zwjazka. Lětsa je to ćim bolostniše, dokelž maja sadowcy nalětnich zmjerzkow dla mjenje płodow.
Čěska chce Libyskej pomhać
Policija (25.07.17)
Handy wažniši był hač wobchad
Rakecy. Policija prosy wo pomoc při wujasnjenju njezboža. Na Rakečanskej Zahrodowej bě sobotu kolesowar do Daewoowa zrazył – wón bě so bóle handyjej wěnował hač wobchadej – a ćeknył. Na awće nasta škoda něhdźe tysac eurow. Policija pyta za něhdźe 25lětnym 1,75 metrow wulkim mužom z krótkimi čornymi włosami. Koleso měješe tak mjenowane buwołowe wodźidło. Informacije přijimuje Wojerowski policajski rewěr.
Dalša dróha zawrjena
38 młodostnych je so wčera po wužohnowanju na nyšporje w ...
Swěčki zahrodu wobswětlili
Dwanaty króć wotmě so sobotu nóc tysac swěčkow w klóšterskej zahrodźe klóštra Marijineje hwězdy. Byrnjež so popołdnju mócnje dešćowało, je wječor při najrjeńšim wjedrje wjace hač tysac wopytowarjow přijěło. Mjez nimi běchu tež mnozy dowolnicy.
Pančicy-Kukow (mbr/SN). Na jewišću klóšterskeje zahrody w zežiwjenskim a zelowym centrumje Křesćansko-socialneho kubłanskeho skutka (CSB) dožiwichu wopytowarjo pisany a wotměnjawy program. Wo serbske štučki kaž tež němske, jendźelske a instrumentalne přinoški postara so skupina Sorbian Art Trio, kotraž publikum prěni raz na zarjadowanju zahori. Helene a Fritz Vogel z Wojerec pokazaštaj na klawěrje a pozawnje swój hudźbny talent.
Wša wjes na nohach była
Sulšečenjo znowa lóštny swjedźeń wotměli
Sulšecy (JK/SN). Jedyn z wjetšich, hdyž nic wulkich wjesnych swjedźenjow, je tón w Sulšecach pola Kulowa. Tež lětsa běchu tam – přezjedni kaž hižo přeco – přihotowali a wotměli wurjadny wjeršk wjesneho žiwjenja.
Hižo pjatk wubědźowachu so wohnjowi wobornicy starobneje klasy nad 40 lětami, prjedy hač witachu prěnich hosći na tradicionalne woptawanje piwa. Te wězo bjezporočnje słodźeše a tak bě swjedźeń oficialnje zahajeny. Jónkrótne su tež Sulšečanske sportowe wubědźowanja. Lětuše třělenje jědnatkow sobotu doby mustwo ze Salowa. Cyłkownje 24 cyłkow so na tymle wosebitym turněrje wobdźěli. Paralelnje k tomu, zo praskachu sej koparjo mjez sobu kulowatu kožu do klětki, móžachu zajimcy wosebity bul po systemje darta na wulku sćěnu kopać a dypki hromadźić. Wječor bě zabawa za přewažnje młody publikum. Beat na łuce z wjacorymi diskotekami přiwabi nahladnu ličbu młodych kaž tež hižo něšto staršich hosći.
Moderne wobličo katolskeje cyrkwje pokazali
W Róžeńčanskej putniskej cyrkwi a na łuce za njej knježeštej wot pjatka hač do wčerawšeho wječora hołk a tołk. Towarstwo Ostwind 3 000 ze Struppena pola Pirny bě, kaž hižo loni, předewšěm młodostnych na tak mjenowany Gig-festiwal prosyło.
Róžant (jb/SN). Kaž skrótšenka Gig (God is good) hižo přeradźa, ma festiwal předewšěm nabožny raz a bě cyły čas pokazka na to, zo njeje katolska cyrkej jeno starodawna a konserwatiwna.
Pjatk wječor zahaji so festiwal z Božej mšu. Přizamkny so film wo franciskanskich mnichach, kotřiž běchu tónle festiwal na nohi stajili. Woni běchu cyły kónc tydźenja lochce spóznajomni – swojeho šěreho woblečenja, dołheje brody a stajnje wulkotneje nalady dla. Sobotu poskićachu najwšelakoriše dźěłarnički. Nimo přednoškow mjez druhim wo młodźinskim dźěle w USA, Alojsu Andrickim abo hižo mjenowanych „šěrych“ mnichach so hosćo tež sami pospytachu. Hrajachu dźiwadło, spěwachu gospele a zhotowjachu sej róžowc. Wosebje dźěći natykachu sej najpisańše parličkowe rjećazki.
Krótkopowěsće (24.07.17)
200 milionow za nowše awta
Lipsk. Awtotwarc BMW chce lakěrarnju w swojej Lipšćanskej tworni rozšěrić kaž tež twar karoserijow a montažu přerjadować. Za naprawy nałoži 200 milionow eurow, kaž předewzaće dźensa zdźěli. Dźěła chcedźa spočatk přichodneho lěta zahajić a 2020 dokónčić. Zawod ma so tak na produkciju nowych generacijow awtowych modelow přihotować.
Dźiwje swinje so rozmnožeja
Drježdźany. Sakscy hońtwjerjo su lětsa hižo wjace hač 33 250 dźiwich swini třěleli. To je trójce telko kaž w lěće 1991, informuje ratarski minister Thomas Schmidt (CDU). Najebać třělenje wobstatk dźiwich swini dale rozrostuje. To njewjedźe jenož k wjetšim škodam w ratarstwje, ale polěkuje tež rozmnoženju afriskeje swinjaceje mrětwy, kotraž je mjeztym susodnu Čěsku docpěła.
Awta bjez wodźerja testować
