800 ludźi na Gig-festiwalu było
God is good (Gig) – pod tymle hesłom wotmě so kónc tydźenja na łuce blisko Róžeńčanskeje cyrkwje křesćanski festiwal za młodźinu a swójby. Hižo pjatk běchu prěnje zhromadne zarjadowanja wěriwych, sobotu a wčera slědowachu cyły dźeń dalše.
Róžant (cš/SN). Nimo dźěłarničkow, kotrež zaběrachu so z načasnymi temami, kaž ze seksualitu w zwisku z nabožinu abo tež powšitkownje z młodźinskim wuwićom, wabjachu wosebje hudźbne koncerty křesćanow a zajimcow na swjedźensku łuku při Róžeńčanskej hnadownej cyrkwi. Při tym zastupowaše kóždy wuměłc wosebitu powěsć. Tak zasadźeja so wěriwi bikerojo z USA přećiwo wotehnaću. Kaž organizatorojo zdźěla, je so dohromady něhdźe 800 ludźi – mnozy tež z Pólskeje, Čěskeje a ze Šwicarskeje – na kónc tydźenskich zarjadowanjach wobdźěliło. Wuhotowało bě festiwal nowozałožene towarstwo Ostwind, wokoło hłowneho iniciatora patra Paulusa. Wone bě tež hižo na Alojsowym festiwalu loni spočatk julija w Radworju sobu skutkowało.
Europu wotdeleka twarić
20. mjezynarodny gmejnski swjedźeń wotměnjawy program skićił
Njebjelčicy (HS/SN). Jubilejny 20. mjezynarodny gmejnski swjedźeń wotmě so kónc tydźenja w Njebjelčicach. Oficialny zazběh k tomu bě sobotny beachvolleyballowy turněr z wosom mustwami. Tomu přizamknych su reje a diskoteka.
Krótkopowěsće (08.07.16)
Wjace wobchadnych njezbožow
Budyšin. W Budyskim wokrjesu je so loni 7 880 wobchadnych njezbožow stało, 122 wjace hač lěto do toho. Přiwšěm je w přirunanju minjenych pjeć lět trend spóznajomny, zo ličba njezbožow woteběra. W lěće 2010 bě jich hišće 9 554. Loni je so 1 298 ludźi zraniło, z nich 333 ćežko. 16 wosobow je žiwjenje přisadźiło, zdźěli wokrjesna komisija wobchadnych njezbožow. Jich hłowne přičiny běchu njewobkedźbowanje předjězby, přewulka spěšnosć a přemały wotstawk.
Wuknu w prózdninach
Drježdźany. Něhdźe 225 sakskich šulerjow wot 7. lětnika wobdźěla so we wulkich prózdninach na dohromady wosom wuknjenskich lěhwach. Na te wašnje chcedźa njedostatki nachwatać, kaž ze sakskeho kultusoweho ministerstwa w Drježdźanach rěka. Lěhwa spěchuje Sakska ze 422 000 eurami.
Sudnistwa nětko wěsćiše
Policija (08.07.16)
Twarski płót sobu wzałoj
Budyšin. Sto metrow twarskeho płotu a za njón trěbne kamjenje je 29lětny muž tele dny na Roesgerowej w Budyšinje hromadźe z pomocnikom na připowěšak składł a wotjěł. Dokelž swědk policiju zawoła, móžachu zastojnicy skućićela blisko Budyšina wuslědźić. Jako přičinu wón zdźěli, zo chcyše z płotom zarjadowanje młodźinskeho kluba zawěsćić. Mějićel płotu móžeše swoje wobsydstwo w hódnoće 2 500 eurow zaso sobu wzać.
Nowy na čole zwěrjenca
Riziko radźićelam přewulke
Lejno (SN/MWj). Hač pjeć gmejnow zarjadniskeho zwjazka Při Klóšterskej wodźe zhromadnu přemysłowu přestrjeń wutwori, je wjace hač dwělomne. Po tym zo je hižo gmejnska rada Ralbicy-Róžant wobzamknyła so na tymle projekće njewobdźělić, su wčera tež gmejnscy radźićeljo Pančic-Kukowa na swojim posedźenju w Lejnje tajku přestrjeń wotpokazali.
Pomolowane kany posudźować
Miłoćicy (SN). Kreatiwni hobbyjowi molerjo, molowanske kružki a dalši lajkojo a skupiny ze Swobodneho stata Sakskeje su minjeny čas 15 mlokowych kanow pod hesłom „Žiwidła su drohotne“ wuměłsce wozdebili. Wot spočatka měsaca su pomolowane kany na internetnymaj stronomaj www.csb-miltitz.de a www.slk-miltitz.de widźeć. Tam móža je zajimcy tež posudźować, zdźěla Miłočanski Křesćansko-socialny kubłanski skutk (CSB). Wuhotowarjow třoch dobyćerskich kanow chce sakski ratarski minister Thomas Schmidt (CDU) na 19. krajnym žnjowym dźaknym swjedźenju wot 16. do 18. septembra w Torgauwje mytować. Hač do 31. awgusta su zajimcy namołwjeni swój posudk wotedać.
Po krajnym žnjowym dźaknym swjedźenju maja mlokowe kany w socialnych zarjadnišćach Sakskeje ludźi zawjeseleć. Zarjadnišća móža so pod wo jednu z nich požadać.
„Kany, wuměłstwo a kreatiwita“ je akcija we wobłuku projekta „Žiwidła su drohotne“, kotryž Miłočanski Křesćansko-socialny kubłanski skutk hromadźe ze Sakskim krajnym kuratorijom za wjesny rum wot lěta 2012 přewjeduje.
Póndźelu započnu halu ponowjeć
Z koordinaciju njespokojom
List zarjadniskeho zwjazka zasadźenja wobornikow njewjedrow dla
Pančicy-Kukow (SN/MWj). Po wulkimaj njewjedromaj 23. meje a w nocy na 26. junij su wohnjowi wobornicy w gmejnach zarjadniskeho zwjazka Při Klóšterskej wodźe přiběrajcy njespokojom z dźěłom Wojerowskeje integrowaneje wuchowanskeje centrale. Wjacorych njedostatkow dla při alarmowanju wobornikow su wjesnjanosća pjeć gmejnow nětko list zestajeli a jón wotrjadnikej za porjad a wěstotu Budyskeho wokrjesa Renéjej Burkej, zastupowacemu wokrjesnemu wohnjowobornemu hašenskemu mištrej Volkerej Lutterbergej kaž tež šefej Wojerowskeje powołanskeje wohnjoweje wobory Dieterej Kowarkej pósłali.
